Jems 2:2 - mzwDBL

² Dɛ he ne he bala chemo dɛɛ tomɛ Korowii, nɛra banɛ ba jo he bini, bɛl do suuɡaswɛm kwaa dɛ tɔ yadɛɛɡe, bɛl ɡe tɔ yadoŋ,

Jems 2:2 Iomraidhean Croise

Mumpar 27:15

O kpɔ Esɔ bonɔnlaala ba do Jekɔb.

Ɛsta 3:10

Belaa kooro sɛh, dɛ foo o noniseɡ waa kpɔa dɛɛ ɛɡɛ tɔn ta la, dɛ ɛ mmara la, dɛ kpɔ tɛ Hamedata bibaa Heeman waa hah Juu tena kohona la.

Ɛsta 8:2

Kooro laa o noniseɡ waa kpɔa dɛɛ ɛɡre tɔne ta aa ɛ mmarare o faa kpɔ tɛ Heeman la foo, dɛ kpɔ tɛ Mɔdekae. O haah Ɛsta kpɔ Heeman kondɔɔh la bwa ɡe do Mɔdekae nɔn ta.

Aesaya 64:6

Ya bwa ɛ wechɔɡa dɛ kah doŋa, ya wedɛɛɡa kwaraa do kɛŋɔ yakwara waa chɔ puldoa ken. A ɡelɔ ya do kɛŋɔ papooni aa hola, peu ta dɛ kpɔa dɛɛ kaa la ken.

Amanesoma Luk Aa Chwera Tɔn 15:22

Bie la nyoa ta lee mɔɔ dɛ o mɛɛ yerɛ o bonɔɔna ŋɔ, ‘Hé chwa ka nyiŋi n yale la bwa bini ondɛɛɡe ba tɛo ó tɔ, dɛ́ kpɔ noniseɡdɛɛɡe ba doo, dɛ́ nyin naŋɡawa ba tɛo ó do.

Amanesoma Luk Aa Chwera Tɔn 23:11

Asɛ Kooro Hɛrɔd ne o soojare ɛɛ muɡli o baah dɛɛ mamɔ, dɛ ka kpɔ koowur ba doo dɛ berɛ kpɔɔ ka tɛ Paelet.

Jems 2:3

asɛ he tɛ onɔ la waa do suuɡaswɛm kwaa dɛ tɔ yadɛɛɡe la sobɔrdɛɛɡe, dɛ ŋɔ onɔ la waa tɔ yadoŋ la be ŋɔ, ó te che bela kɛɛ ó ba so harɛ he sie naa,