Hibru 1:12 - mzwDBL

¹² Hɛɛ kpɔa bil kɛŋɔ yal hɛoh waa, ba yon kpɛrɛwo bil la. Aa beɡroo, aa wola won do wer kɛ konfala saŋ bɛlbwa wee kpa. Kɛ he te ɛɛ do ɡɛ haa doa saŋ bɛlbwa, ásɛ he bene ɡe aa jaɡaa dɔ bwa.”

Hibru 1:12 Iomraidhean Croise

Job Tɔn 36:26

Na ɡɛ Korowii aa kana! O kan waa doa ɡwaa nɛn liire ta, nomɛlbwa aa saŋ waa lea do le, ba le fini jemɛ.

Yela 90:4

Bene kaɡboŋ do kɛ tɔpebeŋkpoŋ he be, a do kɛŋɔ dɛ tɔpere aa baa kaa ken, kɛɛ jwaana saŋ bɛl aa teŋa ba kaa ken.

Kaala 3:14

Anee Korowii ŋɔ o be ŋɔ, “Menee Men. Kenii chɛ kɛ he ŋɔ ba be kɛŋɔ naate baa dɛ yerɔ, ‘Menee Men laanee tom mɛ he be.’ ”

Aesaya 38:12

Ba lɛ me mkpa le harɛ nɔ ta, kɛŋɔ baa boŋi tɛnte dea baa baŋro. Gɛ yasɔɔh yon sɔh yal tonɛ dɛ́ laa teŋe la, ɡɛɛ n ɡe ɛɛ ba teŋa sewɛ. N liiro ŋɔ Korowii fe lɛ me mkpa tonɛ.

Amanesoma Jɔn Aa Chwera Tɔn 8:58

Anee o ŋɔ, “Kasinteŋ, n dɛ ŋɔ he be, baa wola Abraham lolɛ mɔɔ la dɛ n lole.”

Hibru 13:8

Yeesu Kristo aa beɡre. Gɛ waa doa a saŋ la, ɡɛɛ o ta do fini, ɡɛɛ wɛɛ ba doe saŋ bɛlbwa.

Jems 1:17

Komɛlbwa waa wera la le Korowii be. Komɛlbwa waa ɛ kondɛɛɡe la, Korowiirii kpɔa kɛ yaa. Onee ya Mɛɛ waa ta kwaa bwa aa lɔ nyundua dɛɛ chaah harɛ. Gɛ kwaa nɔ dɛ chaah, ane ta ɡe aa chaah, kɛ Korowii te aa beɡre bwa.