Jems 3:1 - mzwDBL

¹ Yabala, he bwa laa chɛ kɛ he ɡel he sie beɡre Korowii waa baɡla ta, dɛkalkɛ ɡɛ haa jema la, ya nɛra yaa dɛ baɡle Korowii waa la waa binii wɛɛ ba nyiŋa kɛrɛdɛ ɡwaa nɛra baa kaa la.

Jems 3:1 Iomraidhean Croise

Lewi Dea Tena 10:3

Ate, Mosis ŋɔ Arɔn be kɛŋɔ anɔ waa Korowii fa bol ŋɔ, “Nɛra baa dɛ ba n sie bwa la mɛɛ ɡeloo ba jemɛ kɛŋɔ n do ɡoroŋ. Baa dɛɛ duu mɛ nɛra la bwa siwi taa.” Asɛ Arɔn hel.

Malakae 2:12

Kórowii le baa te bɛlbwa waa dɛɛ ɛ ɡɛ waa nɔ le Israel tena bini, hale dɛ naate sɛoh ŋɔ wɛɛ kpɔ saraha kwaa baa tɛ Koranar Bwa Kooro kwaraa noo.

Matiu 10:24

Nɛn waa dɛ hweli toma ta o dɔɔ ɡwaalɛ, bonɔɔ ɡe ta o nomoa ɡwaalɛ.

Matiu 23:13

Hé bwɛɛlɛ, Tɔnjerema ne Farisii tena, he nɛra haa nyiŋi nɛra sie mɔɔ dɛɛ ɛ wa!

Matiu 23:14

He tɔ Korowii Kora la ŋwɛnɛ. Heyaa nɔɔ haa jo, he ɡe aa ŋwɛnɛɛ tɛ ásɛ banɔ la baa dɛ nyin bɔr dɛ́ jo la dɔ bɔr.

Matiu 9:11

Farisii tena bane aa na ɡɛ la, ba pɛɛ Yeesu habɔteŋra la ŋɔ, “Ɛrɛ waa he dɔɔ nɔ ne a ɡɛ nɛra nɔ pɛ dɛɛ di kwaa nɔɔ?”

Amanesoma Luk Aa Chwera Tɔn 16:2

Anee suuɡate la tomɛ nɛn o ka yerɛ o bonɔɔ la, asɛ o ŋɔ o be ŋɔ, ‘N dɛ no waane kɛ he dɛ di n suuɡa. Ka kpɔ he tɔn ba, dɛ́ ba baɡ mɛ suuɡa aa jo he nɔn ta, ne ɡɛ haa ɛ a ne, ásɛ dɛ kpɔ n kwaa do n nɔn ta, dɛkalkɛ maa ɡel he nyiŋi n kwaa ta kpa.’

Amanesoma Luk Aa Chwera Tɔn 6:37

He bɛ dɔŋa dɛɛ pwah, ásɛ Korowii ɡe bɛ heyaa pwah. He bɛ dɔŋa bolchɔɡe dɛɛ pa, ásɛ Korowii ɡe bɛ heyaa bolchɔɡe pa. Hé kpɔ he dɔŋa wechɔɡa dɛɛ kɛ ba, ásɛ Korowii ɡe kpɔ he wechɔɡa dɛɛ kɛ heya.

Amanesoma Jɔn Aa Chwera Tɔn 3:10

Anee Yeesu ŋɔ, “Ɛrɛɛ he ɛ Juu tena nomonjen dɛɛ baɡle Korowii Wa, haa wola ɡɛ waa nɔ jemɛ nɔɔ?

We-ɛɛla 13:1

Dɛ Korowii keamere ne nɛra baa dɛ chaɡle nɛra Korowii waa ɡe lɔ Anteɔk asɔre tena la bini. Banee Banabas ne Semeon baa dɛ yerɔ Nɛmbiŋi la, ne Lusias waa le Sairini la, ne Manaen baa dɛɛro Kooro Hɛrɔd mɛɛ dem la, dɛ Sɔɔl.

