Haɡae 2:7 - mzwDBL

⁷ Mɛɛ chɔɡ nɛŋhɔɔhra baa wola Korowii tomɛ kpeɡri bwaa, ásɛ ba kpɔ kwaa a yoɡ aa kpeɡa kohona ba o bini, ásɛ n ɡel kondɔɔh ba su n Dea la bwa. Men Koranar Bwa Kooroo bola.

Haɡae 2:7 Iomraidhean Croise

Mumpar 22:18

ásɛ a che ba nɛɛ ń tɛ nɛwɛnyina bwa hɛɛra. Mɛɛ ɛ ɡɛɛ dɛkalkɛ, he ɛ waa maa dɛ nyin.”

Mumpar 3:15

Mɛɛ kpɔ danchɔɡee ta he ne haah la baah ta, ásɛ he naanar ne o naanar hah dɔŋa dɛɛ la. Saŋ bɛlbwa waa nae la, wɛɛ paɡre he nyuu, ásɛ he ɡe choɡe o nalume.”

Mumpar 49:10

Koodaŋɡbala aa o nɔn ta lee ba, mmarare doe ɡe aa o habɔɔ le, ásɛ harɛre nɛra kpɔ koŋkɛɛla baa tɛo, dɛ́ ba ɡuŋi o sie dɛɛ duuru.

1 Koranar 8:10

Sɔfore la aa dɛ le Korowii Dea bela la, bam den ba tɔ Korowii Dea la bwa ta.

1 Koranar 8:11

Bam la nomanta, sɔfore la ta wone ɛ ba toma Korowii Dea bela, dɛ Korowii jirima su o bini bwa.

2 Webena 5:14

Sɔfore la ta wone ɛ ba toma, bam waa baa tɔ Korowii Dea la bini la wa, asɛ Korowii jirima do Dea la bini bwa.

Yela 80:1

Israel Peteɡre, no ya wii. Henee tɔ Josef naanar sie kɛŋɔ peteɡre, dɛ so he kookara ta, Kerobim la baah ta.

Yela 85:9

Kasinteŋ, nomɛlbwa waa dɛ tomɔ la, wɛɛ lɛo, ásɛ o jirima do ya harɛ nɔ ta.

Aesaya 2:19

Nɛra ɛɛ ɔmɔɔ kohona, dɛ́ chwa ka jo bwebɔɔne, dɛ́ kwi bɔɔne dɛ́ jo a bini, dɛ́ le Korowii bandia ne o kpeɡri, ne o jirima kohona la nyoa, ɡɛ saŋ waa ba jiɡri harɛ la.

Aesaya 60:4

Korowii ŋɔ, “Ha sie dɛ́ nyiŋi bar, he nɛra bwa chemo dɛɛ ba he be. He bibaala le bojaŋa harɛre ta dɛɛ ba, ba kpɔ he bihaahna chwaa dɛɛ ba.

Aesaya 60:7

Baa kpɔ Keda peera bwaa ba tɛ heya, Nɛbayɔt pebala ɡe ɛɛ he kwaa, ásɛ he kpoora saraha kon ta tɛ men Korowii, dɛ́ kpɔ jirima ba n Dea.

Ɛsekeɛl 21:27

Mɛɛ chɔɡ bwɛjen laanee, dɛ́ chɔɡo chɔɡa ɡbaɡba! Kɛ wɛɛ do lee ka tel kɛŋɔ nɛn maa leo ŋɔ ó ba tɛr o bini nɛra deŋne aa ba, mɔɔ ń kpɔɔ do o nɔn ta.’ ”

Ɛsekeɛl 31:16

Maa teŋo ta o sewɛ kaa lalabwɛɛ la, n ɡelɔ ɔmee chole harɛre nɛra nɛ, o sii waa sia la wa. Daa aa lɔ Eden bodɛɛɡe, ne dadɛɛɡa aa wera, dɛ do bela nee aa lole kohona Lɛbanɔn harɛ ta, dɛ sewɛ kaa la, o seo la tɛa bolarawa.

