Jems 1:19 - mzwDBL

¹⁹ Yabala, hɛ́ɛ lii waa nɔ aa teŋa nɔ. Hé ɡel he sie beɡre waa noe ta, dɛ́ nyiŋi kɛrɛdɛ mɔɔ dɛɛ bol wa, ásɛ dɛ bɛ ɡel he baah ɛɛ di warawara.

Jems 1:19 Iomraidhean Croise

Nehemia 8:18

Sɔfo Ɛsra kure Korowii Mmara Tɔn la bini waa baɡle nɛra tɔpere bɛlbwa, le Tɔpejen la tɔpeloɡle ta ba kaa tɔpere waa ka mun ta. Ba di Kukure Tɔpejen la tɔpera anuanɛ, asɛ tɔpenuatoro wee la, ba cheme ɡɛ Mmara la aa baɡla la.

Nehemia 9:17

Ba vɛh he waa la ta teŋa, dɛ soh nyokpowe-ɛɛla bwa haa ɛa. Ba ɛ lwɛmkpeɡ, dɛ le nomoa ŋɔ ó berɛ kpɔ ba kaa ba somanjiri dii ta Ijipt harɛ. Kɛ he ɛ Korowii haa kpɔ wechɔɡa dɛɛ kɛ, he dɔ tedoma dɛɛ nyin nɛn, he baah aa di warawara ɡe. He tedoma haa dɔa tɛ nɛra kan, he ta ban tae.

Nehemia 9:3

Ba cheɡɛ bela baa cheɡa, dɛ he bɔne tɔpebir bini bɔre anaarɛ naa, ba kpɔ bɔrbeŋkpoŋ kure Korowii baa dɛ tomɔ Mmara Tɔn la bini waa baɡ ba. Asɛ dɛ kpɔ bɔrbeŋkpoŋ ɡe bol ba wechɔɡa, asɛ dɛ tomɛ Korowii baa dɛ tomɔ la.

Job Tɔn 32:16

Baa hela nɔ, n kpa tama aa? Baa cheɡa baa wola wobɛlbwa dɔe dɛ́ bol nɔ.

Sɛɡla 10:19

Wobobala te bɛlbwa dɛ koni, asɛ nɛn waa won o nyoa lawa la jemɛ wa.

Sɛɡla 13:3

He jemɛ he wobol nyiŋaa, he laa he te dɛɛ kpɔ waa ta, kɛ nɛra baa bol waa baa wola liire a ta do la, dɛ chɔɡ ba te.

Sɛɡla 14:17

Nɛn o baah aa wola biɡri dii dɛ́ ɛ ɡɛnewa, wejeremee dɛɛ lawɛ bambile.

Sɛɡla 14:29

Nɛn o baah aa wola di warawara la, o dɛ no waa mun taeh, kɛ nɛn waa wola bambile dɔe la, o dɛ maŋkura o te ɡɛna ta.

Sɛɡla 15:18

Nɛn o baah aa dɛ di warane la dɛ ba naɡra ne, kɛ nɛn waa dɔ bambile te dɛ sɔɔh waa nyoa.

Sɛɡla 15:2

Wejereme wobol ɡelɔ wejema ɛɛ dɔ pɛla, ɡɛne ɡee dɛɛ bol waa warawara, wejema aa wola toole a ta.

Sɛɡla 16:32

Bambile dɔe wer ɡwaa banyoo tenten, he jemɛ he te lawa aa, a ɡwaa kɛŋɔ haa yoa lɛ bwɛbir.

Sɛɡla 17:14

Naɡra mumpar do kɛŋɔ haa teɡɛ nee bio, waa la aa wola dɔe do kan la, teŋe a ta mɔɔ a kaa sie.

Sɛɡla 17:27

Wejereme wobol lɔ tamaa ken, nɛn waa dɛ no waa mun la jemɛ o te lawa.

Sɛɡla 18:13

A ɛ ɡɛnewaa dɛ dɔ sihiih kɛŋɔ haa wola waa mun noɛ dɛɛ chaŋe.

Sɛɡla 18:21

Nyoa wobol dɛ ba seo ne mkpa ne. Anomanta, nyiŋi he nyoa wobol bini kɛrɛdɛ, dɛ bɛ waa dɔ.

Sɛɡla 19:11

Wejeremee won bambile lawa, o dɛ dɔ jirima waa kpɔe dɛ́ kɛ ta.

Sɛɡla 19:19

Nɛn o baah aa dɛ di kohona dɔ wa aa, bɛ on lɛ, ɡel a noo, ɡɛ laa aa hɛɛ teŋɔɔ dɛɛ lɛo.

