Hibru 3:1 - mzwDBL

¹ Anomanta, n bala Korowii nɛra waa le ya ne he bwa tɛ o te, hé ta sie nyiŋi Yeesu na. Korowiirii tomɔ ŋɔ ó ba ɛ ya waa yaa dɛ yarada nɔ Sɔfonomoa.

Hibru 3:1 Iomraidhean Croise

Yela 110:4

Korowii baɡɛ nyoa waa wola o liiree charɛ ŋɔ, “Hɛɛ ɛ sɔfoo saŋ bɛlbwa dɛɛ la kɛŋɔ Mɛlkesɛdɛk.”

Aesaya 1:3

Nao jemɛ o dɔɔ, asɛ keeɡo jemɛ kon o dɔɔ aa kpɔ kondikwaa do o bini dɛɛ tɛo. Kɛ n nɛra Israel tena te aa men jemɛ, baa waa mun no.”

Aesaya 41:20

ásɛ nomɛlbwa na dɛ́ lii dɛ́ no a mun kɛŋɔ men Korowiirii ɛa, dɛ́ jemɛ kɛŋɔ Israel Nɛŋɡoroŋ laanee taa.”

Aesaya 5:12

Hé dɛ di kondikonjena dɛɛ lɛ he sie aa, he dɛ lɔ janjela dɛɛ yiiɡi kwaa dɛɛ hoh kalipere. Kɛ Korowii we-ɛɛla te, haa sie a ta do, anɔ la waa dɛ ɛ, haa on duu.

Ɛsekeɛl 12:3

Nɛwɛnyini bie, ɛ dɛ́ pa he laala bwa webaŋa nomɛlbwa siwi ta. Le bela kaa kɛŋɔ baa lawɛ dɛɛ kaa harɛfale ta he ka ɛ hɔɔh ken. Ba ɛ deŋnekpeɡ nɛra te, kɛ ba ken ɛɛ no a munii.

Ɛsekeɛl 18:28

O na wechɔɡa waa ɛa dɛ le a ta, wɛɛ dɔ o nyuu kɛrɛdɛ, waa wola sewɛ.

Haɡae 1:5

Kenii Koranar Bwa Kooro ŋɔ, “Hé nyiŋi he waa bini kɛrɛdɛ.

Haɡae 2:15

Korowii ŋɔ, “He ta waa aa pu heyaa nɔ nae yaa? Mɔɔ he pa mun dɛ́ do n Dea la,

Amanesoma Jɔn Aa Chwera Tɔn 17:3

Banɔ la baa jemɛ dɛ jemɛ kɛ he ɡboo Korowii kasinteŋ la, dɛ berɛ jem mɛ kɛ menee Yeesu Kristo haa tom mɛ la, banee dɛ́ dɔ mkpa aa wola jaɡa dɔe la.

Amanesoma Jɔn Aa Chwera Tɔn 20:21

Yeesu berɔ bol ja ŋɔ, “Kórowii tɛ heyaa bambisɔɔhna. Gɛ n Mɛɛ aa tom mɛ la, ɡɛɛ n ɡe ɛɛ tomɛ heya.”

Amanesoma Jɔn Aa Chwera Tɔn 20:27

Asɛ dɛ ŋɔ Tɔmas be ŋɔ, “Kpɔ he nonii ba do n nɔɔra bɔɔne la ta, dɛ́ kpɔ he nɔn do n loŋi bɔɔ la ɡe ta, dɛɛ yarada mɛ, dɛ́ ɡel aahna aahna la haa dɛ ɛ la.”

We-ɛɛla 1:15

Aa baa di tɔpera anɛ la, ba bala la bwa chemo. Baa tel nɛra lafa fifraanɛɛ. Asɛ Pita ir che ba baah ta dɛ ŋɔ,

Tɔn Pɔɔl Aa Chwerɛ Rom Tena 11:17

Moo laa pala dɛɛ kaa nyundua la aa? Israel tena do kɛ kobaah ɔleve da. Ba teŋe o kpala ane ta, dɛ kpɔ hen haa wola Israel te ɛɛ dɛ do kɛ kpɔɡ baah ɔleve daa kpale, dɛ ba vɔrɔwe marɛ kobaah kon la bɛl buɡ ta, asɛ hɛɛ nyɔ o nedɛɛɡa dɛ di, dɛ dɛɡ.

