Jems 1:5 - mzwDBL

⁵ Dɛ wobɛlbwa pu heyaa hɛɛ nyin a wejema aa, hé soŋe Korowii ásɛ o tɛ heya. O tea chɔ pɛɛ, waa nɛn kon tɛ o waa berɛ dɛɛ we o nɛ. Wɛɛ tɛ heyaa.

Jems 1:5 Iomraidhean Croise

1 Webena 22:12

Ó tɛɛ wejema ne waa mun noe kɛrɛdɛ, he won kpɔ nyiŋi o nɛra Israel tena nɛ, dɛɛ teŋɛ o Mmarare bwa ɡe ta.

2 Webena 1:10

Tɛ mɛ wejema ne waa mun noe, ásɛ n won kpɔ nyiŋi nɛra nɔ nɛ. Ɛrɛɛ n ɡbo ɛɛ ba wona nyiŋi he nɛra baa wara ken nɔ nɛɔ?”

Yela 51:6

Kasinteŋ ne waa aa weraa hɛɛ nyin, anomanta, tɛ mɛ he wejema.

Kaala 31:3

dɛ ɡel n Doma so o nɛ, dɛ tɛo wejema waa kpɔa dɛɛ sɛh kwaa ne kwaa sɔeh dɛ anɔ la aa jaa dɛ do ken bwa,

Kaala 31:6

N berɔ le Ahisamak bibaa Oholiab, dɛ le Dan dea ŋɔ ó baa chao. Dɛ berɛ tɛ tom-ɛɛra bwa wejema bá won ɛ komɛlbwa maa doe a ta la bwa.

Sɛɡla 8:17

N dɛ nyin nɛra baa dɛ nyin mɛ, nomɛlbwa waa dɛ nyin n bɔr dɛ́ na mɛ.

Matiu 11:20

Bwɛɛre Yeesu aa ɛ nyokpowaa a ta warɛ la, a nɛra ta ba wechɔɡa ta leɛ. Anomanta, o ŋɔ,

Amanesoma Mak Aa Chwera Tɔn 16:14

A habɔɔ la, o kpɔ o te chaɡle o habɔteŋra fi dɛ beŋkpoŋ la, dɛ ba dɛ di kwa. O pwaah ba ba yarada nyae ne ba bambikpeɡ la waa kɛŋɔ baa wola ba bala baa tɔ sie nao la yaradae la.

Amanesoma Jɔn Aa Chwera Tɔn 14:13

Ásɛ komɛlbwa haa che n sɔn ta dɛ́ soŋe la, mɛɛ ɛo. Anɔ taa aa ba cheɡa ń lɛ jirima tɛ n Mɛɛ Korowii.

Amanesoma Jɔn Aa Chwera Tɔn 15:7

Hé kpɔ he te pɛl mɛ asɛ n webaɡla ɡe do he liire bini naa, he dɛ soŋe komɛlbwa haa dɛ nyin aa, hɛɛ dɔɔ.

Amanesoma Jɔn Aa Chwera Tɔn 4:10

Anee Yeesu ŋɔ o be ŋɔ, “Dɛ he fe jemɛ kon Korowii aa dɛ nyin he tɛɛ nɔ, dɛ jemɛ naate waa dɛ soŋe nee nɔ naa, he fe ɛɛ soŋoo ásɛ o fee tɛɛ nee aa won tɛɛ mkpa.”

2 Kɔrent 2:16

Banɔ la baa dɛ nyoɡre la ɛɛ no sɔɔh laanee dɛ́ serewe, ásɛ banɔ la Korowii aa dɛ lɛɛ ba la ɡe no dɛ́ dɔ mkpa. Umee dɛ won ɛ ɡɛ toma nɔɔ?

Jems 1:17

Komɛlbwa waa wera la le Korowii be. Komɛlbwa waa ɛ kondɛɛɡe la, Korowiirii kpɔa kɛ yaa. Onee ya Mɛɛ waa ta kwaa bwa aa lɔ nyundua dɛɛ chaah harɛ. Gɛ kwaa nɔ dɛ chaah, ane ta ɡe aa chaah, kɛ Korowii te aa beɡre bwa.

Jems 3:17

Nɛn waa dɔ Korowii doa wejema la, kenii o da do, o waa do kaih, o waa dɔ deŋnesɔɔhna, o pwɛre, o dɛ no o dɔŋ wa, o dɛ na o dɔŋ sum, o ɛ nɛndɛɛɡe, o we-ɛɛla bwa wer, waa nɛra bane duure dɛɛ ɡwaa bane, o tea too.

Jems 5:16

Anomanta, a wer kɛŋɔ he bol he wechɔɡa dɛɛ baɡle he bala he ne baa teŋɛ Yeesu nɛɛ la, ásɛ ba ɡe won soŋe Korowii dɛɛ tɛ heya, ásɛ o tɛ heyaa bokpeɡa, dɛkalkɛŋɔ nɛndɛɛɡe dɛ soŋe Korowii aa, o dɛ no dɛ ɛ dɛɛ tɛo.

1 Jɔn 3:22

Komɛlbwa yaa soŋo la, o dɛ tɛ yaa, dɛkalkɛ ya dɛ no o waa dɛɛ ɛ anɔ la aa dɛ su o siwi.