Jems 2:25 - mzwDBL

²⁵ Gɛ tentenee a do hanjwamane baa dɛ yerɔ Rahab la ɡba nɛ. Israel tena toroma bane aa bala dɛ́ fe ba sɔh hweli o bwɛɛ harɛ waane dɛ́ ka taa ba bwɛɛ tena be la, o lɛɛ ba sɔh dɛ baɡ ba ŋwɛnɛfale ba chwa kaa. Gɛ wedɛɛɡa nɔ taa a che Korowii ŋɔ o ɡe ɛ nɛndɛɛɡe o waa su o siwi.

Jems 2:25 Iomraidhean Croise

Matiu 1:5

Salmon lolɛ Boas, o nya sɔne Rahab, Boas lolɛ Ɔbɛd, o nya sɔne Rut, Ɔbɛd lolɛ Jese,

Matiu 21:31

Nɛra banɛ nɔ, ba bini umee ɛ o mɛɛ tetoowaa tɛo wɔ?” Anee ba ŋɔ, “O binomoa laanee.” Belaa Yeesu ŋɔ ba be ŋɔ, “Kasinteŋ, toɔ lɛɛra baa dɛ bɔ nɛra apoo ne jwamane tena bwa ɛɛ tɔ siee dɔ Korowii Kora la ta jo ɡel heya,

We-ɛɛla 17:7

asɛ Jasen ɡe lɛɛ ba do o dem. Waa ya Koojen Siisa aa wola nyin laanee baa ɛ. Ba ŋɔ Koojen bɛl ɡe berɔ do le ja ya Koojen nɔ nɛ. Dɛ o sɔne Yeesu.”

Hibru 11:31

Korowiirii hanjwamane Rahab yarada waa o lɛ Israel tena baa baa nyiŋi ba bwɛɛ la sɔh kɛrɛdɛ, Israel tena aa wola on kpoe ja nɛra baa wola Korowii waa noɛ la nɛ.

Jems 2:18

Bɛl lole nomɛl ɛɛ ŋɔɔ yaradae ɡboo wɛɛ yarada Korowii, ásɛ bɛl ɡe ŋɔ wedɛɛɡaa o ɡee ɛ. Kɛ ɡɛ ɡe aa won maɡre. Ɛrɛɛ hɛɛ ba wona baɡ mɛ he yarada dɛ he ta wedɛɛɡa ɛɛ dɛɛ ja a ta nɔ? N te, mɛɛ che n wedɛɛɡa ɛɛ taa, ásɛ he jemɛ kɛ n dɛ yarada Korowii.

Jems 2:22

He ta nae kɛŋɔ o yarada ne o wedɛɛɡa ɛɛ bwa aa pɛ aa? O wedɛɛɡa ɛɛ taa a che o yarada ɛ yarada kasinteŋ.

Jems 2:24

Kɛ he nao kenɛ, nɛn wedɛɛɡa ɛɛ ne o yarada bwa taa a che wɛɛ ɛ nɛndɛɛɡe o wa ɛɛ su Korowii siwi, o yarada ɡbo ta laa.

Josua 2:1

Dɛ Israel tena la bwa cheme bobɛl baa dɛ yerɔ Sitim dɛ so bela. Asɛ Josua sɔh dɛ le ba bini baala banɛ dɛ tom ba ŋɔ, “Hé ka sɔh nyiŋi Keenan harɛ dɛ́ na ɡɛ waa doa, bwɛjen Jeriko te fanfa.” Asɛ ba sɔh dɛ la bela, dɛ ka choɡ hanjwamane Rahab.

Josua 2:15

Dɛ dea Rahab aa lɔ o ta la, ba ma bwɛjen la danjwɛɛ choŋi o ta. Anomanta, Rahab cheɡɛ dea la tokoro ta dɛ vɔwɛ ɡboɡbii ba ta harɛ, asɛ dɛ ŋɔ Israel baala la be ŋɔ báa won che o ta dɛ́ tu bwɛjen la dahara.

Josua 2:16

Haah la ŋɔ ba be ŋɔ, “Hé ka sɔh deŋɡarere nɔ ta, ásɛ nɛra baa dɛ ti heyaa la bɛ heyaa na. Hé sɔh bela tɔpera atoro ka tel saŋ baa berɛ ba, ásɛ he kaa bela haa lea ba.”

Josua 2:4

Dɛ Rahab te felo dɛ kpɔ baala banɛ la sɔh, dɛ ŋɔ, “Kpelaa, kɛ maa bela baa lea jemɛ.

Josua 2:6

Dɛ o kpɔ ba sɔh saldoa yabi daa lɔɡa.

Josua 6:17

Hé paɡre bwɛjen la kwaraa, ásɛ dɛ le komɛlbwa aa lɔ o ta cheɡ tɛ Korowii. Hanjwamane Rahab ne o nɛra baa lɔ o dem te, he bɛ ban wobɛlbwa ɛ. Onee lɛ nɛra yaa tom ba ŋɔ bá ba sɔh nyiŋi bwɛjen nɔ la sɔh.