Jems 2:14 - mzwDBL

¹⁴ Yabala, dɛ nomɛl ŋɔ o dɛ yarada Korowii, dɛ o ta o yarada kpɔe dɛɛ ɛ wedɛɛɡa aa, tɔnɔ besoo o yarada la dɔɔ? A ɡɛ yarada nɔ ɛɛ wonoo lɛo wa aa?

Jems 2:14 Iomraidhean Croise

Jeremia 7:8

Hé no, waa aa ɛ nyosone taa he yarada do.

Matiu 5:20

Kasinteŋ, n dɛ ŋɔ he be, dɛ he wedɛɛɡa ɛɛ ta Tɔnjerema ne Farisii tena wedɛɛɡa ɛɛ ɡwaalaa, haa won ja Korowii Kora ta ŋwɛnɛ bɛlbwa ta.

Amanesoma Luk Aa Chwera Tɔn 3:11

Asɛ o chaŋ ba ŋɔ, “Nomɛlbwa waa dɔ batakaani bele anɛ la, ó kpɔ bɛl tɛ nɛn waa wola bɛl dɔe kwaraa, ásɛ nomɛlbwa o ɡe aa dɔ kondikwaa dɛ́ di la ɡe ɛ ɡɛ tenten.”

Amanesoma Luk Aa Chwera Tɔn 6:49

Nomɛlbwa ɡe waa no n waa nɔ, waa wola ɡɛ aa baɡla la ɛ la, o do kɛŋɔ nɛn waa do o dea, o ta o mun pae bɔɔ kwii ka jaɡɛ bwetal ta mɔɔ dɛ den doo la. Nee aa pala ba jo dea la mun ta la, o cholo dɛ chɔɡ kwaraa.”

We-ɛɛla 15:9

O ta baɡlɛ kɛŋɔ ba korɔ ya korɛ. Baa yarada Yeesu waa la waa Korowii laa ba wechɔɡa kpɔ ba nɛ.

We-ɛɛla 8:13

Seemɔn Bebee la ɡba berɔ ba yarada Korowii waa la, asɛ ba sɔɔ a ne. Baa sɔɔ nee la, o kpɔ o te pɛl Felep. Bobɛlbwa Felep aa dɛ la la, o ne onee dɛɛ la. Seemɔn aa na nyokpoa tomkpeɡa Felep aa dɛ ɛ la, a ɛo anebɛlbwa.

We-ɛɛla 8:21

He ta ya toma nɔ ta jae, he ta dibɔr ɡe dɔe a ta, dɛkalkɛŋɔ he bambile ta chaahnɛ Korowii be.

Tɔn Pɔɔl Aa Chwerɛ Rom Tena 2:25

He dɛ teŋɛ Mmara la ta naa, dɛ he pena teŋa nɔ dɔ mun. Kɛ dɛ haa Mmara la ta teŋaa, ate he fe ɡel he pena teŋa bɔ.

1 Kɔrent 15:2

asɛ a lɛ heyaa la wa. Dɛ yarada haa dɔa Amanesoma la ta la ɛ kpela, he ta an vɛɛh dɛ kpoŋe a bini kɛrɛdɛ ɡɛ maa baɡle heyaa la te naa, amɔ te a lɛ heya. Dɛ ɡɛ laa te naa, amɔ dɛ he yarada la ɛ pɛɛpɛɛ.

1 Kɔrent 16:22

Nomɛlbwa waa wola ya Dɔɔ nyin la, Korowii nyotaahna lɔ o nɛ. Ya Dɔɔ, ba!

Galaasia 5:13

Yabala, Korowiirii le heyaa tɛ o te, dɛ lɛ heyaa asɛ Mmara la bɛ heyaa vɔrɔwe kpa. Kɛ haa dɔ he te nɔ, he bɛ ɡel a do he som kohona, asɛ hɛɛ ɛ wechɔɡa la bwa he bwadabii aa dɛ nyin kɛŋɔ hɛɛ ɛ. Hé kpɔ dɔŋa nyina dɛɛ tomɛ dɔŋa.

Galaasia 5:6

Yeesu Kristo ŋwɛnɛ ta teŋa nɔ ta te, ba teŋe nɛn pen oo, ba ta o pen teŋoo, a laa ɛ wehiah. Waa aa hiah laanee kɛŋɔ nɛn aa dɛ yarada Yeesu Kristo, asɛ ɡɛ yarada nɔ won ɡel wɛɛ nyin o dɔŋa.

