Hibru 2:4 - mzwDBL

⁴ Korowii ɡbaɡba cheɡɛ nyokpowaa ne wekpeɡa ɛɛ ta, ne o Domadɛɛɡe waa kpɔa bɔne nɛra ɡɛ waa dɛ nyin la ta dɛ di a danseɛ.

Hibru 2:4 Iomraidhean Croise

Daneɛl 4:35

Nɛra baa lɔ harɛ nɔ ta waa ta komɛlbwa ɛɛ o be. Gɛ waa dɛ nyin laanee wɛɛ ɛ kwaa aa lɔ nyundua ne harɛ nɛra nɛ. Nomɛlbwa aa won tɔŋlo kɛɛ dɛ́ bɔɔro waa waa ɛa.

Amanesoma Mak Aa Chwera Tɔn 16:20

Asɛ o habɔteŋra la kaa bobɛlbwa dɛ kaa bol Korowii Waa la. Dɛ Korowii teŋɛ ba nɛɛ asɛ ba we-ɛɛla baa dɛ ɛ la ɡel nɛra jemɛ kɛŋɔ ba waa baa bola dɛɛ ɡaaɡe la ɛ kpela.

Amanesoma Mak Aa Chwera Tɔn 6:14

Yeesu waa perɛ bobɛlbwa, nomɛlbwa no o wa. Kooro Hɛrɔd ɡe noɔ. Bane ŋɔ, “Jɔn o fa aa dɛ sɔ nɛra Korowii nee la, onee. O weero le seo ta, a waa o won nyokpowaa nɔ ɛɛ la.”

Amanesoma Jɔn Aa Chwera Tɔn 15:26

Mɛɛ tomɛ Habɔchekpaa laanee o le n Mɛɛ be dɛ́ ba he be. Onee Korowii Domadɛɛɡe waa dɛ baɡle Korowii kasinteŋ waa la. Dɛ o balaa, onee dɛ́ ɛ n danseɛ.

Amanesoma Jɔn Aa Chwera Tɔn 4:48

Belaa Yeesu ŋɔ o be ŋɔ, “He bɛlbwa ta nyokpowaa ne wekpeɡa ane nae yaa, haa men yarada bwa.”

We-ɛɛla 14:3

Pɔɔl ne Banabas soɡe bela biɡri. Baa lɔ bela la, dɛ ba dɛ bol Yeesu waa bansua ne, dɛɛ baɡle ɡɛ waa dɛ sune nɛwɛnyini nɛɛ dɛɛ cha ba. O cha ba asɛ ba won dɛɛ ɛ nyokpowaa ne wekpeɡa, asɛ nɛra na dɛ jemɛ kɛ o waa baa dɛ bol la ɛ kpela.

We-ɛɛla 4:10

amɔ te hé no, ásɛ Israel tena bwa no, kɛŋɔ Yeesu Kristo waa le Nasarɛt, haa kpoo daɡaɡre ta asɛ Korowii iru seo ta la, o sɔn kpeɡri taa a che baa nɔ waa cheɡa nɔ dɔ bokpeɡa la.

We-ɛɛla 5:32

Nae yaa na waa nɔ la waa yaa di a danseɛ la. Korowii Domadɛɛɡe waa kpɔa tɛ nɛra baa dɛ teŋɛ o ŋwɛnɛ ta la ɡe cheɡɛ ya nɛɛ dɛɛ di waa nɔ danseɛ.”

Ɛfesos 1:5

O nyina waa dɛ nyin yaa waa o fel jemɛ ya waa cheɡ kɛŋɔ wɛɛ koh Yeesu Kristo waa dɛ́ kpɔ yaa ɛ o bii. O tetooraa o cheɡa ɡɛ.

Ɛfesos 1:9

Gɛ bwa Korowii aa ɛ Yeesu Kristo waa cheɡ o tetoora ta a fa sɔh yaa la, o berɔ pili a bwa bini tɛ yaa ya won jemɛ ɡɛ aa su o siwi o cheɡa ɡɛ saŋ la,

Ɛfesos 4:7

Kɛ ya bɛlbwa dɔ koŋkɛɛle aa le Korowii Domadɛɛɡe la be Yeesu Kristo kpɔ tɛ yaa. Gɛ waa dɛ nyin laanee o bɔna tɛ ya bwa ɡɛ del aa chɛ kɛ bɛlbwa dɔ.

Hibru 6:4

Nɛra baa yarada Korowii waa ka la, ɛrɛɛ bá ɛ dɛ charɛ ba liire dɛ́ le ba wechɔɡa ta dɛ berɛ yaradao jaɔ? Korowii chaah ba sie o waa nɔ ta ka, asɛ ba na Korowii doa koŋkɛɛle la som la bɛl, asɛ dɛ tɛɛ ba o Domadɛɛɡe la ka.