Hibru 4:1 - mzwDBL

¹ Korowii nyoa waa baɡɛ nɛra ona waa ŋɔa bá ba onɛ la ta lole. Anomanta, hé ɡel ya nyiŋi kɛrɛdɛ ásɛ he bɛlbwa bɛ a ɡɛ nyobaɡa la ba paŋɛ.

Hibru 4:1 Iomraidhean Croise

Sɛɡla 14:16

Wejereme dɛ nyiŋi kɛrɛdɛ o soɡa bini kɛ o bɛ waa dɔ. Gɛnee dɛɛ ɛ waa saɡasaɡa, o baah ɛɛ di warawara.

Sɛɡla 28:14

Nɛn waa dɛ ɔmɛ Korowii la, o na som, kɛ deŋnekpeɡ te ɛɛ ba na waa taeh.

Jeremia 32:40

N ne baa fɔwɛ fɔwee ó chɔ le saŋ bɛlbwa dɛɛ la. Maa wedɛɛɡa maa ɛɛ ba ɡel bwa, mɛɛ kpɔ n ɔmaa do ba bini, ásɛ ba bɛ habɔɔ berɛ kpo mɛ kpa.

Nɛra Kura 14:34

Bene fifraanaarɛɛ hɛɛ ba he deŋnetɛra kembɔr dɔe, benanyoa bɛlbwa cheɡɔ tɛ tɔpera fifraanaarɛ la tɔpebeŋkpoŋ haa kpɔa ka sɔh nyiŋi harɛ la. Ásɛ he na kɛŋɔ men Korowii, dɛ n ŋɔ mɛɛ tɛr he deŋne yaa, dɛ a ɛ sibeɡra.’

Matiu 24:48

Kɛ dɛ o ɛ bonɔnchɔɡe, asɛ dɛ ŋɔ, ‘N dɔɔ ŋwɛnɛ nɔ waa kaala nɔ, waa ba taraken,’

We-ɛɛla 3:19

Anomanta, hé charɛ he liire le he wechɔɡa ta dɛ́ kpɔ he te tɛ Korowii ásɛ o kpɔ he wechɔɡa kɛ heya, dɛɛ tɛ heyaa bambisɔɔhna, dɛɛ do heyaa ɡbemba.

Tɔn Pɔɔl Aa Chwerɛ Rom Tena 11:20

He ŋɔ ɡɛ naa, kpelaa he ŋɔ. Baa wola Yeesu waa la yaradae waa ba teŋ ba ta. He ɡe aa yarada Yeesu waa la, a waa he ta che la. Anomanta, bɛ mbarafo dɛɛ ɛ. Pwɛr he te dɛɛ nyiŋi kɛrɛdɛ.

Tɔn Pɔɔl Aa Chwerɛ Rom Tena 3:23

Nɛwɛnyini bwa ɛ wechɔɡa, ya bɛlbwa ta ɡɛ Korowii fe aa dɛ nyin o maŋkura yaa la chɛɛ.

1 Kɔrent 10:12

Anomanta, nomɛlbwa waa dɛ lii kɛŋɔ o cheɡɛ kiŋkiŋ Yeesu Kristo waa nɔ ta la, wɛ́ɛ nyiŋi kɛrɛdɛ dɛ bɛ naa ba lɔ.

2 Kɔrent 6:1

Ya ne Korowii bwa aa pɛa dɛɛ ɛ toma nɔ, ya dɛ soŋe heyaa kɛŋɔ Korowii aa na he sum dɛ cha heyaa nɔ, he bɛ ɡel a ɛ pɛɛ.

Galaasia 5:4

He banɔ la haa dɛ nyin he che Mosis Mmara ta teŋa ta ásɛ dɛ ɛ nɛndɛɛɡa he waa su Korowii siwi la, he pere he te le Yeesu Kristo be. He ta nɛra Korowii aa sune ba nɛɛ la nɛɛ jae.

2 Timoti 2:13

Dɛ ya ta kasinteŋ tena ɛɛ yaa, o te ta ɛ kasinteŋ te, waa won beɡre o te.”

Hibru 12:15

Korowii dɔ chae waa dɛ nyin o cha yaa kohona. Anomanta, hé nyiŋi kɛrɛdɛ ásɛ a bɛ bɛlbwa ba paŋɛ. A waa laa aa, wechɔɡa ane ɛɛ ba jo he binii dɛ́ chɔɡ nɛndamanta kɛŋɔ koŋkpela yon jo kondikwaa ta dɛ chɔɡa la.

Hibru 12:25

Anomanta, hé nyiŋi kɛrɛdɛ ásɛ dɛ bɛ deŋne taŋ Korowii waa waa dɛ bol la ta. A saŋ la tena fa aa vɛh nɛn ba ne waa lɔ harɛ bonɔ waa waa bola dɛ kpɔ ja ba la, dɛ ba ta wone lɛ ba te naa, ya nɛra yaa vɛh naate waa lɔ nyundua waa waa kpɔa dɛɛ ja yaa la, ɛrɛɛ yá ɛ dɛ won lɛ ya te nɔ?

Hibru 13:7

Hé nyiŋi he nomonome ba fa aa bol Korowii waa dɛɛ baɡle heyaa la. Hé nyiŋi ɡɛ ba fa aa teŋɛ Korowii ŋwɛnɛ ta dɛ ba serewe, dɛɛ yarada Korowii ɡɛ ba fa aa dɛ yaradao la.

Hibru 3:11

N baah aa dia la, n ŋwɛɛrɔ ŋɔ, ‘Baa ona maa tɛɛ ba ŋɔ bá ba onɛ ɡɛ maa dɛ onɛ la dɔe ba bwa.’ ”

Hibru 4:11

Anomanta, hé ɡel ya swɛɛ siwi dɛ́ dɔ ɡɛ ona la. A ta chɛ kɛ bɛlbwa ɛ a saŋ la tena deŋnekpeɡ la dɔŋ dɛ́ ba paŋɛ ɡɛ ona nɔ.

Hibru 4:9

He nyiŋo na naa, ona Korowii aa kwaara cheɡ o nɛra la ta lole bá ba onɛ, kɛŋɔ Korowii aa Ona Tɔpenuanɛ wee la ta la.

1 Samoɛl 2:30

Anomanta, men Korowii Israel tena aa dɛ tom mɛ fa baɡɛ heyaa nyoa kɛŋɔ, he dem nɛra ne he mɛɛ dem nɛraa dɛ́ do n sie, dɛ́ɛ tom mɛ kɛ sɔfore saŋ bɛlbwa dɛɛ la. Taraken te maa an ɡɛɛ ɛ kpa. Nɛra baa dɛ duu mɛ la, mɛɛ ɡeloo bá dɔ duure, nɛra baa nyiŋ mɛ dɛɛ vah la, n ɡee nyiŋ baa vah.