Jems 1:25 - mzwDBL

²⁵ Korowii Mmara wer kɛrɛdɛ, o ɡelɔ yaa dɔ ya te, waa yaa vɔrɔwe. Nomɛlbwa waa dɛ no dɛɛ pese o bini, waa wola soh dɛɛ ɛ ɡɛ waa baɡla la, Korowii ɛɛ swee andɛɛɡa tɛ naate o we-ɛɛla bwa ta.

Jems 1:25 Iomraidhean Croise

Yela 106:3

Nɛra baa dɛ teŋɛ o Mmarare ta, ba waa toɡre saŋ bɛlbwa la, ba na som.

Yela 119:32

Mɛɛ swɛɛ siwii dɛɛ teŋɛ he webaɡla ta, dɛkalkɛŋɔ he cha mɛ, dɛ ɡel mɛɛ no waa mun kɛrɛdɛ.

Yela 119:45

Mɛɛ valɔɔ maa wola ɔmɛ, dɛkalkɛŋɔ n teŋɛ he Mmarare ta.

Sɛɡla 14:15

Gɛnee yon dɛɛ yarada wobɛlbwa waa dɛ no, kɛ wejereme te dɛ́ nyiŋi o vala bini.

Aesaya 8:20

Báa teŋɛ me Mmara ne n webaɡla la ta! Dɛ ba ta ɡɛ waa la aa dɛ baɡle la bolaa, amɔ te a do kɛŋɔ baa soɡe biro ta ken.

Amanesoma Luk Aa Chwera Tɔn 11:28

Anee Yeesu ŋɔ, “Nɛra baa dɛ no Korowii Waa dɛɛ teŋɛ a ta laanee na som.”

Amanesoma Jɔn Aa Chwera Tɔn 13:17

Dɛ he jemɛ ɡɛ waa nɔ dɛɛ ɛa ɡe te naa, hɛɛ na somee.

Amanesoma Jɔn Aa Chwera Tɔn 8:36

Anomanta, dɛ men Korowii Bie la lɛ heyaa dɛ ɡel he dɔ he te naa, amɔ te dɛ he dɔ he te kɛrɛdɛ.

We-ɛɛla 13:43

Nɛra la aa le cheremibɔr bela la, Juu tena ne nɛra baa wola Juu tena ɛɛ dɛ baa ja Juu tena nɛɛ dɛɛ tomɛ Korowii ɡɛ Juu tena aa dɛ tomɔ la teŋɛ Pɔɔl ne Banabas nɛɛ pirim. Yeesu toroma la bol waa baɡ ba, dɛ ja ba ŋɔ báa teŋɛ Korowii ŋwɛnɛ ta ásɛ wɛɛ cha ba.

We-ɛɛla 2:42

A ɡɛ nɛra la balɔ dɛ baa hweli Korowii waa Yeesu toroma la be warawara. Dɛ ba ne Yeesu toroma laanee pɛa dɛɛ ɛ wobɛlbwa, dɛɛ di kwaa dɛɛ tomɛ Korowii.

We-ɛɛla 26:22

Dɛ le ɡɛ saŋ nɔ bwa ba le fini nɔ, n dɛ lii kɛŋɔ Korowii alaworomɛɛ n ta do le, dɛ won che he sie dɛɛ di waa nɔ danseɛ nomonjena ne bechale bwa be nɔ. Waa Korowii keamere ne Mosis fa aa dɛ bol ŋɔ aa ɛo laanee n ɡe ɛɛ bol.

Tɔn Pɔɔl Aa Chwerɛ Rom Tena 11:22

He nyiŋo na naa, dɛ he jemɔ kɛŋɔ Korowii tea som, kɛ o waa ɡe kpeɡri taeh. Nɛra ba deŋne aa kpeɡa baa wola o ŋwɛnɛ ta teŋɛ la, o dɛ nyiŋ ba sinyɛɡa ne. Kɛ dɛ hɛɛ dɛɛ teŋɛ o ŋwɛnɛ taa te naa, wɛɛ ta tea tɛ he te. Kɛ dɛ he ta o ŋwɛnɛ ta teŋaa, wɛɛ kɛ he ɡee ta.

