Jems 3:2 - mzwDBL

² Ya bwa dɛ koni saŋ bɛlbwa. Dɛ nɛn aa wobɛlbwa waa dɛ bol la ta koni aa, dɛ o ɛ nɛn o wa a toɡra tenten. Nɛn waa won o wobol nyiŋa la, o won o te lawa wobɛlbwa ta.

Jems 3:2 Iomraidhean Croise

1 Koranar 8:46

Dɛ ba ɛ wechɔɡa dɛ jo he nɛ, a lole kɛŋɔ nomɛlbwa toole waa wola wechɔɡa ɛ, asɛ he baah di ba nɛ, dɛ ɡel ba dɔma pɔ ba nɛ, dɛ laɡ ba kaa bojaŋ kɛɛ boboraa yoo,

2 Webena 6:36

Dɛ ba ɛ wechɔɡa dɛ jo he nɛ, a lole kɛŋɔ nomɛlbwa toole waa wola wechɔɡa ɛ, asɛ he baah di ba nɛ, dɛ ɡel ba dɔma pɔ ba nɛ dɛ laɡ ba kaa bojaŋ kɛɛ boboraa yoo,

Job Tɔn 15:13

he baah di Korowii nɛɛ kohona dɛ ɡel ɡɛ wobochɔɡa nɔ ɛɛ le he nyoa nɔɔ?

Yela 34:13

wɛ́ɛ nyiŋi o nyoa kɛrɛdɛ. O bɛ wobochɔɡa dɛɛ bol, o bɛ nyosone dɛɛ teŋe.

Yela 39:1

N lii n nyu bini ŋɔ, “Mɛɛ nyiŋi n ŋwɛnɛre ta kɛrɛdɛɛ, maa ɡel a che n nyoa wobol ta, n ɛ wechɔɡa. Nɛnchɔɡa bɛn mɛ naa, maa wobɛlbwaa bol.”

Sɛɡla 10:19

Wobobala te bɛlbwa dɛ koni, asɛ nɛn waa won o nyoa lawa la jemɛ wa.

Sɛɡla 13:3

He jemɛ he wobol nyiŋaa, he laa he te dɛɛ kpɔ waa ta, kɛ nɛra baa bol waa baa wola liire a ta do la, dɛ chɔɡ ba te.

Sɛɡla 20:9

Umee dɛ́ won ŋɔ, “N te tea bini too, wechɔɡa toole n nɛ kwaraa nɔ?”

Sɛɡla 21:23

He jemɛ he nyoa lawa aa, haa waa dɔ.

Wejereme 7:20

Nɛn o wa aa toɡra beŋkpoŋ kwaraa toole harɛ nɔ ta, dɛɛ ɛ wa aa toɡra waa wola wechɔɡa ɛ.

Aesaya 64:6

Ya bwa ɛ wechɔɡa dɛ kah doŋa, ya wedɛɛɡa kwaraa do kɛŋɔ yakwara waa chɔ puldoa ken. A ɡelɔ ya do kɛŋɔ papooni aa hola, peu ta dɛ kpɔa dɛɛ kaa la ken.

Lewi Dea Tena 13:39

sɔfo la chɛ kɛ ó nyiŋi naate dɛ́ na. Dɛ kompoŋa la ta denɛ to kpelkpel ɡɛ naa, amɔ dɛ bwadabii weepɛɛ, doŋa toole naate nɛ.

Matiu 12:34

Nɛnchɔɡa kɛ harɛkwa bii! Wechɔɡa ɡbo aa su he bini nɔ, wobodɛɛɡa ɛɛ wonoo le he nyoa ta naa? Waa aa lɔ nɛn bambile ta laanee o nyoa ɛɛ bol.

Matiu 12:37

He ɡbaɡba wobol taa Korowii ɛɛ ba cheɡa pa heyaa bole. He wobol ɛ wobodɛɛɡa aa, wɛɛ pae boldɛɛɡee, dɛ he wobol ɛ wobochɔɡa aa, wɛɛ pae bolchɔɡee.”

Tɔn Pɔɔl Aa Chwerɛ Rom Tena 3:10

Anee Korowii Tɔn la ŋɔ la. O baɡlɔ ŋɔ, “Nomɛlbwa toole dɛ ɛ nɛndɛɛɡe o wa ɛɛ su Korowii siwi. Nɛmbeŋkpoŋ kwaraa toole.

