Jems 1:26 - mzwDBL

²⁶ Dɛ nomɛl dɛ lii kɛ o ɛ Korowii torome, dɛ o ta nyotɔɡbom dɔe yaa, o dɛ neɡre o nyu. Naate Korowii toma la ɛ pɛɛpɛɛ.

Jems 1:26 Iomraidhean Croise

Job Tɔn 15:13

he baah di Korowii nɛɛ kohona dɛ ɡel ɡɛ wobochɔɡa nɔ ɛɛ le he nyoa nɔɔ?

Job Tɔn 30:11

Korowii aa ɡela n ɡwɛɡre, maa wola won ɛ wobɛlbwa nomanta, ba na mɛ naa, ba dɛ ɛɛ mɛ wobɛlbwa baa dɛ nyin.

Yela 141:3

N Naa Korowii, cha mɛ, mɛɛ nyiŋi wobol aa dɛ le n nyoaa.

Yela 32:9

Bɛ ɡɛn kɛŋɔ jaaɡɔ kɛɛ keeɡo, ba yon kpɔ kabaɡrare do o nyoa, mɔɔ o jemɛ waa o dɔɔ aa dɛ nyin kɛ o ɛ la.”

Yela 34:13

wɛ́ɛ nyiŋi o nyoa kɛrɛdɛ. O bɛ wobochɔɡa dɛɛ bol, o bɛ nyosone dɛɛ teŋe.

Sɛɡla 10:19

Wobobala te bɛlbwa dɛ koni, asɛ nɛn waa won o nyoa lawa la jemɛ wa.

Sɛɡla 10:31

Nɛn o wa aa toɡraa dɛɛ bol nɛmbiwa, kɛ nɛn o nyondoŋe aa bar o nyu te waa dɔ jaɡa.

Sɛɡla 14:12

Nɛwɛnyini dɛ lii kɛŋɔ o soɡa waa soɡa la ken wer, kɛ dɛ aa were, o ka tona la ɛ seo.

Sɛɡla 15:2

Wejereme wobol ɡelɔ wejema ɛɛ dɔ pɛla, ɡɛne ɡee dɛɛ bol waa warawara, wejema aa wola toole a ta.

Sɛɡla 16:10

Kooro nyoa wobol do kɛŋɔ Korowii waa ken, waa bole pae ta koni.

Sɛɡla 16:25

Nɛwɛnyini dɛ lii kɛŋɔ o soɡa waa soɡa la ken wer, kɛ dɛ aa were, o ka tona la ɛ seo.

Sɛɡla 19:1

Nyaa o bwara aa wola wechɔɡe bɛlbwa dɔe la, ɡwaa nyosonteŋni waa ɡɛna.

Sɛɡla 21:26

O sie dɛ beɡre kohona o dɔ kwaa dɛɛ ja tɔpere bɛlbwa. Kɛ nɛn o wa aa toɡra la te ta tea dɛɛ tɛ kon, waa nɔn nyore.

Aesaya 1:13

He saraha kwaa bɛlbwa ta tɔnɔ dɔe n be kpa. Hé ɡel a ne bala. N kii konsɔɔhsoma haa dɛ fuah. He wechɔɡa bɔle he korobifala, ne Ona Tɔpera, ne he chema haa chema dɛɛ tom mɛ bwa ta.

Aesaya 44:20

A ɛ wesale kɛŋɔ waa dɛ di tɔɔ ken. O neɡre o nyu dɛ nyoɡre ŋwɛnɛ. Waa won lɛ o te, á ba ɛ kɛŋɔ wɛɛ won jemɛ dɛ ŋɔ, “Kon maa kpoŋa ɛ nyosone kon.”

Malakae 3:14

He bolɔ ŋɔ, ‘Korowii toma ɛ wepuu. Tɔnɔ besoo ya dɔ dɛɛ le waa waa kpɔa tɛ yaa ŋɔ yaa teŋɛ a ta, asɛ a berɛ do kɛŋɔ ya tea bini chɔɡɔ Koranar Bwa Kooro sie nɔɔ?

Matiu 15:9

Nɛwɛnyini mmarare taa baa baɡle ŋɔ nɛ́ra teŋɛ, anomanta, pɛɛpɛɛ baa tom mɛ.’ ”

Amanesoma Mak Aa Chwera Tɔn 7:7

Nɛwɛnyini mmarare taa baa baɡle ŋɔ nɛ́ra teŋɛ, anomanta, pɛɛpɛɛ baa tom mɛ.’

Amanesoma Luk Aa Chwera Tɔn 8:18

Anomanta, hé no kɛrɛdɛ dɛ́ jemɛ waa nɔ mun. Dɛ he wono no a mun aa, mɛɛ ja heyaa anee, dɛkalkɛŋɔ naate waa dɔa la, baa jao anee ó dɔ kohona. Kɛ naate waa wola komɛlbwa dɔe la, tama kwaraa waa dɔa la ɛɛ le o nɔn taa.”

