Jems 1:10 - mzwDBL

¹⁰ Dɛ he ɛ dɔɔh ɡe aa, ɡel he sie lɛ kɛŋɔ he ne nyaa la bwa ɛ beŋkpoŋ, dɛkalkɛŋɔ he ɛ nɛŋɡwɛɡre Korowii be. Haa biɡri sewɛ kɛŋɔ kpɔɡa yon fe dɛ́ chure warane dɛ́ berɛ sewɛ la.

Jems 1:10 Iomraidhean Croise

Job Tɔn 14:2

O dɛ kpeɡ warane kɛ kpɔɡa ken, dɛɛ hol warane, tamaa ken dɛ o nyoɡrɔ kɛŋɔ lileo ken.

Yela 102:11

N tɔpera dɛ ba warane kɛŋɔ wee yon le harɛ, bɔr ɛɛ bir la, n holɔ kɛŋɔ kpɔɡa ken.

Yela 103:15

Kɛ nɛwɛnyina bwa do kɛ kpɔɡa, ba mkpa ɡe do kɛŋɔ kpɔɡa fee, kpɔɡa dɛ sewɛ a fee ɡe ɛɛ lee,

Yela 37:2

Baa biɡri hol kɛŋɔ kpɔɡa ken, dɛ́ piɡri serewe kɛŋɔ, kpɔɡlwɛɛ yon hol la.

Yela 39:6

Nɛwɛnyini mkpa do kɛŋɔ lileo, ba wobɛlbwa ɛ wepuu. Wɛɛ nyin kondɔɔh cheɡ kohona, kɛ waa jemɛ naate aa ba ɛ o kwa.

Aesaya 40:6

N no taa bɛl o ŋɔ, “Bol waa takpeɡ ne!” Asɛ n ŋɔ, “Ń ŋɔ ɛrɔɔ?” “Ŋɔ nɛwɛnyina bwa do kɛ kpɔɡa fee, ba jirima ɡe do kɛ kpɔɡa fee aa wola biɡri la ken.

Aesaya 40:7

Dɛkalkɛ Korowii ta peu dɛɛ ta a ta, kpɔɡa dɛ sewɛ, a fee ɡe ɛɛ lee. Nɛwɛnyini do kɛŋɔ kpɔɡa, kpela.

Aesaya 57:15

Menee dɔ sɔn dɛ ɡwaa komɛlbwa dɛ do ɡoroŋ, dɛ do le saŋ bɛlbwa. N soɡe n kookara waa daŋa ta boɡoroŋ nyundua, dɛ berɛ so nɛra ba tea bini aa chɔɡa ba wechɔɡa wa. Ba pwɛr ba te baah ta, dɛ́ ɡel ba sie sɔɔh, bá dɔ hwɛɡa ja.

Aesaya 66:2

N ɡbaɡba laa ta ɡɛ kwaa nɔ bwa kɛɛ?” Korowiirii bola. Korowii berɔ ŋɔ, “Nɛra baa pwɛr ba te, dɛ sɛh ba liire chara laanee mɛɛ nyin kohona. Banee dɛɛ ɔm mɛ dɛɛ no n wa.

Matiu 5:3

“Nɛra baa kpɔ ba te dawɛ Korowii nɛɛ kɛ nyaara la, ba na som, dɛkalkɛ banee dɛɛ ba Korowii Kora la koobii ɛɛ.

Matiu 6:30

Kpɔɡa haa naa a do wer fini, ásɛ kere ɡbo dɛ a serewɔ bá fuah nɔ, dɛ Korowii ɡelɔ a do wer ken naa, ɛrɛɛ waa wola won tɔ heyaa yal ɡwaala ɔ? He yarada aa kanɛ kwara!

1 Kɔrent 7:31

Asɛ he banɔ la ɡe haa dɛ ɛ wobɛlbwa harɛ nɔ ta la bɛ ɛ a ɡwaa kohona, dɛkalkɛŋɔ harɛ nɔ ne o waa dɔ jaɡa. Waa biɡri bɛlbwa.

Felepae 3:8

Kasinteŋ, komɛlbwa ne wobɛlbwaa n vɛh dɛɛ yera wepuu dɛ́ won jemɛ n Dɔɔ Yeesu Kristo. O jemaa hiaah ɡwaa komɛlbwa. N koh o waa dɛ ɡel wobɛlbwa ta, dɛɛ liira puldoa haahra, dɛɛ nyin ń won dɔ Yeesu Kristo kɛrɛdɛ,

1 Timoti 6:17

Bol waa nɔ nɛra baa ɛ dɔɔhna harɛ nɔ ta la be ŋɔ, ba bɛ ɡel ba nyu bini do ba som kohona, dɛ bɛ hwɛɡa kpɔ do a ɡɛ kondɔɔh aa won tona dɛ won hee la ta. Kɛ bá kpɔ ba hwɛɡa do Korowii waa ta tea dɛɛ tɛ yaa komɛlbwa asɛ ya won kpɔ dɛɛ lɛ ya sie la nɛ.

Jems 4:14

kɛ dɛ he ɡe aa jemɛ ɡɛ tɔɔ aa dɛ ba he pera la! Gɛ kɔɔla yon ta, kɛ aa biɡri dɛ yon kaa la, ɡɛɛ he mkpa do.

1 Pita 1:24

Korowii Tɔn bolɔ ŋɔ, “Nɛwɛnyini bwa do kɛ kpɔɡa fee, ba jirima ɡe do kɛ kpɔɡa fee. Kpɔɡa dɛ sewɛ, a fee ɡe ɛɛ lee.

1 Jɔn 2:17

Harɛ nɔ ne o pɛla kwaa bwa sekwaraa dɔ jaɡa. Naate waa dɛ ɛ anɔ la Korowii aa dɛ nyin la ɡbosoo dɛɛ ba le doe saŋ bɛlbwa.