Jems 3:5 - mzwDBL

⁵ Gɛɛ nyondoŋe do jeɡaa nɛn bini, kɛ dɛ won wejena ɛɛ. Hé na ɡɛ kɔr aa doa asɛ nihɔl won o fuih.

Jems 3:5 Iomraidhean Croise

Job Tɔn 22:17

Ba ŋɔ Korowii be ŋɔ, ‘Gel yaa! Bɔkwaa hen Haa Ɛ Kpeɡri Bwa Dɔɔ ɛɛ ba wona ɛ yaa ɔ?’

Yela 10:3

Nyubinikpeɡ tena dɛ maŋkura ba te ba pɛlchɔɡa ta, nɛra baa dɛ nyin kafo dɛ bol Korowii bwara wechɔɡa dɛɛ vɛoh.

Yela 17:10

Baa nɛn sum na, mbarafo wobolee baa bol.

Yela 39:1

N lii n nyu bini ŋɔ, “Mɛɛ nyiŋi n ŋwɛnɛre ta kɛrɛdɛɛ, maa ɡel a che n nyoa wobol ta, n ɛ wechɔɡa. Nɛnchɔɡa bɛn mɛ naa, maa wobɛlbwaa bol.”

Kaala 15:9

Ya dɔma tamanɔ dɛ ŋɔ, ‘Mɛɛ ti baa dɛ́ ka pɔ ba nɛ. Ba kondɔɔh bwaa mɛɛ ba pae ɡɛ maa dɛ nyin. Mɛɛ tɛr n kere ba nɛɛ dɛ́ chɔɡ ba bwa.’

Kaala 5:2

Anee kooro la ŋɔ, “Umee Korowii n duuru, dɛ́ tɛ Israel tena ŋwɛnɛ ba kaalɔ? Maa Korowii bɛlbwa jemɛ, anomanta, maa ban ŋwɛnɛɛ tɛ ba kaa.”

Sɛɡla 12:18

Nɛra baa dɛ bol waa baa wola liire a ta do la, ba wobol dɛ we kɛŋɔ nii ken, wejereme wobol dɛ larawe bwara.

Sɛɡla 15:2

Wejereme wobol ɡelɔ wejema ɛɛ dɔ pɛla, ɡɛne ɡee dɛɛ bol waa warawara, wejema aa wola toole a ta.

Sɛɡla 18:21

Nyoa wobol dɛ ba seo ne mkpa ne. Anomanta, nyiŋi he nyoa wobol bini kɛrɛdɛ, dɛ bɛ waa dɔ.

Sɛɡla 26:20

Gɛ nindaa hɔɔ tonaa, nii yon dime la, ɡɛɛ nɛn ŋwala ɡe toole naa, naɡra toole.

Jeremia 18:18

Asɛ nɛra la bane ŋɔ, “Hé ba ya vɔrɔwe Jeremia vɔrɔwa, dɛkalkɛ sɔfore waa baa dɛ bol la ɛɛ do lee, wejerema ɡe webaɡla aa tonɛ, ɡɛɛ Korowii keamere ɡe waa la ɛɛ ba cheɡa. Anomanta, hé ɡel ya nyin waane dawɛ o nɛ, dɛ́ ɡel waa waa dɛ bol la noe.”

Ɛsekeɛl 28:2

“Nɛwɛnyini bie, bol Taaya kooro be ŋɔ men Nemenɛ Korowii ŋɔ, ‘He dɛ ɡɔɔ he te dɛ ŋɔ he ɛ voɡ, he dɛ so voɡ kara ta mpo bare cheme. Kɛ nɛwɛnyinii hen, he ta voɡ ɛɛ, he dɛ lii kɛ he ne voɡ wejema kɛrɛdɛ.

Ɛsekeɛl 29:3

Ŋɔ o be ŋɔ men Nemenɛ Korowii ŋɔ, ‘Ijipt kooro, n ne he dɔɔ, he do kɛŋɔ lɛŋɔ damanta dɛ do he nenabɔɔne ta. He ŋɔ Nael Moo ɛ he kon, he ɡbabirii ɛo.

Daneɛl 3:15

Dɛ he baa no bɛle, ne kalipere, ne janjelare dɛ kwaa bwa soo siwi baa kpɔa dɛɛ lɔ yela sii, dɛ ɡuŋi suuɡaswɛm voɡ la aa, dɛ a wer. Kɛ dɛ he vɛh ɡuŋa aa, baa denoo kpɔ heyaa ka do fononoo nijena aa dɛ hɔ kohona la bini. Dɛ voɡ besoo dɛ́ won lɛ heyaa le n nɔn ta jaɔ?”

Daneɛl 4:30

O ŋɔ, “Bwɛjen Babelɔn waa do kan ken nɔ, menee doo o ɛ n koobwɛ, dɛ́ kpɔ baɡle n kpeɡri kohona ne n jirima maa dɔa.”

Jems 3:4

Yá ta sie na ɡɛ stiimae aa kana, asɛ peukpeɡ yon ta dɛ kpɔɔ dɛɛ kaa, kɛ dajeɡa bɛlee lɔ o ta ba kpɔ dɛɛ menɛ o sie asɛ wɛɛ kaa bela bwa baa dɛ nyin.

2 Pita 2:18

Ba nyoa wobol kan taeh, kɛ ɡɛnewaa a bwa. Ba kpɔ bwadabii pɛlchɔɡa waa ne wedoŋa nɛra sie aa dɛ lɛ a ta, dɛ neɡre nɛra dɛɛ kaa wechɔɡa ta. Nɛra baa pa mun dɛɛ le wechɔɡ-ɛɛra bini baa wola cheɡɛ kiŋkiŋ mɔɔ laanee ba neɡre dɛɛ kaa wechɔɡa ta.

Tɔn Jud Aa Chwera 1:16

Gɛ nɛra nɔ, saŋ bɛlbwaa baa naɡre wa, wa aa ba siwi su. Wedoŋa ba sie aa dɛ lɛ a ta laanee baa ɛ. Ba dɛ ta nyoa. Kwaane dɔe dɛ le nɛra be waa baa bol nɛra wedɛɛɡe.