Hibru 11:3 - mzwDBL

³ Yarada taa a che ya no a mun kɛŋɔ nyoa wobol nee Korowii ta nyundua ne harɛ. Anomanta, nyundua ne harɛ yaa dɛ na nɔ, kwaa baa wola an na nee ba taa.

Hibru 11:3 Iomraidhean Croise

Mumpar 1:1

Komɛlbwa mumpar la, Korowii ta nyundua ne harɛ.

Yela 33:6

Nyoa wobol nee Korowii ta nyundua, ne kwaa aa lɔ nyundua bwa.

Yela 33:9

Nyoa wobol nee Korowii ta harɛ, asɛ komɛlbwa do le, dɛ ɛ ɡɛ waa ŋɔa.

Aesaya 40:26

Hé ha sie dɛ nyiŋi nyundua ne kwaa aa lɔ o ta. Korowiirii ta weweela dɛ ɡel a le beŋkpoŋa beŋkpoŋa dɛ warɛ, asɛ o pa bɛlbwa sɔn. O kpeɡri waa dɔa kohona nomanta, beŋkpoŋ kwaraa ta nyoɡrɛ.

Jeremia 10:11

Korowii berɔ ŋɔ, “Ŋɔ ba be ŋɔ voɡare aa wola wone ta nyundua ne harɛ nɔ la, a dɛ ba chɔɡa le harɛ nɔ ta kwaraa.”

Jeremia 10:16

Kɛ Korowii Israel tena aa dɛ tomɔ la ta do kɛ ban, dɛkalkɛ onee ta komɛlbwa, dɛ le Israel tena tɛ o te, dɛ kpɔ ba ɛ o kapɛrɛ nɛra. Koranar Bwa Kooroo o sɔn.

Amanesoma Jɔn Aa Chwera Tɔn 1:3

O nɛɛ Korowii che dɛ ta komɛlbwa. Kontaale bɛlbwa toole waa wola o nɛɛ cheɡɛ dɛ tao.

We-ɛɛla 14:15

“Bwɛɛla, ɛrɛɛ hɛɛ ɛ ken nɔɔ? Nɛraa yan kɛ heyaa ken. Amanesoma nee ya ba he be, ásɛ he no dɛ́ ɡel konsale nɔ ne komɛlbwa toma, dɛ́ɛ tomɛ Korowii waa lole saŋ bɛlbwa, dɛ ta nyundua ne harɛ ne mpo, dɛ kwaa aa lɔ a ta bwa la.

We-ɛɛla 17:24

Korowiirii ta harɛ ne kwaa aa lɔ o ta bwa. On dɔ nyundua ne harɛ bwa. O waane laa chɔɔbɔra nɛwɛnyini aa maa tɛo la wa.

Tɔn Pɔɔl Aa Chwerɛ Rom Tena 4:17

Anee Korowii waa baa chwera ŋɔ, “N ɡelɔ he ɛ nɛnfuuh bwa mɛɛ” la baɡle la. A ɡɛ waa nɔ ɛ kasinteŋ Korowii be. Onee Abraham faa yarada la. On won nɛra baa serewa kwaraa chuma, dɛ won dɛɛ bol waa aa wola chiɡe bwa kɛŋɔ aa chiɡa ka la.

1 Kɔrent 2:7

Korowii wejema waa yaa baɡle. A fa sɔɔh, nɛwɛnyini fa aa wola a waa jemɛ. A ɛ waa Korowii aa ɛa cheɡ yaa mɔɔ dɛ ta harɛ nɔ, ásɛ a ba cha yaa ya dɔ jirima.

1 Timoti 4:5

dɛkalkɛ ɡɛ haa jam Korowii la ne Korowii ɡbaɡba wobol la won ɡela a do wer Korowii be ásɛ nɛn di.

Hibru 1:2

Fini tɔpera nɔ aa ka mun nɔ te, o Bie nɛɛ o che dɛɛ bol waa ya be. Korowii Bie nɔɔ o kpɔ cheɡ kɛŋɔ o toole naa, onee lole dɛ dɔ komɛlbwa. O nɛɛ Korowii che dɛ ta komɛlbwa.

Hibru 6:5

Ba no Korowii waa la dɛ jemɛ wera aa wera, dɛ dɔ kpeɡri baa dɛ ba dɔe tɔpere waa lɔ sie dɛɛ ba bala la ta ane.

2 Pita 3:5

Ba saahnɔ laa ba liire kpɔ ɡɛ Korowii fa aa kpɔ nyoa bol waa a saŋ la asɛ nyundua ne harɛ pa mun la ta. Nee nee Korowii ta harɛ, nee taa harɛ le.

Wepila 4:11

“N Naa Korowii haa dɔ komɛlbwa la, he chɛ kɛŋɔ nɛra bwa tɛɛ jirima dɛ́ duuri, dɛ́ sɛh kɛŋɔ hen dɔ kpeɡri bwa, dɛkalkɛŋɔ henee ta komɛlbwa, he tetoora taa a che a do le.”