Haɡae 2:5 - mzwDBL

⁵ Haa le Ijipt harɛ ta la, n baɡɛ heyaa nyoa ŋɔ mɛɛ ja he nɛɛ saŋ bɛlbwaa. N ta ja he nɛ, he bɛ ɔmɛ.”

Haɡae 2:5 Iomraidhean Croise

2 Webena 20:17

He laa dɛɛ ba laa nɔ yoi. Hé te ka che he chebɔra dɛɛ kpa. Hé che kiŋkiŋ, ásɛ dɛ na ɡɛ Korowii aa yo tɛ heya, dɛ́ ɡel he pɔ ba nɛ. Juda ne Jerusalam tena, he bɛ ɔmɛ, he bɛ ɡel he bwara yɔr, hé te le ka puu ba kere, dɛ́ na ɡɛ Korowii aa ja he nɛ.’ ”

Nehemia 9:20

He kpɔ he Doma waa wera tɛɛ ba wɛɛ baɡ ba wa, dɛ tɛɛ ba maana ba di, dɛ tɛɛ ba nee ɡe ba nyɔ.

Nehemia 9:30

He dɔ bambile tɛɛ ba bena bɛlbwa, dɛ che he Doma ta ɡel he keamere bol waa baɡ ba, kɛ ba ta noɛ, asɛ he kpɔ ba do harɛre nɛra nɔn ta, ba yoo ba dɛ pɔ ba nɛ.

Kaala 19:4

“Hé ɡbabir na ɡɛ maa ɛa Ijipt harɛ ta, ne ɡɛ maa kpɔ heyaa kɛŋɔ kee yon kpɔ o bii o kena ta dɛ ba he ne n be.

Kaala 19:6

mɛɛ kpɔ heyaa ɛ n sɔfore maa le heyaa cheɡ hɛɛ ɛ n toma. Gɛɛ chɛ kɛ hé bol baɡle Israel tena.”

Kaala 24:3

Mosis aa la nɛra la be dɛ ka bol Korowii waa ne o Mmarare bwa ba be la, ba bwa kpɔ taa beŋkpoŋ sɛh ŋɔ, “Wobɛlbwa Korowii aa bol la, yaa ɛɔ.”

Kaala 24:8

Belaa o berɛ kpɔ chal la merɛ nɛra la nɛ dɛ ŋɔ, “Chal nɔɔ ɡela fɔo he ne Korowii aa fɔwa dɛ ŋɔ hɛɛ dɛɛ teŋɛ o Mmarare ta la won che tɛ heya.”

Kaala 34:10

Belaa Korowii ŋɔ, “N ne hɛɛ fɔwɛ fɔwee. Mɛɛ ɛ nyokpowaa a dɔŋa aa wola harɛ nɔ ta bobɛlbwa chiɡe ka he bwa siwi ta. Nɛra he ne baa soɡa la ɛɛ nao ɡɛ men Korowii, we-ɛɛla maa lɔ he bini dɛɛ ɛ la aa ɔma kohona.

Kaala 34:8

Belaa Mosis ɛ warane dɛ kpɔ o sie pi harɛ dɛ duu Korowii.

Aesaya 41:10

Anomanta, he bɛ ɔmɛ, n ja he nɛ. He bɛ ɡel he bambile chɔɡ, menee Korowii haa dɛ tom mɛ. Mɛɛ tɛ heyaa bokpeɡaa, dɛ́ cha heya. Mɛɛ kpɔ nɔnee tɔ he nɛ, dɛ́ lɛ heya.

Aesaya 41:13

Menee Korowii haa dɛ tom mɛ, mɛɛ tɛ heyaa bokpeɡa. N dɛ ŋɔ he be ŋɔ, ‘He bɛ ɔmɛ, mɛɛ cha heyaa.’ ”

Sekaria 4:6

Korowii nyundua torome la ŋɔ n be ŋɔ ń bol Korowii waa Sɛrobabɛl be ŋɔ, “He wobɛlbwa ɛɛ do werii, he kpeɡri ne laa yoi ne laa, kɛ n Doma kpeɡri taa. Men Koranar Bwa Kooroo bola.

Sekaria 8:13

Gɛ baa taah he Juda ne Israel tena harɛre ta la, ɡɛɛ mɛɛ ba heyaa lɛɛ, ásɛ nɛra che he nɛɛ dɛ́ dɔ wedɛɛɡa. He bɛ ɔmɛ, hé dɔ ɡbemba.”

Sekaria 8:15

ɡɛɛ taraken n lii kɛŋɔ ń swee Jerusalam ne Juda tena bwa andɛɛɡa. He bɛ ɔmɛ.

Matiu 28:5

Anee nyundua torome la ŋɔ haahna la be ŋɔ, “He bɛ ɔmɛ. N jemɔ kɛ Yeesu baa kpaaro pɛl daɡaɡre ta o sewɛ la bɔree hɛɛ nyin.

We-ɛɛla 27:24

dɛ ba ŋɔ n be ŋɔ, ‘Pɔɔl, bɛ ɔmɛ! Hɛɛ la Koojen Siisa bee. Nɛra la bwa he ne baa dɛ valɛ nɔ, Korowii noɔ tɛɛ. Wɛɛ lɛɛ baa.’ ”

Josua 1:9

Bɛ soh kɛŋɔ maa ŋɔ he be ŋɔ he che kiŋkiŋ dɛ́ dɔ bambile la! Bɛ ɔmɛ, bɛ ɡel he bwara ɡe yɔr. Men, Korowii haa dɛ tom mɛ la, n teŋɛ he nɛɛ bobɛlbwa haa kaa.”

Josua 8:1

Korowii berɔ ŋɔ Josua be ŋɔ, “Dɛɛ berɛ ɔma, bɛ ɡel he bwara yɔr. Kpɔ he laa tena bwa dɛ́ ka pu Ai tena yo. N kpɔ ba kooro ne o nɛra ne bwɛjen la dɛ harɛ la bwa do he nɔn ta.

Wepila 1:17

Maa nao la, n cholo chɔ o sie kɛŋɔ serewe ken. O kpɔ o nɔndiɡ dawɛ n nɛ, dɛ ŋɔ, “Bɛ ɔmɛ. Menee komɛlbwa Sitɔɔ ne a Muŋkaa bwa.

1 Samoɛl 12:20

Samoɛl ŋɔ, “A lole kɛŋɔ he ɛ wechɔɡa nɔ bwa te, kɛ hɛɛ berɛ ɔma, he bɛ habɔɔ berɛ kpo Korowii, hɛ́ɛ tomɔ bambile bwa ne.