Jems 2:7 - mzwDBL

⁷ Gɛ nɛra nɔ laa dɛɛ bol wechɔɡa dɛɛ yaɡɛ Yeesu sɔndɛɛɡe nɔ baa kpɔa dawɛ heyaa la aa? Kɛ banee hɛɛ duu la!

Jems 2:7 Iomraidhean Croise

Yela 111:9

O berɔ kwaa lɛ o nɛra, dɛ ɡel ba di ba nyu. O ne ba fɔwɛ fɔo waa do le saŋ bɛlbwa dɛɛ la. O sɔn do ɡoroŋ dɛ do ɔma kohona.

Yelsom 1:3

He nosɔɔhsoma sɔɔh som, he sɔn do kɛŋɔ baa fuɡe nosɔɔhsoma ta. A waa ɡela bitoli bwa ɛɛ nyin he wa.

Aesaya 43:7

ba ɛ n nɛra, menee ta ba, ba kpɔ jirima dɛɛ tɛ mɛ.”

Aesaya 65:15

He sɔn ɛɛ berɛ tooh tɛ nɛra maa lee ba tɛ n te laanee. Men Nemenɛ Korowii ɡbaɡba ɛɛ kpoo heyaa, dɛ́ tɛ banɔ la baa dɛ duu mɛ kɛrɛdɛ la sɔnfale.

Aesaya 7:14

Korowii ɡbabir ɛɛ ɡeloo he na waane, á baɡle waa nɔ kasinteŋ. Hé no! Bitolo waa wola baa jemɛ bwa ɛɛ kpoŋe teaa dɛ́ lolɛ bibaa, ásɛ ba yerɔ Imanoɛl.

Jeremia 23:6

O baa di kora aa, Juda tena ɛɛ dɔ bosɔɔhnaa, ásɛ Israel tena ɡe so deŋnesɔɔhna ta. Sɔn baa dɛɛ yerɔ laanee, ‘Korowii Waa Dɛ Lɛ Yaa.’

Matiu 1:23

“Bitolo waa wola baa jemɛ bwa ɛɛ kpoŋe teaa dɛ́ lolɛ bibaa, ásɛ ba yerɔ Imanoɛl.” O munii kɛŋɔ, “Korowii ne ya lole.”

Matiu 12:24

Farisii tena la aa no waa nɛra la aa dɛ bɔɔ dɔŋa la, ba chaŋe ŋɔ, “Kwaa aa dɛ ir nɛra nɛɛ bwa kooro Bɛlsebulee tɛo kpeɡri o won kwaa doŋa nɛra nɛɛ la.”

Matiu 27:63

dɛ ŋɔ o be ŋɔ, “Nomoa, ɡɛ saŋ a ɡɛ nyosonteŋni nɔ aa wola sewɛ mɔɔ la, dɛ o dɛ bol ŋɔ dɛ o sewaa, tɔpera atoro wɛɛ iruu ja.

We-ɛɛla 11:26

Waa nao la, o kpɔɔ kaa Anteɔk. Baa lɔ bela la, ba benanyobir bwa, dɛ ba ne bela asɔre tena dɛ cheme. Ba baɡle nɛra pirim Yeesu waa bela. Anteɔk belaa ba tɔ sie yerɛ nɛra baa yarada Yeesu la Kristo tena.

We-ɛɛla 15:17

ásɛ harɛ ta nɛra baa kaa baa wola Juu tena ɛɛ la bwa ba nyin n bɔr, dɛ́ tom mɛ. Men lee ba ŋɔ ba ɛ n nɛra. N Naa Korowiirii ŋɔ ɡɛ.

We-ɛɛla 26:11

Dɛ n dɛ la cheremi deene bini saŋ bɛlbwa dɛ kaa ɛɛ ba hɔhɔrɔwa taeh, dɛ fe ɛɛ nyin kɛŋɔ ba bol Korowii nɛnhɛlwaa ásɛ n laɡ ba. Ba waa aa dɛ di n baah kohona nomanta, n ti ba dɛɛ la bwɛɛre aa wola Juu tena bwɛɛre ɛɛ kwaraa ta, dɛ kaa ɛɛ ba hɔhɔrɔwa.

We-ɛɛla 4:12

Dɛ Yeesu laa aa, nomɛlbwa toole dɛ́ won lɛ yaa. Nomɛlbwa toole harɛ nɔ ta bobɛlbwa yá yerɔ o won lɛ yaa ka ja Yeesu nɛ.”

Ɛfesos 3:15

Onee komɛlbwa waa lɔ nyundua ne harɛ bwa Mɛɛ. O bee ba mɛɛnanar lɛ ba sɔn ne ba kpeɡri dɛɛ di.

1 Timoti 1:13

A lole kɛ n fa dɛ ɛ Yeesu Kristo la nɛnhɛla, dɛɛ ɛo hɔhɔrɔwa, n siwi sao mɛɛ yoo. Kɛ Korowii na n sum, dɛkalkɛ maa wola Korowii yarada dɔe n bini la, dɛ maa jemɛ ɡɛ maa dɛ ɛ.

1 Pita 4:16

Dɛ a cheɡɛ he Kristo te ɛɛ ta, asɛ hɛɛ na wahala aa, bɛ ɡel a ɛɛ sihiih. Jam Korowii kɛŋɔ Yeesu Kristo sɔn aa dawɛ he nɛ.

Wepila 19:13

O sɔn bɛl ɡee Korowii Nyoa Wobol. O tɔ yal bɛl baa kpɔa li chal.

Wepila 19:16

Sɔn bɛl dawɛ o yal ne o hwii ta. Gɛ sɔn laanee koranar bwa kooro ne dɔɔranar bwa dɔɔ.