Hosia 1:1 - mzwDBL

¹ Korowii pili o waa bini baɡle Beeri bibaa Hosia. A ɡɛ saŋee koranar bane kɛŋɔ Ussia, ne Jotam, ne Ahas dɛ Hɛsɛkea di kora Juda harɛ ta teŋɛ dɔŋa nɛ. Dɛ Jehoas bibaa Kooro Jɛroboam di kora Israel harɛ ta.

Hosia 1:1 Iomraidhean Croise

2 Koranar 13:13

Kooro Jehoas sewɔ dɛ ka chɔ o naawa Israel koranar hoɡa ta Samaria. Asɛ o bibaa Jɛroboam waa teŋa nɛɛ chiɡ o naa ta dɛ di kora.

2 Koranar 14:16

Kooro Jehoas baa sewɛ, ba ka huɡo o naawa hoɡa ta Samaria, bela baa dɛ huɡe Israel koranar. Asɛ o bibaa Jɛroboam waa teŋa nɛɛ, ba chiɡ o naa ta dɛ di kora.

2 Koranar 14:23

Kooro Amasea aa di kora Juda harɛ bene fi dɛ anue taa Kooro Jɛroboam waa teŋa nɛɛ ba di kora Israel harɛ ta. O soɡe Samaria di kora bene fifraanaarɛ dɛ beŋkpoŋ.

2 Koranar 15:32

Remalia bibaa Kooro Pɛka aa di kora Israel harɛ ta la, bennɛɛte taa Kooro Ussia bibaa Jotam di kora Juda harɛ ta.

2 Koranar 15:5

Korowii kpɔ wee ta Kooro Ussia nɛɛ ka tel kɛŋɔ waa baa sewɛ. O ta koodem soɡee kpa, asɛ o bibaa Jotam so koodem bela, dɛ nyiŋi Juda harɛ la ta.

2 Koranar 15:7

Kooro Ussia baa sewɛ, asɛ ba huɡo Jerusalam, bela baa huɡe o naawa, Kooro Devid Bwɛjen ta. O bibaa Jotam chiɡ o naa ta dɛ di kora.

2 Webena 27:1

Kooro Jotam aa di kora dɛ o dɔ bene fifraanɛ dɛ anue. O soɡe Jerusalam di kora bene fi dɛ anumɛl. O nya sɔne Jerusa, asɛ o nya ɡe mɛɛ sɔne Sadɔk.

2 Webena 28:1

Kooro Ahas di bene fifraanɛ mɔɔ dɛ di kora. O soɡe Jerusalam dɛ di kora bene fi dɛ anumɛl. Dɛ o ta doe kɛŋɔ o nabaa Kooro Devid, o ta waa aa too Korowii tea ɛɛ.

2 Webena 29:33

Kwaa baa kpoora ɛ sarahare la lɔ nabala lafraanumɛl, dɛ peera ne boohna kaɡboŋa atoro.

Aesaya 1:1

Baa bɛlee fa lole baa yerɔ Emɔɔs, o bibaa sɔne Aesaya. Korowii pili waane bini kɛŋɔ deera ken baɡle Aesaya, aa ba Juda harɛ ta ne Jerusalam chiɡa. O naa ɡɛ saŋ koranar bane aa di kora teŋɛ dɔŋa nɛɛ Juda harɛ ta, banee Ussia ne Jotam ne Ahas, dɛ Hɛsɛkea.

Aesaya 7:1

A ɡɛ saŋ, laa chole Juda Kooro Ahas ne koranar banɛ bane baah ta. Koranar la bɛlee Siiria Kooro Resin, bɛl ɡee Israel Kooro Pɛka, o mɛɛ sɔne Remalia. Kooro Ahas ɡe mɛɛ sɔne Jotam, o nabaa ɡee Ussia. Kooro Resin ne Pɛka kpɔ ba laa tena ba Jerusalam dɛ ba yoo ba, kɛ ba ta wone pɔ ba nɛ.

Jeremia 1:2

Korowii bol waa Jeremia be ɡɛ saŋ Amɔn bibaa Kooro Josia aa di kora Juda harɛ ta bene fi dɛ atoro ta,

Jeremia 1:4

Korowii bol waa men Jeremia be ŋɔ,

Ɛsekeɛl 1:3

Keba Moo nyoa Babelɔn harɛ ta belaa Korowii bol waa men Ɛsekeɛl maa ɛ sɔfo be, n dɔ o kpeɡri dɛ na wepila.

Joel 1:1

Waa aa le Korowii be dɛ ba Pɛtoɛl bibaa Joel be laanee nɔ.

Emɔs 1:1

Baa bɛl sɔne Emɔs, dɛ o ɛ peteɡre dɛ so Tekoa. Korowii pili waane aa dɛ ba Israel harɛ ta bala baɡlo chaahna ta, bene anɛ mɔɔ harɛ jiɡra bɛl chiɡ Israel harɛ ta. Gɛ saŋ dɛ Kooro Ussia di kora Juda harɛ ta, asɛ Jehoas bibaa Kooro Jɛroboam ɡe di kora Israel harɛ ta.

Jona 1:1

Baa bɛl fa lole baa yerɔ Jona, o mɛɛ sɔne Amitai. Awola bɛl, Korowii ŋɔ Jona be ŋɔ,

Maeka 1:1

Baa bɛl sɔne Maeka dɛ le Mɔresɛt. Korowii pili waane aa dɛ ba bwɛjena Samaria ne Jerusalam chiɡa baɡlo. Dɛ ɡɛ saŋee Juda koranar bane baa dɛ yer ba Jotam ne Ahas dɛ Hɛsɛkea di kora teŋɛ dɔŋa nɛɛ Juda harɛ ta.

Sekaria 1:1

Pɛɛsea Koojen Dareɔs aa di kora bennɛɛte korobie anuatoro ta la, Korowii bol waa o keame Sekaria waa ɛ Bɛrekea bibaa be. Sekaria nabaa sɔne Ido.

Amanesoma Jɔn Aa Chwera Tɔn 10:35

Dɛ o yerɛ nɛra waa kpɔ o waa la baɡle la Korowii aa, dɛ a ɛ kasinteŋ waa yaa wola won vɛh,

Tɔn Pɔɔl Aa Chwerɛ Rom Tena 9:25

Kenii o ŋɔ o keame Hosia tɔn bini. “Nɛra ba fa aa wola n nɛra ɛɛ n fa aa wola ban nyin la, mɛɛ yer baa n nɛra ne n nɛnnyinaa.”

2 Pita 1:21

Akai! Baa chwera la, ba ɡbaɡba liire ne laa ba chwera. Korowii Domadɛɛɡee ir Korowii nɛra nɛ, asɛ baa bol waa aa dɛ ba bala kerekere Korowii aa kpɔa do ba nyoa.