Hibru 1:7 - mzwDBL

⁷ O bol nyundua toroma la ɡe waa ŋɔ, “O ɡelɔ o nyundua toroma do kɛŋɔ peu ne ninlao.”

Hibru 1:7 Iomraidhean Croise

Mumpar 3:24

Waa doŋi baa la le bela habɔɔ la, o kpɔ Kerobim ne tokobii bɛl waa dɛ nyɛɡle kɛ ninlao dɛɛ beɡre bobɛlbwa, dɛ ka cheɡ Eden bodɛɛɡe wee leebɔr pera, ásɛ nomɛlbwa bɛ won di daa la nɔna.

1 Koranar 22:19

Korowii keame Mikaya berɛ teŋɛ dɛ ŋɔ, “No waa Korowii aa bola. N nao kɛŋɔ Korowii aa soɡe o kookara ta nyundua, o dɔm baa ja o nɛ dɛɛ tomɔ che baro.

2 Koranar 2:11

Ba taa bol waa dɛ valɛ dɛɛ kaa la, buɡ la ta, dɛ torɔɡo ne jaɡre baa che Elaesa ne Elaeja baah ta a bwa ɛɛ lawɛ nii, asɛ buɡ la ta, kawulewule den ba kpɔ a ne Elaeja kaa nyundua.

2 Koranar 6:17

Belaa Elaesa soŋe Korowii ŋɔ, “N Naa Korowii, pili o sie ó won dɛɛ na.” Asɛ Korowii ɡel bonɔɔ la sie pili, o na kɛŋɔ jaɡre ne kwaa aa do kɛ torɔɡore, ne niirare su deŋɡarere la ta dɛ bar Elaesa.

Yela 104:4

He ɡelɔ he nyundua toroma do kɛŋɔ peu ne ninlao.

Aesaya 6:2

N berɔ na hweera kwaa ane aa dɛ lawɛ nii dɛ baro cheme baa yera Serafim. A bɛlbwa dɔ kena anumɛl. A kpɔ a kena la bini anɛ dɛɛ tɔ a siebɔr, dɛ kpɔ anɛ dɛɛ tɔ a nakpale ta, asɛ dɛ kpɔ anɛ aa kaa la ɡe dɛɛ ir.

Daneɛl 7:10

Asɛ nii do kɛŋɔ moo dɛɛ palɛ o sie. Nɛra kaɡboŋa bele kaɡboŋa ɛɛ tomɔ, nɛra kaɡboŋa fi bele kaɡboŋa fi ɡe che o sie. Saŋ telo kɛŋɔ nɛra so dɛ bol ba waa dɛ́ pa bole, asɛ ba pili tɔne.

Sekaria 6:5

O chaŋ mɛ ŋɔ, “A ɛ peu bele anaarɛ aa le nyundua Korowii waa ɛ harɛ nɔ bwa Dɔɔ be.

Hibru 1:14

Korowii bonɔɔna laa o nyundua toroma la te naa? Nɛra Korowii aa ba lɛ la waa o yon dɛɛ tomɛ o nyundua toroma la ásɛ baa cha o nɛra o won lɛɛ ba.