Sɛɡla 21:23

He jemɛ he nyoa lawa aa, haa waa dɔ.

Sɛɡla 25:28

Nɛn waa wola won bambile lawɛ la, o do kɛŋɔ bwɛjen baa ma danjwɛɛ baro o kuuɡi la ken.

Sɛɡla 29:20

Hwɛɡa lɔ ɡɛne nɛ, dɛ ɡwaa nɛn waa dɛ bol waa waa wola lii mɔɔ.

Nɛra Kura 22:27

Keeɡo la aa na Korowii nyundua torome la, o chɔ harɛ, asɛ Balam baah di o kpɔ o daŋɡbala lɔɔ.

Matiu 5:22

Kɛ taraken, n dɛ ŋɔ he be, nomɛlbwa o baah aa di o dɔŋ nɛɛ la, o ɛ wechɔɡa kɛŋɔ bá bol o waa dɛ́ pa bole. Nomɛlbwa ɡe waa yerɛ o dɔŋ nɛnsala la chɛ kɛ ó che Juu tena nomonome bwa sie. Ásɛ nomɛlbwa o ɡe aa yerɛ o dɔŋ koŋɡɛne bɛl la, a chɛ kɛ bá tao Bɔnsam nii ta.

Amanesoma Mak Aa Chwera Tɔn 12:37

Aah Devid kwaraa fa aa dɛ yerɔ o dɔɔ nɔ, ɛrɛɛ a berɛ ɛ o ɛ Devid naa ɔ?” Nɛnlaa la no o wobol la silɛɛ ne.

Amanesoma Mak Aa Chwera Tɔn 2:2

Anomanta, nɛra cheme dem bela kɛrɛdɛ, dɛ bɔr toole doonyoa kwaraa, asɛ Yeesu bol waa baɡ ba.

Amanesoma Luk Aa Chwera Tɔn 15:1

Awola bɛl, toɔ lɛɛra baa dɛ bɔ apoo ne wechɔɡ-ɛɛra teŋɔ dɛ ba bar Yeesu cheme dɛ́ no o wa.

Amanesoma Luk Aa Chwera Tɔn 19:48

kɛ ba ta ɡɛ baa ɛ dɛ́ dɔɔ nae, dɛkalkɛŋɔ dɛ o wobol dɛ do nɛra bwa som, baa wola won kaa dɛ́ ɡel o wobol, dɛ che dɛɛ no.

We-ɛɛla 1:15

Aa baa di tɔpera anɛ la, ba bala la bwa chemo. Baa tel nɛra lafa fifraanɛɛ. Asɛ Pita ir che ba baah ta dɛ ŋɔ,

We-ɛɛla 10:33

A waa n tomɛ nɛra he be warane la. He ɡe ɛ waa kɛŋɔ haa bala nɔ. A waa ya bwa cheme Korowii sie bonɔ la. Ya dɛ nyin waa Korowii aa ŋɔa hé ba bol ya be la dɛ́ no.”

We-ɛɛla 13:48

Nɛra baa wola Juu tena ɛɛ la aa no waa nɔ la, ba sie lɛo taeh. Anomanta, ba jam Korowii kɛŋɔ waa ɡela ba no o waa la. Ásɛ nɛra Korowii aa ŋɔa baa dɔ o mkpa laanee la yarada Yeesu waa la, dɛ́ kpɔ ba te tɛo.

We-ɛɛla 17:11

Dɛ bela Juu tena la waa do kɛrɛdɛ ɡwaa Tesalonika Juu tena, dɛkalkɛŋɔ ba lɛ Yeesu waa la silɛɛ ne, dɛ won dɛɛ nyiŋi Korowii Tɔn bini tɔpere bɛlbwa dɛ́ɛ na, dɛ́ jemɛ kɛ waa Pɔɔl aa dɛ bol la, kpelaa kɛɛ nyosonee yɔ.

We-ɛɛla 2:42

A ɡɛ nɛra la balɔ dɛ baa hweli Korowii waa Yeesu toroma la be warawara. Dɛ ba ne Yeesu toroma laanee pɛa dɛɛ ɛ wobɛlbwa, dɛɛ di kwaa dɛɛ tomɛ Korowii.

Ɛfesos 4:26

Dɛ he baah diu waa, he bɛ ɡel a ɛ bandichɔɡa he ɛ wechɔɡa. Hé ɡel o sɔɔh warane. Aa were kɛŋɔ he baah di wee ka jo dɛ o ta sɔɔhnɛ.