1 Kɔrent 15:15

Dɛ ɡɛɛ te naa, amɔ te Korowii danseɛ yaa dɛ di la ta kasinteŋ ɛɛ, dɛkalkɛŋɔ ya dɛ baɡle heyaa ŋɔ Korowiirii ir Yeesu Kristo le seo ta. Dɛ nɛra aa seo taa ir te naa, amɔ ya teŋe nyosone.

1 Kɔrent 15:2

asɛ a lɛ heyaa la wa. Dɛ yarada haa dɔa Amanesoma la ta la ɛ kpela, he ta an vɛɛh dɛ kpoŋe a bini kɛrɛdɛ ɡɛ maa baɡle heyaa la te naa, amɔ te a lɛ heya. Dɛ ɡɛ laa te naa, amɔ dɛ he yarada la ɛ pɛɛpɛɛ.

1 Kɔrent 3:18

He bɛ he te dɛɛ neɡre. Dɛ he bini bɛl lole dɛɛ lii kɛŋɔ o dɔ harɛ nɔ ta wejema aa, ó ɛ o te ɡɛne ásɛ dɛ dɔ Korowii wejema tenten.

Galaasia 2:6

Nɛra la bini banɔ la baa dɛ lii ba nɛnjena la ta wone dɔ wobɛlbwa bol dɛ ja Amanesoma maa dɛ bol la ta. N te kwaraa waane laa ba nɛnjena ɛɛ wa, dɛkalkɛŋɔ Korowii aa nɛnjena kɛɛ nɛnjeɡre nyiŋi.

Galaasia 2:9

Jems ne Pita dɛ Jɔn nomɛlbwa aa dɛ yer ba asɔre tena nomonome la, ba ɡbabir sɛoh kɛŋɔ Korowiirii kpɔ ɡɛ toma nɔ do n nɔn ta, dɛ cha mɛ a ta. Anomanta, ba do nɔɔra n nɔn ta, dɛ baɡle kɛŋɔ nɛmbeŋkpoŋii ya bwa Korowii toma nɔ bini. Ya nyoa pɛo, asɛ ba sɛh kɛŋɔ n ne Banabas ɛɛ bol Yeesu waa dɛɛ baɡle nɛra baa wola Juu tena ɛɛ, ásɛ ba ɡee baɡle Juu tena.

Galaasia 3:4

Amɔ waa he sie aa naa ne anɔ la haa noa la bwa ɛ pɛɛ aa? Dɛ a ɛ pɛɛ te naa, dɛ aa were kwaraa!

Galaasia 6:3

Dɛ nɛn ta nɛnjen ɛɛ dɛɛ lii o te nɛnjen aa, dɛ o dɛ neɡre o te.

Ɛfesos 4:29

He bɛ ɡel wedoŋa bɛlbwa ɛɛ le he nyoo, kɛ hé ɡel he wobol ɛ waa aa wera dɛɛ do nɛra ɡbemba waa aa kpoŋ ba ta, dɛ won cha banɔ la baa dɛ noa la.

Ɛfesos 5:4

Hɛ́ɛ nyiŋi kɛrɛdɛ he wobol bini, dɛ bɛ wobochɔɡa ne ɡɛnewobol ne wobosale dɛɛ bol. A ta chɛ kɛ hɛ́ɛ bola. Hé ɡel he wobol ɛ Korowii kpɛɛra wa.

Mmarare 11:16

Hé nyiŋi kɛrɛdɛ dɛ́ɛ berɛ he te laa dɛ́ kpɔ Korowii nɛɛ dɛ́ kaa tomɛ voɡa dɛ́ɛ ɡuŋa.

Kolosi 4:6

Hé ɡel he wobol do som dɛ́ɛ lɛ sie saŋ bɛlbwa, dɛ ba pɛɛ heyaa wobɛlbwa naa, hé won jemɛ ɡɛ aa chɛ kɛ he bol.

Jems 1:19

Yabala, hɛ́ɛ lii waa nɔ aa teŋa nɔ. Hé ɡel he sie beɡre waa noe ta, dɛ́ nyiŋi kɛrɛdɛ mɔɔ dɛɛ bol wa, ásɛ dɛ bɛ ɡel he baah ɛɛ di warawara.

Jems 1:22

He bɛ waa la no dɛ́ ɡel a ɛɛ. Dɛ he dɛ ɛ ɡɛ naa, he dɛ neɡre he te. Hé ɛ ɡɛ waa la aa baɡla la.

Jems 2:20

Gɛne! He dɛ nyin n baɡle kɛŋɔ yarada wedɛɛɡa ɛɛ aa wola a ta jae la ɛ pɛɛpɛɛ aa?

1 Pita 3:10

Ba chwerɔ do Korowii Tɔn bini ŋɔ, “Nomɛlbwa waa dɛ nyin mkpajaŋ, dɛɛ nyin kɛ o bwara sɔɔhno la, wɛ́ɛ nyiŋi o nyoa kɛrɛdɛ. O bɛ wobochɔɡa dɛɛ bol, o bɛ nyosone dɛɛ teŋe.