Jems 3:17 - mzwDBL

¹⁷ Nɛn waa dɔ Korowii doa wejema la, kenii o da do, o waa do kaih, o waa dɔ deŋnesɔɔhna, o pwɛre, o dɛ no o dɔŋ wa, o dɛ na o dɔŋ sum, o ɛ nɛndɛɛɡe, o we-ɛɛla bwa wer, waa nɛra bane duure dɛɛ ɡwaa bane, o tea too.

Jems 3:17 Iomraidhean Croise

1 Koranar 3:12

mɛɛ ɛ ɡɛ haa soŋa laanee tɛɛ. Mɛɛ tɛɛ wejema ne waa mun noe, he kpɔ dɛɛ nyiŋi nɛra nɛ, nomɛlbwa aa wola won do kɛŋɔ hen, a dɔŋa ɡe aa wola chiɡ bwa.

1 Koranar 3:28

Israel tena bwa aa no ɡɛ Kooro Solomɔn aa pa bole la, a ɛɛ ba nyokpoa, ba na kɛŋɔ Korowiirii tɛo wejema o kpɔ pa bole aŋwɛnɛ ta la.

1 Koranar 3:9

Anomanta, tɛ men maa ɛ he bonɔɔ nɔ wejema, dɛ́ ɡel n jemɛ wechɔɡa ne wedɛɛɡa. Ɛrɛɛ n ɡbo ɛɛ ba wona nyiŋi he nɛra baa wara ken nɔ nɛɔ?”

1 Webena 22:12

Ó tɛɛ wejema ne waa mun noe kɛrɛdɛ, he won kpɔ nyiŋi o nɛra Israel tena nɛ, dɛɛ teŋɛ o Mmarare bwa ɡe ta.

1 Webena 22:9

Hɛɛ ba dɔ bibaa bɛlee, o ɛ nɛn waa dɛ nyin deŋnesɔɔhna, mɛɛ ɡeloo o dɔ bosɔɔhna le o dɔma bwa nɛ. Baa dɛɛ yerɔ Solomɔnee. O bere saŋ, mɛɛ ɡeloo deŋnesɔɔhna ba Israel harɛ ta ba bwara sɔɔh ba.

Job Tɔn 28:12

Kɛ leperaa yaa ba wejema nae yɔ? Leperaa waa mun noe ɡe doɔ?

Job Tɔn 28:23

Korowii dɔ o ŋwɛnɛ wejema, o ɡboo jemɛ bela waa lole,

Job Tɔn 28:28

Asɛ Korowii ŋɔ nɛwɛnyini be ŋɔ, ‘N ɔmaa dɛɛ ba ɡela hé dɔ wejema, he ki wechɔɡa ɡe aa, anee waa mun noe.’ ”

Kaala 36:2

Ate, Mosis yerɛ Besalɛl ne Oholiab dɛ banɔ la Korowii aa tɛɛ ba liire ne wejema ba bambile lawɛ toma la ɛɛ bwa ŋɔ bá ba.

Sɛɡla 2:6

Korowii bee wejema le, onee dɛɛ tɛ wejema ne waa mun noe.

Aesaya 2:4

Wɛɛ bol harɛre nɛra waa dɛ́ pa bole, dɛ́ kwaa ba baah. Baa beɡre ba kerii a ɛ para, dɛ́ beɡre ba lampeare ɡe ɡoori. Harɛre nɛra aa dɔŋaa yo, a ba ɛ kɛŋɔ baa hweli laa waa kpa.

Aesaya 32:6

Dɛkalkɛŋɔ ɡɛne te dɛ bol ɡɛnewa, dɛɛ lii wechɔɡa dɛ́ ɛ. Waa waa dɛ ɛ ne anɔ la waa dɛ bol bwa ɛ Korowii bwara wechɔɡe. O dɛ vɔmɛ nɛn lɔr aa dɛ kpoo kondikwa, dɛɛ vɔmɛ nɛn nyɔɡre aa dɛ kpoo ne.

Aesaya 40:11

Wɛɛ nyiŋi o nɛra nɛɛ kɛŋɔ peteɡre yon dɛɛ nyiŋi o peera nɛɛ dɛ́ kpɔ a bii pɛl o bambile, ásɛ dɛ teɡɛ a nyare aa loɡla la kaa bɔeeh ken.

Daneɛl 1:17

Korowii tɛ ɡɛ bonɔɔna banaarɛ la wejema ne waa mun noe, ba won kure tɔne dɛ jemɛ chwera ɡe kɛrɛdɛ. Dɛ Daneɛl berɔ won wepila ne deera bwa soo siwi mun baɡla.

