Hibru 9:3 - mzwDBL

³ Asɛ bela baa dɛ yerɛ Boɡoroŋ Tenten la ɡe do pateesan nɛɛte la habɔɔ.

Hibru 9:3 Iomraidhean Croise

1 Koranar 6:16

O kpɔ peleme daa la ane teŋe Korowii Dea la bini, Boɡoroŋ Tenten la baah ta kɛŋɔ pateesan ken le nyundua ba chiɡ harɛ. O jaŋne lɔ naɡale fifraatoro.

1 Koranar 8:6

Asɛ sɔfore la kpɔ Korowii Ne Nɛwɛnyina Fɔo Daka la ka cheɡ Korowii Dea la bini, Boɡoroŋ Tenten bela Kerobim la kena lɔɡre.

2 Webena 3:14

O kpɔ jiseburum ne oŋkɔl ne onswɛm ne yapondɛɛɡe ɛ pateesan, ba sɔh Kerobim dawɛ a ta.

Kaala 40:21

Belaa o kpɔ Korowii Ne Nɛwɛnyina Fɔo Daka la ba cheɡ Korowii Tɛnte Dea bela, dɛ kpɔ pateesan la saɡɛ Daka la sie ɡɛ Korowii aa do Mosis la.

Kaala 40:3

Kpɔ N Ne Nɛwɛnyina Fɔo Daka la cheɡ o bini dɛ́ kpɔ pateesan saɡɛ o sie.

Aesaya 25:7

Gɛ bwejen nɔ taa Korowii ɛɛ ba tebinichɔɡ aa lɔ harɛre nɛra bwa nɛɛ la chɔɡa, dɛ́ laa a bwa kpɔ.

Ɛsekeɛl 41:4

O maɡɛ Korowii Dea la bini tenten jaŋne, o ɛ naɡale fifraatoro, asɛ o paɡri ɡe naɡale fifraatoro dɛ kaa dea waa lɔ bini la ta. Asɛ o ŋɔ n be ŋɔ, “Bonɔ ɛ Boɡoroŋ Tenten.”

Nɛra Kura 4:5

Dɛ Israel tena la ŋɔ bá ir kaa bofale aa, Arɔn ne o bibaalaa chɛ kɛ bá jo dɛ́ ka laa pateesan waa saɡɛ Korowii Ne Nɛwɛnyina Fɔo Daka la sie, kpɔ dɛ́ kpɔ tɔ o ta.

Matiu 27:51

Waa sewa la, ate dɛ yal waa teŋe Korowii Dea la baah ta la pere anɛ le nyundua ba ta harɛ. Harɛ jiɡro, asɛ bwetala bini peɡri,

Hibru 6:19

A ɡɛ hwɛɡa nɔɔ dɛ ɡel ya bambile won che bobeŋkpoŋ, ásɛ ya che kɛrɛdɛ. Hwɛɡa nɔ nomanta, a kaa ɛ kɛŋɔ yaa won jo Korowii Dea la bini tenten, bela pateesan fa aa tɔa nɛmpɛɛne aa wola bela jo la.

Hibru 9:7

Dea la bonɛɛte la te la, Sɔfonomoa ɡboo dɛɛ jo o bini. O ɡba kwaraa la, kerabeŋkpoŋ ɡboo wɛɛ jo bela bena bɛlbwa. O ta chal kpoŋaa, waa bela jo. A nee o kaa soŋe o wechɔɡa ne nɛra la wechɔɡa baa ɛa baa wola jemɛ kɛŋɔ ba ɛ wechɔɡa la.

Hibru 9:8

Korowii Domadɛɛɡe dɛ baɡle yaa waa dɛ le ɡɛ waa nɔ ta kɛŋɔ, dɛ Korowii Tɛnte Dea la ta lole naa, Boɡoroŋ Tenten la ŋwɛnɛ ta pile mɔɔ.