Tɔn Pɔɔl Aa Chwerɛ Rom Tena 15:27

Ba sie lɛo kɛŋɔ baa ta kwaa la. Kasinteŋ, baa won jam Jerusalam Korowii nɛra la ka tonɛ, dɛkalkɛŋɔ ɡɛ Korowii aa cha Israel tena asɛ nɛra baa wola Israel tena ɛɛ di ba tɔnɔ la, ɡɛɛ a chɛ kɛ dɛ nɛra baa wola Israel tena ɛɛ la ɡe dɔ harɛ bonɔ kwaa aa, Israel tena ɡe di ba tɔnɔ.

Tɔn Pɔɔl Aa Chwerɛ Rom Tena 15:8

dɛkalkɛŋɔ Yeesu Kristo wono ɛ toma Juu tena bini, asɛ dɛ chaɡle kɛ Korowii waa dɔ kasinteŋ. Anee Korowii ɛ dɛ chuɡri o nyobaɡa waa baɡɛ Israel tena naawa la,

Tɔn Pɔɔl Aa Chwerɛ Rom Tena 9:24

Yanee o sune ya nɛɛ la. Yanee o le ŋɔ ya ɛ o nɛra la. Israel tena ɡbo bini laa o le nɛra ŋɔ ba ɛ o nɛra. O le bane nɛra baa wola Juu tena ɛɛ ɡe bini.

1 Kɔrent 1:2

Korowiirii le heya, dɛ koh pɛɛ he ne Yeesu Kristo aa pɛa la waa dɛ laa doŋa bɛlbwa kpɔ he nɛɛ dɛ ɡel he ɛ o nɛra. Ya dɛ chwerɛ he ne nɛra baa lɔ bobɛlbwa dɛɛ tomɛ ya ne ba bwa Dɔɔ Yeesu Kristo la.

1 Kɔrent 10:17

Ya warɔ, kɛ paanoo beŋkpoŋ la yaa pɛa di la nomanta, ya ɛ beŋkpoŋ.

1 Kɔrent 9:23

Amanesoma nɔ waa mɛɛ teŋɛ anɔ bwa ta la, ásɛ dɛ won na som maa dɛ bol a waa la ane.

2 Kɔrent 1:7

Anomanta, ya hwɛɡa yaa dɔa he nɛɛ la aa pɛɛ ɛɛ ba, dɛkalkɛŋɔ ɡɛ haa dɛ na ya wahala la dɔŋ nɔ, ɡɛɛ hɛɛ ba ya bɔlarawa Korowii aa ba tɛ yaa la ane dɔe.

2 Kɔrent 9:13

He we-ɛɛla nɔ ɛɛ ɡeloo nɛra na he yarada haa dɔa, dɛ́ jam Korowii a wa. Baa jam Korowiirii kɛŋɔ haa dɛ teŋɛ Yeesu Kristo Amanesoma la haa ŋɔa he yaradaa la ta. Nɛra ɛɛ jam Korowiirii kɛŋɔ nomɛlbwa aa wola heyaa doe, asɛ he ɡbaɡba ta tea dɛ tɛ ba ne nomɛlbwa kwaa haa dɔa nɔ.

Ɛfesos 3:6

dɛ ɡel ba jemɛ kɛŋɔ pɛɛ banɔ la baa wola Juu tena ɛɛ la ne Yeesu aa pɛa la ne Amanesoma la baa noa la nomanta, ba ja Juu tena nɛɛ dɛ ɛ Korowii kwa, dɛ bwa ja Yeesu Kristo nɛ, dɛ bwa pɛ dɛɛ di Korowii nyobaɡa la ɡe tɔnɔ.

Ɛfesos 4:1

Men Pɔɔl maa koh ya Dɔɔ waa la waa ba do mɛ dea la, n dɛ soŋe he bwa, hɛ́ɛ teŋɛ ɡɛ aa chɛ kɛ nɛra Korowii aa lee ba tɛ o te ɛɛ teŋɛ la.

Ɛfesos 4:4

Yeesu bwadabii lɔ beŋkpoŋ, o Domadɛɛɡe ɡe lɔ beŋkpoŋ, asɛ hwɛɡa Korowii aa le yaa ya bwa dɔ la ɡe ɛ beŋkpoŋ.