Malakae 2:9

Anomanta, n ɡelɔ haa jirimaa dɔ, ásɛ sihiih kpo heyaa Israel tena siwi ta, dɛkalkɛ he ta n waa ta teŋɛ. Nɛra siebɔraa he nyiŋi dɛɛ bol wa.”

Malakae 3:3

Wɛɛ ba sɔ Lewi dea tena doŋaa ta kɛŋɔ ba yon mwɛɛ suuɡapoŋ ne suuɡaswɛm dɛ laa doŋa kpɔ a ta la ken. Gɛɛ Korowii ɛɛ ba nɛra ba wa aa toɡra dɔe, ásɛ ba kpɔ saraha kwaa aa wera baa tɛo,

Matiu 23:28

Gɛɛ he den do. Ba na heya aa, he wer siwi ta kɛŋɔ nɛndɛɛɡa, kɛ he bini te, neɡra ne wechɔɡa ɡboo su he bwa.

Matiu 5:8

Nɛra ba tea bini aa toa la, ba na som, dɛkalkɛ banee dɛɛ ba Korowii nae.

Matiu 5:9

Nɛra baa dɛ larawe waa dɛɛ sɔɔh waa nyoa la, ba na som, dɛkalkɛ Korowii ɛɛ yer ba o biirii.

Amanesoma Luk Aa Chwera Tɔn 21:15

Menee dɛɛ ba n tɛ heyaa waa haa ka bol la, dɛ tɛ heyaa wejema ásɛ he dɔma bɛ won di bɔ heyaa kɛɛ dɛ́ tɔŋle heya.

Amanesoma Luk Aa Chwera Tɔn 6:36

Hɛ́ɛ sune nɛra nɛ, ɡɛ he Mɛɛ la aa dɛ sune nɛra nɛɛ la.

Amanesoma Jɔn Aa Chwera Tɔn 1:14

Korowii Nyoa Wobol la baa berɛ nɛwɛnyini, dɛ ba so ya be. Ya na o jirima waa dɔa, dɛ jemɛ kɛŋɔ Korowii Bibeŋkpoŋ laanee on. Dɛ o wobɛlbwa wer, asɛ o dɔ kasinteŋ ɡe kohona.

Amanesoma Jɔn Aa Chwera Tɔn 1:47

Yeesu aa na Nataaneɛl wɛɛ ba o be la, o ŋɔ, “Israel te tentenee nɔ. O waa dɔ kasinteŋ kɛrɛdɛ!”

We-ɛɛla 11:24

Dɛ Banabas ɛ nɛndɛɛɡe asɛ Korowii Domadɛɛɡe ɡe so o nɛɛ kpeɡri nɛ. Dɛ o dɛ yarada Yeesu taeh dɛ kpɔ o te tɛo. Anomanta, nɛra charɛ ba liire pirim dɛ ba tomɛ Yeesu.

We-ɛɛla 9:36

Dɛ haah bɛl lɔ Jopa dɛ ɛ asɔre te baa yerɔ Tabita. Grik tena ɡe dɛ yerɔ Dɔkas. Dɛ haah la dɛ ɛ wedɛɛɡa taeh dɛɛ cha nyaara.

Tɔn Pɔɔl Aa Chwerɛ Rom Tena 12:18

Dɛ aa maɡroo waa, hɛɛ wonoo waa, hé takapɔ ásɛ wechɔɡa bɛlbwa bɛ he ne nomɛlbwa baah do.

Tɔn Pɔɔl Aa Chwerɛ Rom Tena 12:9

Hɛ́ɛ nyin dɔŋa bambile bwa ne. Hé hah wechɔɡa te bɛlbwa, dɛ́ lawɛ wedɛɛɡa te bɛlbwa bini kpoŋe kiŋkiŋ.

Tɔn Pɔɔl Aa Chwerɛ Rom Tena 15:14

Yabala, n ɡbabir jemɔ kɛrɛdɛ kɛŋɔ he dɛ ɛ wedɛɛɡa taeh. He jemɛ waa kohona, dɛ won dɔŋa waa baɡla ɡe.

