3 Dɛ ɡɛ laa, mɛɛ wuruu o che muŋɡbal kɛŋɔ awola baa lolɔ la ken. Mɛɛ ɡeloo ó do kɛŋɔ pua hɛŋle ɡbo harɛ, dɛ́ do kɛŋɔ harɛ waa hola, ásɛ nyɔɡre kpoo ó sewɛ.
Nyɔɡre kohona nomanta, ba teŋɔ naɡre Mosis waa bela. Ba ŋɔ, “Ɛrɛɛ he lawɛ yaa le Ijipt harɛ ta, dɛ ɡel nyɔɡre baa kpo ya ne ya bii ne kondɛɛra ya bwa serewe nɔɔ?”
Harɛ la chɔɡɔ, o chɔɔ pɛɛ. Sihiih kpo Lɛbanɔn kɔne, a daa serewe. Sarɔn fɛlembɔdɛɛɡe berɛ pua hɛŋle ɡbo harɛ, Basan harɛ ne Kaamɛl Bwejen ta, daa papooni dɛ chure.
Peteɡra kpɔ ba peera ba tiɡri n daa koo do harɛ, kɛŋɔ harɛre ane koranar aa chɔɡ n nɛra la. A ɡelɔ koo n sie aa dɛ lɛ o ta chɔɡ, dɛ berɛ pua hɛŋle ɡbo harɛ.
Nomonjena tomɛ ba bonɔɔna ŋɔ bá ka nyin ne. Ba la kwaa aa won nee lɛɛ ta ba ta nee nae. Ba kpɔ ba polviine berɛ ba pɛɛ, ba bambile chɔɡɔ ba hwɛɡa ta pɛɛ, dɛ kpɔ kwaa bɔle nyuune, a baɡle kɛŋɔ ba loo kuu.
Naate ɛɛ doo kɛŋɔ dajeɡa waa cheɡɛ pua hɛŋle ɡbo harɛ ta. Wobɛlbwa aa werii do tɛo. Harɛ waa hola dɛ peɡri, nomɛlbwa aa wola won so o ta, komɛlbwa ɡe aa wola won kpeɡ o ta la, o taa wɛɛ ba cheɡa.
He fini bii, hé no waa men Korowii aa dɛ bol nɔ. N ta doe kɛŋɔ pua hɛŋle ɡbo harɛ, kɛɛ harɛ biro tenten aa lɔ o ta tɛ heya. Ɛrɛɛ n nɛra ɛɛ bol ŋɔ, ‘Ya dɔ ŋwɛnɛ dɛ́ ɡaaɡe kaa bobɛlbwa, yaa berɛ ba he be kpa.’
Ba ta n waa bɔɔrɛ ŋɔ, ‘Leperaa Korowii dɔɔ? Onee lawɛ yaa le Ijipt harɛ, dɛ kpɔ yaa valɛ pua hɛŋle ɡbo harɛ ta, harɛ komɛlbwa aa wola toole o ta, o dɔ bɔluŋe, biro ne hwel do bela, nomɛlbwa aa o ta kpɔ, á ba ɛ kɛŋɔ nɛra ɛɛ so belaa.’
Gɛ Korowii aa dɛ bol laanee nɔ. “A lole kɛŋɔ Juda koodem wer kɛŋɔ Gelead harɛ ne Lɛbanɔn bwejena n be, kɛ kasinteŋ, mɛɛ ɛɔ kɛŋɔ pua hɛŋle ɡbo harɛ, kɛŋɔ bwɛɛre nɛra aa wola toole a ta ken.
a lole kɛŋɔ he wer he bala bini. Mɛɛ ɡeloo peuchɔɡe ta le wee leebɔr, dɛ́ ta le pua hɛŋle ɡbo harɛ ta. Nee aa won palɛ le neerare nyuune ta, ásɛ buli hweeh. Mɛɛ pa he kondɛɛɡaa le bela haa dɛ cheɡa la kaa.
Nyeɡlare fi la haa naa a che tɛ koranar fi la ne olchɔɡe la ɛɛ hah hanjwamane laanee, dɛ́ foo o bwara komɛlbwa, dɛ́ ɡelo dakpaŋ ɡɛ. Baa chwe o olii, ásɛ dɛ fuh o kabora,
Dɛ nyɔɡre dɛ kpoo kohona, anomanta, o wio no Korowii ŋɔ, “N Naa Korowii, henee tɛ men maa ɛ he bonɔɔ kpeɡri n won ɛ wejena nɔ dɔŋ dɛ pɔ n dɔma nɛ, asɛ nyɔɡre ɛɛ kpo mɛ. Ń sewɛ voɡtoroma nɔ nɔn ta naa?”