Tɔn Pɔɔl Aa Chwerɛ Rom Tena 2:13

Maa dɛ bol nɔ, Mmara nɔ noe laa ɡela nɛn ɛɛ ɛ nɛndɛɛɡe o wa ɛɛ su Korowii siwi. Mmara la ta teŋaa ɡela nɛn ɛɛ ɛ nɛndɛɛɡe o wa ɛɛ su Korowii siwi.

Tɔn Pɔɔl Aa Chwerɛ Rom Tena 7:12

Ya jemɔ kɛŋɔ Mmara la ɛ kondɛɛɡe, asɛ o bini wobɛlbwa ɡe toɡre dɛ do wer.

Tɔn Pɔɔl Aa Chwerɛ Rom Tena 8:15

Korowii Domadɛɛɡe la waa kpɔa tɛ heyaa la, o ta ɡelɛ he ne Korowii baah do kɛŋɔ nɛn ne o yom asɛ hɛ́ɛ ɔmɔ. O ɡelɔ he ɛ Korowii bii. O alaworomɛ ya won wii dɛ́ yerɛ Korowii ‘Mɛɛ, n Mɛɛ’, kɛŋɔ bie aa dɛ yerɛ o mɛɛ la.

Tɔn Pɔɔl Aa Chwerɛ Rom Tena 8:2

Maa dɛ ŋɔ nɔ, Korowii Domadɛɛɡe lɔɡa maa lole dɛ dɔ mkpa nɔ taa Yeesu Kristo che dɛ lɛɛ mɛ le wechɔɡa ne seo lɔɡa n fa aa lole la ta.

1 Kɔrent 15:58

Anomanta, yabala maa dɛ nyin he wa, hé lawɛ waa la bini kiŋkiŋ, dɛ bɛ ɡel wobɛlbwa ha heyaa ásɛ he berɛ habɔɔ. Hé lawɛ ya Dɔɔ toma bini bambile bwa ne, dɛkalkɛŋɔ he koeh aa pɛɛ ɛɛ ba.

2 Kɔrent 13:5

Hé nyiŋi he te dɛ́ na kɛŋɔ he yaradao kɛrɛdɛ kɛɛ he ta on yaradae yɔ? Hé pese he te dɛ́ na. He jemɛ kɛŋɔ he ne Yeesu Kristo pɛo kɛɛ? He nao kɛŋɔ he ne o ta pɛɛ te naa, ate dɛ he horɛ o waa yaradae ta.

Galaasia 2:4

Dɛ nɛra la bane tea bini laa ɡɛ baa ɡel Taetos la. Dɛ a ɡɛ nɛra nɔ dɛ ɛ ba te kɛŋɔ asɔre tenaa ban ken dɛ sɔh jo ya bini, dɛ baa nyiŋi dɛ́ jemɛ ya asɔre tena dɔe yaa dɔ ya te Mosis Mmara aa wola yaa vɔrɔwe la bini, dɛkalkɛŋɔ Yeesu Kristo toma nomanta, ya ne o ɛ beŋkpoŋ. Dɛ ba dɛ nyin ba hɛ yaa yá berɛ dɛɛ ɛ waa yaa vɛah la.

Galaasia 5:1

Ya di ya nyu. Yeesu Kristo foo yaa, anomanta, ya ta nɛndɔɔla ɛɛ kpa. Waa foo heyaa nɔ, hé che kiŋkiŋ. He bɛ ɡel ba kpɔ waa dɛɛ ha heyaa kpa.

Galaasia 6:2

Waa pu he dɔŋ dɛ ɛ bone tɛo waa, hé chao. He dɛ ɛ ɡɛ naa, dɛ Yeesu Kristo mmara la taa hɛɛ teŋɛ la.