1 Kɔrent 12:8

O tɛ nɛra bane wejema, dɛ tɛ bane ɡe sipila. O Doma beŋkpoŋ laanee tɛ ba bwa a ɡɛ kpeɡri la, bá won bol waa dɛɛ baɡle nɛra,

2 Kɔrent 10:1

Men Pɔɔl, n dɛ soŋe heya. Ba ŋɔ n lɔ he be naa, n pwɛre, kɛ n le he be te naa, n waa kpeɡri. N dɛ soŋe heyaa kɛŋɔ hé nyiŋi ɡɛ Yeesu Kristo aa pwɛra o tea do som la,

2 Kɔrent 6:6

Ya cheɡɛ ya ɡoroŋ yaa doa la ta, ne Yeesu Kristo ŋwɛnɛ la waa yaa jema, ne bambile yaa dɔa, ne ya tesom ta dɛ baɡle kɛ Korowii bonɔɔnaa yan. Ya cheɡɛ Korowii Domadɛɛɡe la yaa dɔa, ne ɡɛ yaa nyin nɛra tea bwa ne,

2 Kɔrent 7:11

Tebinichɔɡ Korowii aa dɛ nyin he dɔ laanee he dɔ la. Hé na waa aa lea tɛ heya. Hé na ɡɛ haa dɛ takapɔ, asɛ he siwi swɛɛ hɛɛ nyin he baɡle kɛ he ta wechɔɡa ɛɛ. Hé na ɡɛ he bwaawee aa ir wechɔɡa ta, hé na ɡɛ haa dɛ ɔmɛ. A ɡelɔ he pɛla lawɛ yaa, asɛ he siwi swɛɛ waa aa toɡra ta. A ɡelɔ he siwi swɛɛ nɛra baa wola wedɛɛɡa ɛɛ nɛɛ he tɛr ba deŋne. He wono baɡle kɛ he ta wechɔɡa bɛlbwa ɛɛ waa la ta.

2 Kɔrent 9:10

Korowiirii dɛɛ tɛ nɛwɛnyina kondwee baa du, dɛɛ tɛ kondikwa. On dɛ tɛ heyaa kondwee haa dɛ nyin bwa, dɛ́ ɡel a le dɛ́ nɔnɛ kohona, dɛ́ ɡel he wedɛɛɡa ɛɛ ɡe won dɛɛ ja.

Ɛfesos 5:9

Bochaah ta we-ɛɛlaa wedɛɛɡa ne wekaih dɛ kasinteŋ wa.

Felepae 1:11

N dɛ soŋo kɛ he che Yeesu Kristo kpeɡri la ta dɛ́ won dɛɛ ɛ wedɛɛɡa kɛrɛdɛ, ásɛ nɛra ɛɛ tɛ Korowii sɔn ne jirima.

Felepae 4:8

Too, yabala, anɔ la aa kaa laanee nɔ. Hé ɡel he liire do wedɛɛɡa ta. Wobɛlbwa aa ɛ kasinteŋ, ne anɔ la aa dɔ jirima, ne anɔ la aa toɡra, ne anɔ la aa do kaih, ne waa aa wera, dɛ anɔ la aa dɔ pɛla, wobɛlbwa aa ɛ wedɛɛɡa dɛ chɛ kpɛɛra la, hé ɡel he liire do a ta.

Kolosi 1:10

dɛ́ won do ɡɛ aa chɛ kɛ ya Dɔɔ torome do, he wobɛlbwa won su o siwi, he won dɛ́ɛ ɛ wedɛɛɡa bwa soo siwi, dɛ́ won jemɛ Korowii kohona,

1 Tesalonika 2:7

Ya ɛ Yeesu Kristo toroma, dɛ fe dɔ ŋwɛnɛ kɛ ya lɛ komɛl le he be. Kɛ ya tɛ heyaa sisɔna kɛŋɔ haah naa ta tea dɛɛ dɛɛ o bechasɔɔhna la.

1 Timoti 5:21

N cheɡɛ Korowii ne Yeesu Kristo ne nyundua toroma la bwa sie dɛ kpɔ waa nɔ dɛɛ tɛɛ, ásɛ he we-ɛɛla bwa ta la, he bɛ ɡel nɛra bane waa su he siwi dɛ ɡwaa bane, kɛ dɛɛ ɛ ba bwa kɛrɛdɛ.

2 Timoti 2:24

Nɛn waa ɛ ya Dɔɔ bonɔɔ ta chɛ kɛŋɔ o ne nɛn naɡre. A chɛ kɛ ó pwɛr o te tɛ nomɛlbwa, dɛ́ won nɛra kwaa baɡla kɛrɛdɛ, dɛ nɛn jo o nɛ aa, ó won lawɛ bambile,

Taetos 1:15

He tea too waa, komɛlbwa wer tɛɛ, haa an kondoŋa lii. Kɛ nɛra wechɔɡa aa lɔ ba nɛɛ baa wola yarada la, komɛlbwa ɛ kondoŋ tɛɛ ba. Ba liire ne ba bambile bwa doŋo.

