Jems 3:9 - mzwDBL

⁹ O nee yaa jam Korowii waa ɛ ya Naa ne ya Mɛɛ la, dɛ berɛ kpɔ o tenten dɛɛ taah ya dɔŋa Korowii aa ta ba kɛŋɔ o tenten la.

Jems 3:9 Iomraidhean Croise

Mumpar 5:1

Kenii Adam naanar teŋɛ dɔŋa nɛ. Korowii aa ta nɛwɛnyina la, o ta ba ɡɛ o tenten aa doa.

Mumpar 9:6

Nomɛlbwa waa kpo o dɔŋ la, ɡɛɛ o dɔŋ bɛl ɡe ɛɛ ba o kpoe, dɛkalkɛ ɡɛ Korowii aa doa laanee o ta nɛwɛnyini.

2 Samoɛl 16:5

Kooro Devid aa baa tel bwɛɛ Bahurim la, Gɛra bibaa Simei waa le dea Kooro Sɔɔl aa le o ta balɔ ba chemo. Waa lea dɛɛ ba dɛ o dɛ taahno.

2 Samoɛl 19:21

Belaa Seruya bibaa Abisae ŋɔ, “A ta chɛ kɛŋɔ bá kpo Simei ɡɛ waa nɔ wa aa? O taah nɛn Korowii aa leo dɛ fuɡe noo do o nyu ta, dɛ cheɡo kora ta.”

1 Webena 29:10

Kooro Devid kpɛɛ Korowii nɛra la bwa sie dɛ ŋɔ, “N Naa Korowii ya naa Jekɔb aa tomɛ, henee chɛ kɛ ya kpɛɛ saŋ bɛlbwa dɛɛ la.

1 Webena 29:20

Belaa Kooro Devid ŋɔ nɛra la bwa be ŋɔ, “Hé kpɛɛ Korowii haa dɛ tomɔ.” Anomanta, ba kpɛɛ Korowii ba naawa aa tomɔ, dɛ chole kpɔ sie pi harɛ Korowii ne kooro sie.

Yela 10:7

Nɛra taahna ne nɛra neɡra, dɛ nɛra aahra ɡboo ba bwa, wobochɔɡa ne musuwaa ɡboo baa bol.

Yela 108:1

N Naa Korowii, he nɛɛ mɛɛ hwɛɡɛ kohona, mɛɛ ɡo yelaa kpɛɛre n bambile bwa ne.

Yela 145:1

N Naa Korowii maa dɛ tomɛ, ne n kooro, mɛɛ jaame saŋ bɛlbwaa dɛɛ la.

Yela 145:21

Mɛɛ kpɛɛ Korowii saŋ bɛlbwaa. Korowii kontaala bwa, hé kpɛɛ o sɔn waa do ɡoroŋ la, saŋ bɛlbwa dɛɛ la.

Yela 16:9

Anomanta, n sie lɛo mɛɛ jam hen Korowii, maa wobɛlbwa ɔmɛ kpa,

Yela 30:12

Anomanta, maa nyoa tɔ, mɛɛ ɡo yelaa dɛ́ kpɛɛre. Korowii maa dɛ tomɛ, mɛɛ kpɛɛre saŋ bɛlbwa dɛɛ la.

Yela 34:1

Mɛɛ kpɛɛ Korowii saŋ bɛlbwaa. Maa o jaamaa ɡel bwa.

Yela 35:28

Belaa mɛɛ ba toɡra he wa aa toɡra la waa bola, dɛ́ kpɛɛre tɔpebir bwa.

Yela 51:14

N Naa Korowii, dɛ n kpo nɛn dɛ di a bolchɔɡe aa, lɛɛ mɛ. Ásɛ n ɡo yela silɛɛ ne, dɛ́ baɡle ɡɛ he wa aa toɡra.

Yela 57:8

Mɛɛ iruu che, dɛ́ kpɔ janjela ne kwaa bwa soo siwi lɔ yela! Mɛɛ feluu ir mɔɔ bɔr chaah.

