Jems 2:4 - mzwDBL

⁴ amɔ dɛ he dɛ duu bane dɛ ɡwaa bane. Nɛra siebɔree hɛɛ nyiŋi dɛɛ duu bane dɛɛ nyiŋi bane nyubaahna. Haa kɛrɛdɛ ɛ.

Jems 2:4 Iomraidhean Croise

Job Tɔn 21:27

N jemɛ waa bwa aa lɔ hé liire bini, ne liichɔɡa haa liira dɛɛ tɛ mɛ bwa wa.

Job Tɔn 34:19

Waa koranar siebɔr nyiŋi, waa suuɡa tena kpɔe dɛɛ ɡwaa nyaara, dɛkalkɛ, onee ta ba bwa.

Yela 109:31

dɛkalkɛ o dɛ che nyaara habɔɔ, dɛ lɛɛ ba dɛɛ le nɛra baa kpoo ba nɔn ta.

Yela 58:1

Hé koranar, hé bol waa dɛɛ pa bole aŋwɛnɛ ta naa? Hé bol nɛra waa dɛɛ pa bole ɡɛ aa chɛ aa?

Yela 82:2

“Saŋ besoo he ɡel nɛra sie nyiŋa dɛ́ɛ pa bole ɔ? Hé ɡel nyubinikpeɡ tena nɛɛ suna bole pae ta.

Malakae 2:9

Anomanta, n ɡelɔ haa jirimaa dɔ, ásɛ sihiih kpo heyaa Israel tena siwi ta, dɛkalkɛ he ta n waa ta teŋɛ. Nɛra siebɔraa he nyiŋi dɛɛ bol wa.”

Amanesoma Luk Aa Chwera Tɔn 18:6

Yeesu ŋɔ o habɔteŋra la be ŋɔ, “He no ɡɛ kɔɔto nomonchɔɡe la aa bola aa?

Amanesoma Jɔn Aa Chwera Tɔn 7:24

Hɛ́ɛ pese wobɛlbwa kɛrɛdɛ mɔɔ dɛɛ bola. He bɛ ŋɔ waane aa were dɛ he ta a bini nyiŋe.”

Jems 3:17

Nɛn waa dɔ Korowii doa wejema la, kenii o da do, o waa do kaih, o waa dɔ deŋnesɔɔhna, o pwɛre, o dɛ no o dɔŋ wa, o dɛ na o dɔŋ sum, o ɛ nɛndɛɛɡe, o we-ɛɛla bwa wer, waa nɛra bane duure dɛɛ ɡwaa bane, o tea too.

Jems 4:11

Yabala, he bɛ he bala dɛɛ ŋwalɛ. Nomɛlbwa waa ŋwalɛ o dɔŋ kɛɛ dɛ́ pwaoh la, dɛ Mmara laanee o ŋɔ aa were dɛɛ pwah la. Dɛ he bol waa dɛɛ yaɡɛ Mmara la aa, amɔ te dɛ haa waa Mmara la aa baɡla la ɛ. Dɛ he dɛ ɡɔɔ he te dɛɛ pwah Mmara la.