Kolosi 1:23

Dɛ he ta kpoŋe waa haa dɛ yaradaa la bini, he ta habɔɔ leɛ, dɛ dɔ hwɛɡa le Amanesoma la baa bola baɡle heyaa he no la ta kɛŋɔ nomɛlbwa aa won chɔɡ he liire he bɛ dɛɛ hwɛɡɛ kpa aa, amɔ hɛɛ wonoo che o sie. Ba dɛ bol Amanesoma nɔ bobɛlbwa. N ɡbabir dɛ bola, dɛkalkɛŋɔ Korowiirii lee mɛ.

1 Timoti 2:15

Kɛ dɛ haahna kpoŋe Korowii yarada bini kiŋkiŋ, dɛɛ nyin nɛn, dɛ laa ba te dɛɛ kpɔ wedoŋa ta, baa wesale ɛ aa, Korowii ɛɛ ɡeloo ba dɔ ba nyu ba lola ta.

1 Timoti 4:16

Dɛɛ nyiŋi he te kɛrɛdɛ he soɡa bini ne he webaɡla bini. Kpoŋe a bini kiŋkiŋ, dɛɛ ɛ ɡɛ haa dɛ baɡle nɛra la. Dɛ he dɛ ɛ ɡɛ naa, hɛɛ lɛ he ɡbaɡba ne nɛra baa dɛ no he be la bwaa.

Hibru 12:15

Korowii dɔ chae waa dɛ nyin o cha yaa kohona. Anomanta, hé nyiŋi kɛrɛdɛ ásɛ a bɛ bɛlbwa ba paŋɛ. A waa laa aa, wechɔɡa ane ɛɛ ba jo he binii dɛ́ chɔɡ nɛndamanta kɛŋɔ koŋkpela yon jo kondikwaa ta dɛ chɔɡa la.

Jems 2:12

Hé jemɛ kɛŋɔ Korowii dɛ ba ya waa bola o Kora Mmara waa kpɔa lɛ yaa asɛ ya dɔ ya te la ne. Anomanta, hé nyiŋi he nyoo wobol ne he we-ɛɛla ta kɛrɛdɛ,

1 Pita 2:16

Hé so kɛŋɔ nɛra haa dɔ he te haa wola yoma ɛɛ. Kɛ he bɛ dɔe haa dɔ he te la kpɔ dɛɛ ɛ wechɔɡa. Hé ɡel nɛra na kɛŋɔ Korowii bonɔɔna ne tolii heyaa he soɡa bini.

1 Jɔn 2:24

Hé kpoŋe anɔ la haa noa dɛ le mumpar la bini. Dɛ he ɛ ɡɛ naa, saŋ bɛlbwa he ne Yeesu ne o Mɛɛ bwa ɛɛ wonoo pɛ bá kpoŋe heya.

Wepila 14:13

N berɔ no taa bɛl nyundua o ŋɔ, “Chwerɛ waa nɔ. Le fini dɛɛ kaa, nɛra baa yarada ya Dɔɔ la dɛ kpɔ ba te tɛo la, dɛ ba sewaa, ba na som.” Korowii Domadɛɛɡe la bolɔ ŋɔ, “Kpelaa, ba onɔ. Ba lee ba ba koeh ta. Ba sɔndɛɛɡe ɛɛ teŋɛ ba nɛɛ kaa.”

Wepila 22:14

Nɛra baa chɛɡɛ ba laala a do wer la na som, dɛkalkɛŋɔ banee dɛ́ won dɔ Mkpa Daa la nɔna di, dɛ́ won kpɔ doonyoone la ta ba tetoora dɛ́ɛ jo bwɛjen la ta.

1 Samoɛl 12:14

Dɛ he dɛ ɔmɛ Korowii dɛɛ tomɔ dɛɛ teŋɛ o Mmarare ta, hale he ne he kooro bwa naa, he wobɛlbwa ɛɛ do werii tɛ heya.