Ɛsekeɛl 38:19

N siwi aa beɡre n baah di kohona awola tɔpere la, mɛɛ ɡeloo harɛ jiɡri kohona Israel harɛ ta.

Ɛsekeɛl 44:4

Baa la kpɔ mɛ kpɔ weekaŋle nyunduabɔr doonyoa ta, dɛ ba n ne Korowii Dea la sie. Asɛ n na kɛŋɔ Korowii jirima baa su o Dea la bini bwa, asɛ n ba harɛ dɛ kpɔ sie pi harɛ.

Haɡae 1:8

Hé teeh bwejena, dɛ́ la ka teŋni dadɛɛɡa ba kwaa do n Dea, ásɛ a do n som baa tom mɛ o bini ń dɔ jirima.

Malakae 3:1

Koranar Bwa Kooro bolɔ ŋɔ, “Hé no, mɛɛ tomɛ n toromee ó tɔ n sie dɛ́ kwaa ŋwɛnɛ tɛ mɛ ń ba. Ásɛ Dɔɔ haa dɛ nyiŋu ŋwɛnɛ la ba piɡri heyaa o Dea, onee hɛɛ nyiŋi ŋwɛnɛ ó ba dɛ́ ba baɡle fɔo la wa.”

Amanesoma Luk Aa Chwera Tɔn 19:47

Dɛ o dɛ la Korowii Dea tɔpere bɛlbwa dɛ kaa baɡle wa. Dɛ Sɔfonomonome ne Tɔnjerema ne nɛra la bini nomonome la dɛ nyinu dɛ́ kpo,

Amanesoma Luk Aa Chwera Tɔn 2:27

Awola tɔpere la, Korowii Domadɛɛɡe la kpɔ Simeon kaa Korowii Dea, asɛ Josef ne Mɛɛre ɡe kpɔ Yeesu la bela, ásɛ ba ɛo ba we-ɛɛla ɡɛ Mmara la aa baɡla la.

Amanesoma Luk Aa Chwera Tɔn 2:46

A tɔpetooro wee la, ba kaa nao Korowii Dea, dɛ o ne Juu tena baa dɛ baɡle Korowii waa soɡo, wɛɛ no ba wa, dɛɛ bɔɔ ba wa.

Amanesoma Luk Aa Chwera Tɔn 20:1

Awola bɛl, dɛ Yeesu lɔ Korowii Dea dɛɛ baɡle nɛra wa, dɛɛ bol Amanesoma la, asɛ Sɔfonomonome ne Tɔnjerema ne bela nomonome la ba o be,

Amanesoma Luk Aa Chwera Tɔn 21:38

Asɛ tɔɔ perɔ chɔmbibi aa, o yon fel ba Korowii Dea bela, asɛ nɛra yon la o be dɛ ka no o waa la.

Amanesoma Jɔn Aa Chwera Tɔn 1:14

Korowii Nyoa Wobol la baa berɛ nɛwɛnyini, dɛ ba so ya be. Ya na o jirima waa dɔa, dɛ jemɛ kɛŋɔ Korowii Bibeŋkpoŋ laanee on. Dɛ o wobɛlbwa wer, asɛ o dɔ kasinteŋ ɡe kohona.

Galaasia 3:8

Korowii Tɔn baɡlɔ kɛŋɔ yarada taa aa ba cheɡa ásɛ Korowii lɛ nɛra baa wola Juu tena ɛɛ la kɛ nɛndɛɛɡa ba waa su o siwi. Korowii fa bol Amanesoma la waa Abraham be dɛ ŋɔ, “He nɛɛ aa ba cheɡa Korowii swee nɛwɛnyina bwa andɛɛɡa.”

Kolosi 2:9

Yeesu Kristo ɛ Korowii ɡbaɡba. O ba harɛ nɔ ta dɛ ba berɛ nɛwɛnyini.