Tɔn Pɔɔl Aa Chwerɛ Rom Tena 7:21

Waa maa naa laanee kɛŋɔ n dɛ nyin wedɛɛɡa ɛɛ yaa, dɛ komɛl ŋɔ n bɛ ɛ.

1 Kɔrent 9:27

N dɛ lawɛ n te, dɛɛ haŋre kɛrɛdɛ kɛ, n ɡbaɡba maa dɛ bol Amanesoma nɔ dɛɛ baɡle nɛra nɔ, n bɛ ba koni dɛ́ horɛ.

Galaasia 3:22

Korowii Tɔn la baɡlɔ kɛŋɔ wechɔɡa vɔrɔwe nɛwɛnyina bwa, ásɛ Korowii nyobaɡa waa baɡɛ yaa la ɛ nɛra baa yarada Yeesu Kristo la ɡbo kwa. Anomanta, nɛra baa dɛ yarada Yeesu Kristo laanee Korowii ɛɛ ba o nyobaɡa kwaa la kpɔe tɛ.

Galaasia 5:17

dɛkalkɛŋɔ waa he nɛwɛnyini mar wechɔɡa aa suu la aa dɛ nyin la, Korowii Domadɛɛɡe la aa an nyin. Nɛwɛnyini mar wenyina ne Korowii Domadɛɛɡe wenyina aa jo. Anomanta, waa haa dɛ nyin ɛɛ la, haa wona ba dɛ ɛ.

Kolosi 1:28

Ya waa yaa dɛ baɡle bwaa Yeesu Kristo la. Ya dɛ ja nomɛlbwa, dɛɛ baɡle nɛra bwa wejema bwa ne, ásɛ dɛ ba won kpɔ bɛlbwa ba Korowii be kɛ ba kpeɡ Yeesu Kristo waa ta, pɛɛ ba ne waa pɛa la nomanta.

Kolosi 4:12

Epafras waa ɛ he bwɛɛ te la dɛ na heya. O dɛ ɛ Yeesu Kristo toma, dɛ soŋe Korowii kɛrɛdɛ ɡa dɛɛ tɛ heyaa saŋ bɛlbwa, ásɛ o ɡel he won che kiŋkiŋ dɛ́ jemɛ o waa kɛrɛdɛ ka tonɛ, ásɛ Yeesu Kristo waa bɛ heyaa aahna-aahna ɛ, he won ɛ Korowii tetoowaa bwa.

Hibru 13:21

Kórowii waa dɛ tɛ bambisɔɔhna la tɛ heyaa dadɛɛɡe aa chɛ kɛ he dɔ, dɛ́ won dɛɛ ɛ o tetoora bwa. Ó che Yeesu Kristo nɛɛ dɛ ɛ waa waa dɛ nyin bwa ya bini. Yeesu Kristo chɛ jam saŋ te bɛlbwa! Aamen.

Jems 1:26

Dɛ nomɛl dɛ lii kɛ o ɛ Korowii torome, dɛ o ta nyotɔɡbom dɔe yaa, o dɛ neɡre o nyu. Naate Korowii toma la ɛ pɛɛpɛɛ.

Jems 1:4

Hé dɔ bambile wobɛlbwa ta dɛ́ ka tonɛ, ásɛ dɛ won che a ta dɛ́ jemɛ wa, dɛ́ dɔ dadɛɛɡe, ásɛ wobɛlbwa bɛ heyaa nya harɛ nɔ ta.

Jems 2:10

Nomɛlbwa waa teŋɛ Mmara la bwa ta kɛ dɛ koni o bini beŋkpoŋ la, dɛ o koni o bwa, dɛ di bolchɔɡe.

1 Pita 3:10

Ba chwerɔ do Korowii Tɔn bini ŋɔ, “Nomɛlbwa waa dɛ nyin mkpajaŋ, dɛɛ nyin kɛ o bwara sɔɔhno la, wɛ́ɛ nyiŋi o nyoa kɛrɛdɛ. O bɛ wobochɔɡa dɛɛ bol, o bɛ nyosone dɛɛ teŋe.

1 Pita 5:10

Kɛ he baa na waa tama aa, Korowii waa dɛ na nɛra sum dɛɛ cha ba kohona la, o ɡbaɡba ɛɛ kwaa he wobɛlbwaa, dɛ́ ɡel he che kiŋkiŋ, dɛ́ do kpeɡri, dɛ́ lawɛ heyaa he bɛ chole. Onee le heyaa hé won che pɛɛ he ne Yeesu Kristo aa pɛa la ta, dɛ dɔ o jirima aa wola jaɡa dɔe bwa la.