1 Tesalonika 1:3

Gɛɛ tɔpere bɛlbwa ɡe yaa bol N Naa Korowii waa bera ɛ ya Mɛɛ la be he yarada haa yaradao dɛ won kpɔ dɛɛ ɛ o toma, ne he nyina haa dɛ nyinu dɛ ɡel he sie beɡre o toma ta, ne hwɛɡa haa dɔa ya Dɔɔ Yeesu Kristo be dɛ won dɛɛ lawɛ bambile wobɛlbwa ta la.

1 Timoti 1:5

Waa maa koh a waa doe waa nɔ ta laanee kɛŋɔ bá won dɔ nɛnnyin. Nɛn waa dɔ nɛnnyin nɔ soo la ta wechɔɡa bɛlbwa dɔe, o tea too, o dɔ yarada kasinteŋ.

1 Timoti 4:8

Dɛ he swɛɛ siwi dɛɛ tɛɡre he pɔla bini naa, a dɔ tɔnɔ tama. Kɛ dɛ he swɛɛ siwi kɛ hɛɛ dɛɛ teŋɛ Korowii waa la taa yaa, anee dɔ tɔnɔ wobɛlbwa ta, dɛkalkɛ Korowii nɛɛ teŋa dɔ tɔnɔ tɛ nɛra fini ne seo habɔɔ bwa.

Taetos 1:16

Ba ŋɔ ba jemɛ Korowii, kɛ ba we-ɛɛla dɛ baɡle kɛŋɔ baa Korowii jemɛ. Ba we-ɛɛla doŋo Korowii be kohona, ba deŋne ɡe kpeɡri. Baa won ɛ wedɛɛɡe bɛlbwa bwa.

Taetos 3:8

Waa nɔ bwa ɛ kpela. Anomanta, dɛɛ berɛ a baɡla ɔma, ásɛ nɛra baa no Korowii waa dɛ yarada la swɛɛ siwi dɛɛ ɛ wedɛɛɡa. Gɛɛ wera dɛ dɔ tɔnɔ tɛ nomɛlbwa.

Hibru 11:17

Yaradaa Abraham yarada Korowii waa o won lawɛ o bie Aesek ŋɔ o dɛ kpɔɔ ɛ saraha dɛ́ tɛ Korowii a ɡɛ saŋ Korowii aa daahno na la. Kɛ Korowii aa ŋɔa ó kpɔ o bibeŋkpoŋ Aesek la ɛ saraha tɛo la, o ta vɛɛh.

Hibru 13:9

He bɛ ɡel wefala chɔɡ he liire ásɛ he le Korowii ŋwɛnɛdɛɛɡe la ta. He dɛ nyin he do kpeɡri Korowii nɛɛ teŋa ta naa, hé kpɔ sie dawɛ chae Korowii aa sune nɛra nɛɛ dɛɛ cha ba la ta. He bɛ sie kpɔ dawɛ kondikwaare ane kii ne ane dii ta, dɛkalkɛŋɔ a ta wone cha nɛra baa kpɔ sie dawɛ a ta la.

Jems 1:16

Yabala, he bɛ ɡel ba neɡre heya.

Jems 2:16

asɛ he ŋɔ o be ŋɔ, “Kórowii tɛɛ bokpeɡa dɛ tɛɛ bosɔɔhna,” dɛ vɔmɔ kwaa aa tɛo bokpeɡa la te naa, dɛ tɔnɔ besoo lɔ waa haa bola tɛo la ta nɔ?

Jems 2:18

Bɛl lole nomɛl ɛɛ ŋɔɔ yaradae ɡboo wɛɛ yarada Korowii, ásɛ bɛl ɡe ŋɔ wedɛɛɡaa o ɡee ɛ. Kɛ ɡɛ ɡe aa won maɡre. Ɛrɛɛ hɛɛ ba wona baɡ mɛ he yarada dɛ he ta wedɛɛɡa ɛɛ dɛɛ ja a ta nɔ? N te, mɛɛ che n wedɛɛɡa ɛɛ taa, ásɛ he jemɛ kɛ n dɛ yarada Korowii.

Jems 2:26

Anomanta, ɡɛ nɛn ta hweera dɔe yaa dɛ o sewɔ la, ɡɛɛ yarada wedɛɛɡa ɛɛ aa wola a ta jae la ɛ yaradapuu.

2 Pita 1:5

A ɡɛ waa nɔ wesoo nomanta la, hé takapɔ dɛɛ ɛ wedɛɛɡa dɛɛ ja he Yeesu waa yaradae ta, dɛ́ kpɔ wejema dɛ́ ja he wedɛɛɡa ɛɛ ta,