Hibru 7:2 - mzwDBL

² Belaa Abraham bɔne kwaa waa dɔa laa la ta bwa bini bɔre fi dɛ kpɔ bɔrbeŋkpoŋ tɛo. Mɛlkesɛdɛk sɔn la munii “Waa aa Toɡra Kooro.” Salɛm ɡe munii “bambisɔɔhna.” Anomanta, dɛ “Bambisɔɔhna Kooroo” on.

Hibru 7:2 Iomraidhean Croise

Mumpar 28:22

Bwe maa kpɔa pa dɛ kpɔ dɛɛ liiri nɔɔ dɛɛ ba he torome bɔr ɛɛ. Ásɛ komɛlbwa ɡe haa tɛ mɛ la, bɔre fi bɛlbwa la, mɛɛ tɛɛ bɔrbeŋkpoŋii.”

2 Samoɛl 23:3

Korowii Israel tena aa dɛ tomɔ bol wa, Korowii waa do kɛ Bwetal ba chwa kaa marɔ la ŋɔ n be ŋɔ, ‘Kooro bɛlbwa waa dɛ nyiŋi o nɛra nɛɛ kasinteŋ ne dɛɛ ɔmɛ Korowii la,

2 Samoɛl 8:15

Kooro Devid di kora Israel harɛ bwa, dɛ nyiŋi o nɛra waa aa toɡra ne kasinteŋ ne.

1 Webena 22:9

Hɛɛ ba dɔ bibaa bɛlee, o ɛ nɛn waa dɛ nyin deŋnesɔɔhna, mɛɛ ɡeloo o dɔ bosɔɔhna le o dɔma bwa nɛ. Baa dɛɛ yerɔ Solomɔnee. O bere saŋ, mɛɛ ɡeloo deŋnesɔɔhna ba Israel harɛ ta ba bwara sɔɔh ba.

Yela 72:7

N Naa Korowii, ɡel waa aa wera dɛ toɡre la do harɛ nɔ ta, o kora dii ta saŋ bɛlbwa, ásɛ nɛra baa soɡe harɛ nɔ ta dɔ deŋnesɔɔhna ka tel kɛŋɔ, korobie aa ɡel chaahna.

Lewi Dea Tena 27:32

Kondɛɛre bɛlbwa bini onɔ la waa ja fi la do ɡoroŋ, dɛ ɛ men Korowii kon. Haa dɛɛ kura la, hé kpɔ konswɛm pe o bwara á chaɡle kɛ o ɛ n kon.

Maeka 5:5

Onee dɛ́ ba tɛɛ ba deŋnesɔɔhna. Dɛ Asiiria tena baa yo ya harɛ, dɛ won jo ya dekpeɡa yaa sɔh a bini ta naa, yaa le nomonome baa wara kohonaa bá ka yoo ba.

Nɛra Kura 18:21

Lewi dea tena te, Israel tena kwaa baa bɔne a bini bɔre fi dɛ kpɔ bɔrbeŋkpoŋ baa tɛ mɛ laanee n kpɔ tɛɛ ba kɛŋɔ ba kapɛrɛ, toma baa dɛ ɛ n Dea Cheremibɔr bela nomanta.

Matiu 1:23

“Bitolo waa wola baa jemɛ bwa ɛɛ kpoŋe teaa dɛ́ lolɛ bibaa, ásɛ ba yerɔ Imanoɛl.” O munii kɛŋɔ, “Korowii ne ya lole.”

Amanesoma Luk Aa Chwera Tɔn 2:14

“Hé tɛ Korowii waa lɔ nyundua la sɔn, ásɛ dɛ ɡel nɛwɛnyina baa lɔ harɛ ta Korowii siwi aa su ba la ɡe dɔ bosɔɔhna.”

Tɔn Pɔɔl Aa Chwerɛ Rom Tena 3:26

Taraken waa ɡela Yeesu Kristo koh ya wechɔɡa waa dɛ sewɛ nɔ, o baɡlɔ kɛŋɔ o waa toɡrɔ. Nomɛlbwa waa dɛ yarada Yeesu dɛ kpɔ o te tɛo la, Korowii ɡelɔ o ɛ nɛndɛɛɡe o wa ɛɛ su o siwi.

Hibru 7:1

A ɡɛ Mɛlkesɛdɛk nɔ, dɛ Salɛm kooroo on, asɛ o ɛ Nemenɛ Korowii Sɔfo. A saŋ la Abraham aa le laa waa kaa yo dɛ pɔ koranar banaarɛ bane nɛɛ dɛɛ ba la, Mɛlkesɛdɛk chemo dɛ swee andɛɛɡa tɛo.

Hibru 7:3

Mɛlkesɛdɛk ta nya ne mɛɛ dɔe ya jemɛ. O ta lolanar dɔe. O ta lola tɔpere ne sewa tɔpere ɡba dɔe ya jemɛ. O ɛ Sɔfo saŋ bɛlbwa dɛɛ la aa wola jaɡa dɔe kɛŋɔ Korowii Bie la ken.

1 Samoɛl 8:15

Wɛɛ bɔne he mea ne he daa kooni bini bɔre fii, dɛ́ kpɔ bɔrbeŋkpoŋ tɛ o nomonome ne bonɔɔna.

1 Samoɛl 8:17

He peera ɡe la, wɛɛ bɔne a bini bɔre fii, dɛ́ kpɔ bɔrbeŋkpoŋ, ásɛ dɛ kpɔ heyaa berɛ o yoma.