Felepae 3:14

dɛ́ swɛɛ siwi dɛ́ won tel a jaɡa dɛ́ won dɔ kembɔr. Korowiirii yer mɛ ŋɔ ń ba dɛ́ ba do o be, Yeesu Kristo nomanta. A waa n swɛɛ siwi dɛɛ nyin ń won dɔ kembɔr la.

Kolosi 1:12

dɛ́ won kpɔ silɛɛ dɛ́ɛ jaamo waa ɛ ya Mɛɛ la wa. Onee ɡela ya chɛ kɛ ya ne o nɛra ba wa aa toɡra bwa won dɔ kondɛɛɡa waa dɔa tɛ o bii baa ja o Kora waa ɛ Bochaah Kora la ta.

Kolosi 1:22

Kɛ name Yeesu Kristo aa baa ɛ nɛn dɛ sewɛ la, Korowii cheɡɛ o seo la ta dɛ kwaa he ne o baah, dɛ ɡel he won do kaih doŋa bɛlbwa aa wola toole he nɛ, nomɛlbwa aa wola he waa dɔe ba dɛ bol awola haa ba che Korowii sie la.

Kolosi 3:12

Heyaa Korowii bidɛɛɡa waa le heyaa tɛ o te, dɛ laa he doŋa bwa kpɔ he nɛ, dɛɛ nyin heyaa kɛrɛdɛ. Anomanta, hé kpoŋe dadɛɛɡe dɛ́ dɔ tedoma, dɛ́ ta tea dɛ́ɛ tɛ dɔŋa, dɛ́ɛ pwɛr he te, dɛ́ɛ tɛ nɛra sie, dɛ́ dɔ bambile tɛɛ ba.

1 Tesalonika 2:12

Ya do heyaa ɡbemba dɛ larawe he bwara dɛ do heyaa ŋɔ hé so sodɛɛɡa, ásɛ he waa lɛ Korowii sie. Onee le heyaa he ba ɛ o bii, dɛ kpɔ o Kora la ne o nyanyini la pera tɛ heya.

1 Tesalonika 5:27

N kpɔ ya Dɔɔ dɛɛ do heyaa kɛ hé kure tɔn nɔ baɡle yabala la bwa sekwaraa.

2 Tesalonika 1:11

Yeesu bala la waa ya yon dɛɛ soŋe Korowii dɛɛ tɛ heya, ásɛ o cha heyaa he soɡa bini won maɡre dɛ́ chɛ lee waa le heyaa dɛ tɛ o te la, dɛ́ tɛ heyaa kpeɡri he won ɛ wedɛɛɡa la bwa aa lɔ he bambile bini ne wobɛlbwa haa ŋɔ hé ɛ, yarada haa yaradao la nomanta.

2 Tesalonika 2:14

Yanee fa bol Amanesoma la baɡle heyaa he no la, asɛ Korowii che a ta le heyaa ásɛ he ne ya Dɔɔ Yeesu Kristo won pɛ dɔ jirima.

1 Timoti 6:12

Yarada haa dɛ yarada Korowii nɔ, yodɛɛɡee hɛɛ yo ɡɛ la. Anomanta, yo kɛrɛdɛ dɛ́ dɔ mkpa aa wola jaɡa dɔe la. A ɡɛ mkpa nɔɔ Korowii lee ŋɔ he ba dɔ ɡɛ saŋ haa cheɡɛ kiŋkiŋ dɛ bol ɡɛ haa yarada Yeesu Kristo baɡle nɛnlaa la.

1 Timoti 6:2

Nɛndɔɔla ba ne ba dɔɔranar bwa aa dɛ yarada Yeesu la bɛ koh kɛ ba ne ba bwa ɛ beŋkpoŋ nomanta, ba siwi ɛɛ sa ba. Ba tenee chɛ kɛ bá tomɛ ba dɔɔranar kɛrɛdɛ kwara, dɛkalkɛ ba dɔɔranar la bwa ɡe yarada Yeesu dɛɛ nyin dɔŋa. Bol ɡɛ waa nɔ baɡ ba, dɛ́ chaɡ ba a bini.

