Jems 3:18 - mzwDBL

¹⁸ Nɛra baa dɛ nyin deŋnesɔɔhna la, nyopɛo nee baa ɛ ba wa, aa le wedɛɛɡa.

Jems 3:18 Iomraidhean Croise

Yela 92:14

A ɛ dabena dɛ ta won nɔna, dɛ dɔ papooni kohona, dɛ che kɛrɛdɛ.

Sɛɡla 11:18

Wechɔɡ-ɛɛ koeh aa tɔnɔ bɛlbwaa dɔ tɛo, nɛn o wa aa toɡra dɛ́ dɔ kɛrɛdɛ.

Sɛɡla 11:28

Nɛn waa dɛ hwɛɡɛ o kondɔɔh ta la, wɛɛ cholo kɛŋɔ hwel saŋ papoo yon le la, kɛ nɛn o wa aa toɡra te ɛɛ do werii, kɛŋɔ bwaala nee saŋ papoo ken.

Sɛɡla 11:30

Nɛn o wa aa toɡra we-ɛɛla ɡelɔ nɛra ɛɛ dɔ mkpa, kɛ naɡrenyin te dɛ chɔɡ o bala.

Hosia 10:12

Hé ɡel he waa toɡre, ásɛ dɛ dɔ nyina waa wola jaɡa dɔe. Hé pwɛr he bambile waa kpeɡa, kɛŋɔ harɛ waa hola. Saŋ telo kɛ hé nyin men Korowii bɔr mɔɔ n bala tel, ásɛ n swee andɛɛɡa tɛ heyaa kohona.

Emɔs 6:12

Jaɡre won bwea dor chwae yaa? Nɛn ɛɛ kpɔ nae ka parɛ bela aa? Kɛ he ɡelɔ kasinteŋ do kɛ tɛɡchɔɡa, asɛ waa aa toɡra berɛ do kɛŋɔ wechɔɡa ken.

Matiu 5:9

Nɛra baa dɛ larawe waa dɛɛ sɔɔh waa nyoa la, ba na som, dɛkalkɛ Korowii ɛɛ yer ba o biirii.

Amanesoma Jɔn Aa Chwera Tɔn 4:36

Nɛn waa komɛ kwaa dɛɛ tɛ Korowii la dɛ dɔ o kembɔr. Nɛwɛnyinaa naate ɛɛ komɛ, dɛɛ lɛɛ ba ásɛ ba dɔ Korowii mkpa aa wola jaɡa dɔe bwa la, ásɛ naate ne nɛn waa dua la bwa sie lɛ.

Galaasia 6:8

Dɛ nɛn teŋɛ o nɛwɛnyini mar wechɔɡa aa suu pɛla kwaa nɛɛ dɛ du wechɔɡa aa, sewee wɛɛ ba koma. Dɛ nɛn teŋɛ Korowii Domadɛɛɡe la tetoowaa ta dɛ du wedɛɛɡa aa, wɛɛ komɛ mkpa aa wola jaɡa dɔe bwa laanee Domadɛɛɡe la be.

Felepae 1:11

N dɛ soŋo kɛ he che Yeesu Kristo kpeɡri la ta dɛ́ won dɛɛ ɛ wedɛɛɡa kɛrɛdɛ, ásɛ nɛra ɛɛ tɛ Korowii sɔn ne jirima.

Hibru 12:11

Ba dɛ tɛr nɛn deŋne aa, buɡ la ta la, o tea bini dɛ chɔɡ, o sie aa lɛ. Kɛ dɛ o hweli waa name o deŋnetɛra la ta naa, o waa dɛ toɡre, asɛ o bwara ɛɛ sɔɔhno.

Jems 1:20

Nɛwɛnyini bandia aa wobɛlbwa kwaa Korowii ŋwɛnɛdɛɛɡe teŋa ta.