Yela 59:12

Wechɔɡa su ba nyoo, che ba nyoa wobol ta dɛ́ ɡel ba laɡ ba ba mbarafo baa dɛ ɛ ta. Koh nyosone ne taahna baa dɛ taah nɛra la wa,

Yela 62:4

He dɛ nyin kɛ he lɔɔ harɛ le bodɛɛɡe waa soɡa, he sie dɛ lɛ nyosone teŋa ta. Wobosoma dɛ le he nyoo, kɛ he bambile ta te, taahna ɡbosoo.

Yela 63:4

Mɛɛ kpɛɛree n soɡa bini bwa, mɛɛ ɡɔɔ n nɔɔraa nyundua, dɛ́ kpɔ n wesoŋa bil he sie.

Yela 71:24

Mɛɛ bol he toɡra haa toɡra waa tɔpebir bwaa, dɛkalkɛ nɛra ba fe aa dɛ nyin n ne wechɔɡa la, sihiih kpo ba, ba wili.

Wejereme 7:22

dɛkalkɛ he ɡbabir jemɔ kɛŋɔ ɡɛɛ he taah nɛra bane.

Aesaya 29:13

Korowii ŋɔ, “Nɛra nɔ te, nyoa ɡbo nee baa baɡle kɛŋɔ n ne ba pɛo, nyoa ɡbo nee baa duu mɛ, kɛ ba tea bini te ta toe. Toma baa dɛ tom mɛ la, nɛwɛnyini mmarare taa baa baɡle ŋɔ nɛ́ra teŋɛ.

Matiu 26:74

Asɛ Pita ŋɔ, “N ŋwɛɛ Korowii kɛ dɛ n jemɛ baa nɔ bobɛlbwa naa, ó bɛ men ɡel!” Buɡ la ta, dɛ jabal sio,

Matiu 5:44

Kɛ taraken n dɛ ŋɔ he be, hé nyin he dɔma dɛ́ soŋe Korowii dɛɛ tɛɛ ba,

We-ɛɛla 2:26

Anomanta, n sie lɛo, n wobol ɡe bwa ɛ bansɔɔhna wobol. Maa n bwadabii waa jare, dɛkalkɛŋɔ n sie dawɛ Korowii nɛ.

Tɔn Pɔɔl Aa Chwerɛ Rom Tena 3:14

Wobochɔɡa ɡboo su ba nyoo.

1 Kɔrent 11:7

Aa were kɛŋɔ baa ɡe kpɔ kon bɔle o nyu, dɛkalkɛŋɔ o do ɡɛ Korowii aa doa, dɛɛ baɡle Korowii jirima. Kɛ haah te dɛ baɡle baa jirima.

Ɛfesos 1:3

Hé ɡel ya kpɛɛ ya Dɔɔ Yeesu Kristo Mɛɛ Korowii, dɛkalkɛŋɔ o cha yaa wedɛɛɡa la bwa aa le o Domadɛɛɡe be la ta, asɛ yaa na som o be nyundua, pɛɛ ya ne Yeesu Kristo aa pɛa la wa.

Jems 1:27

Waa Korowii waa ɛ ya Mɛɛ aa dɛ nyin a do wer dɛ́ maɡre o toma bini laanee kɛŋɔ, yá cha bilalbii ne luhaahna ba wahala bini, ásɛ dɛ laa ya te kpɔ harɛ nɔ wechɔɡa ta.

Jems 3:10

Nyoa beŋkpoŋ la taa wobodɛɛɡa ne taahna bwa ɛɛ le. Yabala, a ta chɛ kɛŋɔ aa ba ɡɛ!

1 Pita 1:3

Hé ɡel ya kpɛɛ Ya Dɔɔ Yeesu Kristo Mɛɛ Korowii. Waa dɛ sune ya nɛɛ kohona nomanta, o cheɡɛ ira waa ir Yeesu Kristo seo ta la ta dɛ ɡel ya ɛ nɛnfala. Anɔ ɡelɔ ya dɔ hwɛɡa aa wola jaɡa dɔe bwa.

Sitɔɔla 9:27

Ba kaa chaa ba ɡrepo nɔna dɛ harame a nee dɛ kpɔ ɛ sen. Asɛ ba tɔpejen bɛl ta, ba ka so ba voɡ dea dɛ di kwaa dɛɛ nyɔ sen asɛ dɛ taah Abemɛlɛk.