2 Timoti 1:9

Onee lɛ yaa, dɛ le yaa ŋɔ yá ba ɛ o nɛra dɛ́ do ɡoroŋ tɛo. Ya tondɛɛɡa ɛɛ waa laa o le yaa, kɛ o liire waa dɔa tɛ yaa, ne ɡɛ waa na ya sum dɛ cha yaa waa o le yaa. Yeesu Kristo nɛɛ o che dɛ na ya sum, dɛ cha yaa dɛ le yaa mɔɔ dɛ ta komɛlbwa.

2 Timoti 2:7

Gel waa maa bola nɔ do he liire bini. Korowii ɛɛ ɡeloo he jemɛ a bwa mun kɛrɛdɛ.

Hibru 10:19

Yabala, Yeesu seo la nomanta yaa wonoo jo Boɡoroŋ Tenten la, yaa wola ɔmɛ.

Hibru 10:21

Ya dɔ Sɔfonomonjen wɛɛ nyiŋi Korowii bii.

Hibru 10:23

dɛ́ lawɛ hwɛɡa yaa dɔa la bini kpoŋe kiŋkiŋ, dɛ́ bol baɡle nɛra yaa wola ɔmɛ tama bɛlbwa, dɛkalkɛŋɔ naate waa baɡɛ yaa nyoa la waa dɔ kasinteŋ.

Hibru 13:22

Yabala, n dɛ soŋe heyaa kɛŋɔ he lawɛ bambile, dɛ́ no waa nɔ maa chwera dɛ kpɔ dɛɛ ja heyaa nɔ. He nyiŋo na naa, tɔn nɔ maa chwerɛ heyaa nɔ aa jaŋɛ bɛlbwa.

Hibru 2:11

Yeesuu laa nɛwɛnyini doŋa dɛɛ kpɔ ba nɛɛ dɛ ɡel ba ɛ Korowii nɛra. O ne nɛra waa laa doŋa dɛɛ kpɔ ba nɛɛ la bwa Mɛɛ beŋkpoŋ. A waa aa wola on sihiih ɛ kɛŋɔ o yer ba o nimanar la.

Hibru 2:17

Dɛ a chɛ kɛ Yeesu do ɡɛ o nimanar la aa doa ŋwɛnɛ bɛlbwa ta. Gɛɛ ó ɛ dɛ́ won tomɛ Korowii kɛŋɔ ba Sɔfonomoa kasinteŋ ne dɛɛ na ba sum, dɛ́ won dɛɛ soŋe ba wechɔɡa, dɛ́ won dɛɛ kwaa ba ne Korowii baah.

Hibru 3:12

Anomanta, yabala, hɛ́ɛ nyiŋi kɛrɛdɛ ásɛ he bini bɛlbwa bɛ liichɔɡa ba dɔ kɛŋɔ waa Korowii waa lole saŋ bɛlbwa laanee yarada, dɛ́ ba vɛh o waa ta teŋa.

Hibru 3:14

Gɛ ya yarada aa doa le mumpar la, dɛ ya wono che ɡɛ kiŋkiŋ ka tel wobɛlbwa jaɡa aa, dɛ ya ne Yeesu Kristo pɛo wobɛlbwa ta.

Hibru 6:20

Yeesu aa ɛ Sɔfonomoa saŋ bɛlbwa dɛɛ la kɛŋɔ Mɛlkesɛdɛk la, o koh ya waa dɛ tɔ sie ya nɛɛ jo bela mɔɔ ya ɡe ba.

Hibru 7:26

Maɡraa a den maɡre kɛŋɔ yaa dɔ Sɔfonomoa waa do kɛ Yeesu dɛɛ cha yaa. Doŋa bɛlbwa toole o nɛ, o tea too, o ne wechɔɡ-ɛɛra ta pɛɛ. Korowii tɛo nomonome dɛ keeru kaa o be nyundujaɡla.

Hibru 7:28

Baa nyiŋi Mosis Mmara ta dɛɛ kpɔ Sɔfonomonome la, nɛra baa wola wone dɛɛ vɛh wechɔɡa kɛŋɔ nɛwɛnyina bwa aa doa laanee baa kpɔ. Kɛ Mosis Mmara la habɔɔ la, waa Korowii aa bola dɛ ŋwɛɛ o ɡbaɡba la, an ɡela o Bie ɛ Sɔfonomoa. O te vɛh wechɔɡa dɛ do kaih saŋ bɛlbwa dɛɛ la.