1 Kɔrent 12:28

Korowii tɛ he bɛlbwa toma waa dɛɛ ɛ asɔre tena bini. Anɔ la aa tɔ sie, o ŋɔ bane ɛ Yeesu toroma, dɛ ŋɔ báne che Korowii kpeɡri ta dɛɛ bol waa waa kpɔa baɡ ba, tooro, dɛ kpɔ bane ŋɔ báa baɡle nɛra o wa, dɛ berɛ kpɔ bane ɡe ŋɔ báa ɛ nyokpowa, dɛ tɛ bane ɡe kpeɡri ŋɔ báa chah weela tena. Dɛ ŋɔ báne ɛɛ cha nɛra, báne ɛ nomonome dɛɛ tɔ nɛra sie, dɛ ɡel bane ɡe won wobofala bola.

2 Kɔrent 5:10

dɛkalkɛŋɔ ya bwa ɛɛ ba che Yeesu Kristo sie o bol ya waa dɛ́ pa bole, ásɛ bɛlbwa dɔ waa o fa aa soɡe le dɛɛ ɛ la kembɔr. Dɛ bɛlbwa we-ɛɛla wer oo, aa were oo, wɛɛ dɔ a kembɔree.

Ɛfesos 4:11

Onee kɛ nɛra kwaa la. Kwaa waa kɛ nɛra laanee nɔ. O cha bane ba won che o kpeɡri ta dɛ ɛ o toroma, dɛ cha bane ba won che o kpeɡri ta dɛ bol o wa, dɛ cha bane ɡe baa bol o Amanesoma la. O cha bane ɡe baa nyiŋi o nɛra nɛɛ dɛɛ baɡ ba o ŋwɛnɛ ta teŋa.

1 Timoti 1:7

Ba dɛ nyin kɛ ba ɛ ba te kɛ nɛra baa dɛ chaɡle nɛra Korowii Mmara la, kɛ waa ba siwi yon swɛɛ a ta baa bol la, ba ɡba aa a mun jemɛ.

1 Timoti 2:7

Anɔ waa Korowii lee mɛ ŋɔ ń lɔ a dawuro baɡle nɛra, dɛ́ berɛ ɛ Yeesu torome ɡe la. Kasinteŋii mɛɛ bol la, maa nyosone teŋe. Onee ɡela mɛɛ baɡle nɛra baa wola Juu tena ɛɛ la, ásɛ ba yarada Yeesu dɛ́ jemɛ kasinteŋ la.

2 Timoti 1:11

Amanesoma nɔ waa Korowii lee mɛ ŋɔ ń ba bol, dɛ́ ɡel n ɛ o torome ɡe dɛɛ baɡle nɛra o wa.

Hibru 13:17

Hɛ́ɛ no nɛra baa dɛ tɔ he sie la nyoa wa, dɛɛ ɛ waa baa ŋɔa hɛ́ɛ ɛ la, dɛkalkɛŋɔ ban dɛɛ nyiŋi heya. Ba dɔ nkontaa dɛ bu Korowii sie dɛ baɡle ɡɛ bwa baa nyiŋi heya. Hɛ́ɛ no ba nyoa wa, ásɛ ba won ɛ toma silɛɛ ne. Dɛ haa ba nyoa waa no aa, baa ɛa tebinichɔɡ nee, aa wola tɔnɔ bɛlbwa lee ba dɛ́ tɛ heya.

Jems 1:16

Yabala, he bɛ ɡel ba neɡre heya.

Jems 1:19

Yabala, hɛ́ɛ lii waa nɔ aa teŋa nɔ. Hé ɡel he sie beɡre waa noe ta, dɛ́ nyiŋi kɛrɛdɛ mɔɔ dɛɛ bol wa, ásɛ dɛ bɛ ɡel he baah ɛɛ di warawara.

Jems 3:10

Nyoa beŋkpoŋ la taa wobodɛɛɡa ne taahna bwa ɛɛ le. Yabala, a ta chɛ kɛŋɔ aa ba ɡɛ!

1 Pita 5:3

He bɛ kpeɡri dɛɛ di nɛra baa kpɔ ba do he nɔn ta la nɛ. Hé ɡel he we-ɛɛla do wer ásɛ ba nyiŋa dɛɛ chaara.