Ɛfesos 4:31

Hé ɡel nyɛɡre doe, ne bandia, ne ɡaeh, ne wesaɡasaɡare, ne bahmuɡliwa, dɛ meesɔhwaa bwa,

Kolosi 3:15

Hé ɡel nyopɛo waa aa le Yeesu Kristo be la do he bambile bini wobɛlbwa ta, dɛkalkɛŋɔ Korowiirii yerɛ heyaa ŋɔ hé bwa ɛ beŋkpoŋ dɛ́ dɔ nyopɛo. Hé ɡel he sie ɛɛ su waa waa ɛa tɛ heya, hɛ́ɛ jaamo.

Kolosi 3:8

Kɛ a chɛ kɛŋɔ hé ɡel a bwa sekwaraa taraken te. Hé laa bandia kpɔ he waa ta, he baah bɛ dɛɛ di saɡasaɡa, hé ɡel meesɔhwa, he bɛ dɔŋa dɛɛ chɛɡre, he bɛ ɡel wobochɔɡa ɛɛ le he nyoo.

1 Tesalonika 2:13

Ya dɛ jam Korowii tɔpere bɛlbwa, dɛkalkɛŋɔ yaa bol Korowii Waa la he be la, he noa kɛŋɔ Korowii Wa. He ta an noɛ kɛŋɔ nɛn wa. Gɛɛ a do kpela. A ɡɛ waa nɔɔ dɛɛ ɛ toma he nɛra haa yaradaa nɔ bini la.

Jems 1:16

Yabala, he bɛ ɡel ba neɡre heya.

Jems 1:2

Yabala, dɛ wobɛlbwa pu heyaa dɛ ɛ wekpeɡa aa, hé ɡel he sie lɛ.

Jems 1:26

Dɛ nomɛl dɛ lii kɛ o ɛ Korowii torome, dɛ o ta nyotɔɡbom dɔe yaa, o dɛ neɡre o nyu. Naate Korowii toma la ɛ pɛɛpɛɛ.

Jems 2:1

Yabala, haa dɛ yarada Yeesu Kristo waa ɛ jirima Dɔɔ nɔ, a ta chɛ kɛŋɔ he duu nɛra bane dɛ́ ɡwaa bane.

Jems 2:5

Yabala, hé no! Korowii we-ɛɛlaa kɛŋɔ ó le harɛ nɔ ta nyaara baa yaradao kɛrɛdɛ ásɛ ba yarada la ɛɛ ba kondɔɔh, ásɛ ba dɔ bɔr dɛ́ ja o Kora waa baɡɛ nyoa ŋɔ wɛɛ ɡeloo nɛra baa dɛ nyinu ja o ta la.

Jems 3:10

Nyoa beŋkpoŋ la taa wobodɛɛɡa ne taahna bwa ɛɛ le. Yabala, a ta chɛ kɛŋɔ aa ba ɡɛ!

Jems 4:11

Yabala, he bɛ he bala dɛɛ ŋwalɛ. Nomɛlbwa waa ŋwalɛ o dɔŋ kɛɛ dɛ́ pwaoh la, dɛ Mmara laanee o ŋɔ aa were dɛɛ pwah la. Dɛ he bol waa dɛɛ yaɡɛ Mmara la aa, amɔ te dɛ haa waa Mmara la aa baɡla la ɛ. Dɛ he dɛ ɡɔɔ he te dɛɛ pwah Mmara la.

Jems 5:12

Yabala, anɔ la aa jaa dɛ ɛ siswɛm waa laanee kɛ, he bɛ Korowii kɛɛ harɛ kɛɛ komɛlbwa dɛɛ ŋwɛɛ. Ba dɛ bɔɔ heyaa waa dɛ a ɛ kpela aa, hé sɛh ŋɔ, “Ɔɔh,” dɛ nyosone ɡee yaa, hé ŋɔ, “Ɔɔhɔh.” He bɛ ŋwɛɛ ja, ásɛ a bɛ wechɔɡa ɛ dɛ́ tɛ heya.

Jems 5:19

Yabala, dɛ he bini bɛl nyoɡrɔ le kasinteŋ ŋwɛnɛ la ta, asɛ he bini bɛl ɡe won berɛ chao dɛ baɡlo, asɛ o berɛ ba teŋɛ kasinteŋ ŋwɛnɛ la ta ja aa, dɛ naate waa chao la ɛ waa taeh.

1 Jɔn 2:21

Kasinteŋ bɛ jema waa laa n chwerɛ tɔn nɔ baa tɛ heya. He jemɛ kasinteŋ la, dɛ jemɛ kɛŋɔ nyosone ne kasinteŋ aa valɛ bwa.