Hibru 9:11

Taraken te, Yeesu Kristo balɔ dɛ ba ɛ Sɔfonomoa, dɛɛ ɛ wefala aa bala dɛ do wer ya jemɛ a waa taraken nɔ la toma. Korowii Tɛnte Dea waa dɛ ɛ toma o bini la dɔ jirima, dɛ do wer kɛrɛdɛ ɡwaa onɔ la. Nɛwɛnyini laa doo, harɛ bonɔ kon laa.

Hibru 9:15

Yeesu cheɡɔ tɛ nɛwɛnyini ne Korowii baah ta taraken dɛ fɔwɛ fɔo dɛ tɛ nɛwɛnyini ne Korowii, ásɛ nɛra Korowii aa lee ba ŋɔ ba ɛ o nɛra la won dɔ kwaa waa baɡ ba nyoa la saŋ bɛlbwa dɛɛ la. Baa wonoo dɔa saŋ bɛlbwa dɛɛ la, dɛkalkɛ wechɔɡa ba fa aa dɛ ɛ fɔobene la ta la, Yeesu Kristo aa baa sewɛ la, o bɔ a kem. O sewɔ ásɛ ba wechɔɡa la bɛ won dɔ kpeɡri ba nɛɛ kpa.

1 Pita 2:9

Kɛ he te la, Korowiirii le heya. O Kora sɔforee heya. He do ɡoroŋ. He ɛ o nɛra waa le heyaa ŋɔ hɛ́ɛ bol o nyokpowaa waa ɛa. On le he ne biro ta dɛ ba he ne o bochaah waa wera kohona la ta.

1 Pita 3:5

A saŋ la haahna ba fa aa dɛ tomɛ Korowii kasinteŋ ne dɛɛ yaradao la, dɛ ba pwɛr ba te dɛɛ tɛ ba jaranar. Anee ba ɡe wer.

1 Pita 5:1

N dɛ nyin n bol waane he asɔre nomonome baa dɛ tɔ he sie la be. Asɔre nomoa la bɛlee n ɡe. N ɡbaɡba kpɔ siwi na wahala la soo Yeesu Kristo aa naa. Awola waa dɛ ba ɡela nɛra na o jirima la, n ɡe ɛɛ dɔ o jirima la bɛlee. N dɛ soŋe heyaa kɛŋɔ

1 Pita 5:10

Kɛ he baa na waa tama aa, Korowii waa dɛ na nɛra sum dɛɛ cha ba kohona la, o ɡbaɡba ɛɛ kwaa he wobɛlbwaa, dɛ́ ɡel he che kiŋkiŋ, dɛ́ do kpeɡri, dɛ́ lawɛ heyaa he bɛ chole. Onee le heyaa hé won che pɛɛ he ne Yeesu Kristo aa pɛa la ta, dɛ dɔ o jirima aa wola jaɡa dɔe bwa la.

1 Jɔn 1:3

Anɔ la yaa naa dɛ no laanee yaa bol he ɡe be, ásɛ he no dɛ́ ba ja ya Mɛɛ waa lɔ nyundua ne o bie Yeesu Kristo beŋkpoŋri ɛɛ la ta.

Tɔn Jud Aa Chwera 1:1

Tɔn nɔ le men Jud maa ɛ Yeesu Kristo bonɔɔ dɛ ɛ Jems nime la be. N chwerɔ dɛɛ tɛ he nɛra N Naa Korowii waa bera ɛ ya Mɛɛ la aa dɛ nyin heya, dɛ le heyaa tɛ o te, asɛ Yeesu Kristo ɡee nyin heyaa la.

Wepila 17:14

Ba ne Pebie la ɛɛ yo laalee, ásɛ Pebie la ne nɛra waa lee ba, dɛ kpɔ ba teŋɛ o nɛɛ ba waa dɔ kasinteŋ la pɔ ba nɛ, dɛkalkɛŋɔ onee Dɔɔranar Bwa Dɔɔ dɛ ɛ Koranar Bwa Kooro.”

Wepila 18:20

Korowii doa tena ne Korowii nɛra he wa aa toɡra, ne Yeesu toroma, dɛ Korowii keamere, hé ɡel he sie lɛ a wa, dɛkalkɛ Korowii tɛr o deŋne wechɔɡa waa kpɔa ɛ heyaa la wa.”