Taetos 3:2

Ŋɔ ba be ba bɛ nɛra bwara wechɔɡe dɛɛ bol, ba bɛ dɛɛ naɡre, báa pwɛr ba te, dɛɛ tɛ nomɛlbwa duure kɛrɛdɛ.

Hibru 12:11

Ba dɛ tɛr nɛn deŋne aa, buɡ la ta la, o tea bini dɛ chɔɡ, o sie aa lɛ. Kɛ dɛ o hweli waa name o deŋnetɛra la ta naa, o waa dɛ toɡre, asɛ o bwara ɛɛ sɔɔhno.

Hibru 12:14

Hé swɛɛ siwi kɛŋɔ he ne nɛra bwa baah ɛɛ do werii, dɛ́ swɛɛ siwi kɛŋɔ hɛɛ do ɡoroŋee, dɛkalkɛŋɔ dɛ nomɛlbwa ta ɡoroŋ doe yaa, waa Korowii nae ba.

Jems 1:17

Komɛlbwa waa wera la le Korowii be. Komɛlbwa waa ɛ kondɛɛɡe la, Korowiirii kpɔa kɛ yaa. Onee ya Mɛɛ waa ta kwaa bwa aa lɔ nyundua dɛɛ chaah harɛ. Gɛ kwaa nɔ dɛ chaah, ane ta ɡe aa chaah, kɛ Korowii te aa beɡre bwa.

Jems 1:5

Dɛ wobɛlbwa pu heyaa hɛɛ nyin a wejema aa, hé soŋe Korowii ásɛ o tɛ heya. O tea chɔ pɛɛ, waa nɛn kon tɛ o waa berɛ dɛɛ we o nɛ. Wɛɛ tɛ heyaa.

Jems 2:13

dɛkalkɛŋɔ Korowii aa naate waa wola o dɔŋ sum na la sumii na awola waa dɛɛ bol ya waa la. Naate waa dɛ na o dɔŋ sum la aa o waa bola ɔmɛ.

Jems 2:4

amɔ dɛ he dɛ duu bane dɛ ɡwaa bane. Nɛra siebɔree hɛɛ nyiŋi dɛɛ duu bane dɛɛ nyiŋi bane nyubaahna. Haa kɛrɛdɛ ɛ.

Jems 3:15

Gɛ wejema nɔ ta Korowii doa wejema ɛɛ, a ɛ harɛ ta kwa. Korowii Domadɛɛɡe toole a ta. Bɔnsam liiree.

Jems 4:8

Hé suuh tel Korowii, ásɛ o suuh ba he be. Wechɔɡ-ɛɛra, hé charɛ he liire dɛ́ le he wechɔɡa ta. He banɔ la he liire aa ɛ anɛnɛ la, hé laa doŋa kpɔ he nɛ.

1 Pita 1:22

Taraken nɔ haa sɛh kasinteŋ la ta teŋa, asɛ a che a ta he doŋa le he nɛɛ hɛɛ nyin dɔŋa kɛrɛdɛ nɔ, hé den dɛɛ nyin dɔŋa kohona bambile bwa ne,

1 Pita 2:1

Anomanta, hé le wechɔɡa bɛlbwa kɛŋɔ dɔŋa neɡra bɛlbwa, ne nɛra sie nyiŋa dɛɛ ɛ wa, ne bɔweela dɛ nɛra waa bola bɛlbwa sese ta.

1 Pita 2:18

He banɔ la baa dɛ do heyaa bonɔɔna kɛɛ toli la, hé pwɛr he te, dɛɛ tɛ he dɔɔranar dɛɛ duu ba. He dɔɔranar ba tea aa soma ba do pwɛre ɡbo laa n ŋɔ. Hɛ́ɛ duu banɔ la ba nyu bini aa kpeɡa ɡba.

1 Jɔn 3:18

N bidɛɛɡa, he bɛ ɡel ya kpɔ wobol ne nyotor berɛ dɔŋa nyina. Kɛ hé ɡel ya we-ɛɛla baɡle kɛŋɔ ya nɛnnyin ɛ kasinteŋ nyina.

1 Jɔn 3:3

Nomɛlbwa waa dɔ ɡɛ hwɛɡa Yeesu Kristo nɛɛ la chɛ kɛ ó lawɛ o te, dɛ́ laa o te dɛ́ɛ kpɔ wechɔɡa ŋwɛnɛre ta, dɛ́ won do kaih ɡɛ tenten Yeesu Kristo aa do kaih la.