Haɡae 1:4 - mzwDBL

⁴ O ŋɔ, “N nɛra, ɛrɛɛ he te so dedɛɛɡa bini asɛ n Dea ɛ dimɡbee nɔɔ?”

Haɡae 1:4 Iomraidhean Croise

2 Samoɛl 7:2

Belaa o ŋɔ Korowii keame bɛl baa dɛ yerɔ Netan be ŋɔ, “N soɡe koodem baa kpɔ peleme daa kwaaro bini, asɛ Korowii Ne Nɛwɛnyina Fɔo Daka la te ta che tɛnte dea bini.”

2 Koranar 5:26

Elaesa ŋɔ, “Haa jemɛ kɛŋɔ ɡɛ saŋ Naaman aa le o torɔɡo bini, dɛ ba cheme he ne wɛɛ bol waa la, dɛ n lɔ bela n doma ja he nɛɛ kɛɛ? Saŋ ta tele kɛ he lɛ suuɡa kɛɛ yale ne ɔleve ne daa kooni, ne kooni ne peera, dɛ nae kɛɛ bonɔɔna ne toli.

Yela 102:14

Yan yaa ɛ he toroma sie dɛ lɛ bwɛjen Saayɔn wa, a lole kɛŋɔ o bwa paɡrɔ kwaraa.

Yela 74:7

Ba fuh he Dea la, dɛ kpɔ doŋa kah bela baa dɛ tomɛ la.

Wejereme 3:3

kpoe dɔ o tɔpere, chaeh ɡe tɔpere do le, danjwɛɛ taɡa dɛ́ ɡo saŋ lole, o kwaara dɛ́ ma ɡe saŋ do le.

Jeremia 22:14

O ŋɔ, ‘Mɛɛ ma n koodemii ó do kan, o nyundua deene bini do paɡri.’ Anomanta, o do tokorojena o ta, dɛ kpɔ peleme daa kwaa o bini, dɛ kpɔ konswɛɛma maala.

Jeremia 26:18

“Gɛ saŋ Juda Kooro Hɛsɛkea aa di kora la, Korowii keame Maeka waa le Mɔresɛt bol Koranar Bwa Kooro waa baɡle Juda tena bwa ŋɔ, ‘Saayɔn ɛɛ doo kɛŋɔ koo baa parɔ dɛ du kwaa o ta ken, Jerusalam bwa ɛɛ kuuɡuu dɛ́ chɔ pɛɛ, ásɛ Korowii Bwejen Dea aa chɔŋɛ o ta la berɛ kɔr.’

Jeremia 26:6

Dɛ he ta teŋɔ dɛɛ ɛ deŋnekpeɡ aa, ate waa maa ɛ Silo laanee mɛɛ ba n Dea bonɔ ɛɛ, ásɛ harɛre nɛra bwa kpɔ bwɛjen Jerusalam sɔn ɛ kon baa taahno.”

Jeremia 33:10

Korowii ŋɔ, “Nɛra dɛ bol ŋɔ bonɔ do kɛŋɔ pua hɛŋle ɡbo harɛ, nɛra kɛɛ kondɛɛra toole o ta. Kpelaa ba ŋɔ. Juda harɛ bwɛɛre ne Jerusalam fɔɡbaahna bwa chɔ pɛɛ, nɛra kɛɛ kondɛɛra toole bela. Kɛ hɛɛ berɔɔ baa no,

Jeremia 33:12

Koranar Bwa Kooro ŋɔ, “Harɛ nɔ waa do kɛŋɔ pua hɛŋle ɡbo harɛ nɛra kɛɛ kondɛɛra aa wola toole o ta nɔ, saŋ bɛl ɛɛ bao ásɛ peteɡra dɔ dibɔra tɛ ba peera a kaa di.

Jeremia 52:13

O kaa fuh Korowii Dea ne koodem, dɛ Jerusalam deremi bwa. O fuh nomonjena dedɛɛɡe te bɛlbwa.

Wiile 2:7

Korowii vɛh kon baa ɛ saraha dɛɛ tɛo ta, dɛ ɡel o Dea waa do ɡoroŋ la. O ɡelɔ dɔma ba kuuɡi kooderemi danjwɛɛre. Dɔma la do silɛɛ lɔŋɔre bela ba fa aa dɛ tomɛ, kɛŋɔ tɔpejen baa lea cheɡ tɔpere bɛl ta ken.

Wiile 4:1

Na ɡɛ ya suuɡaswɛm sie aa chɔɡa, suuɡaswɛm tenten o fa aa dɛ nyɛɡle kohona la, o ta berɛ do ɡɛ kpa. Korowii Dea bwedɛɛɡa a yoɡ aa kpeɡa, peɡrɔ dɛ chɔ fɔɡbaahna.

Ɛsekeɛl 24:21

o dɛ ba o Dea haa dɛ ɛ mbarafo dɛɛ maŋkura he te o waa la chɔɡa. O wer he sie ta hɛɛ nyinu. Wɛɛ ɡeloo ba kpoo he bibaala ne bihaahna haa ɡel ba habɔɔ Jerusalam la laa ta.

Lewi Dea Tena 19:25

Dɛ he dɔ ŋwɛnɛ name, dɛ́ di daa la nɔna bennue te la ta. Gɛɛ aa ba ɛɛ he daa won nɔnɛ kohona tɛ heya. Menee Korowii haa dɛ tom mɛ la.

Maeka 3:12

He nomanta, Saayɔn ɛɛ doo kɛŋɔ koo baa parɔ dɛ du kwaa o ta ken, Jerusalam bwa ɛɛ kuuɡuu dɛ́ chɔ pɛɛ, ásɛ Korowii Bwejen Dea aa chɔŋɛ o ta la berɛ kɔr.

Haɡae 1:3

Korowii cheɡɛ o keame Haɡae nɛɛ dɛ bol waa ɡɛ nɛra la be.

Haɡae 1:5

Kenii Koranar Bwa Kooro ŋɔ, “Hé nyiŋi he waa bini kɛrɛdɛ.

Haɡae 1:9

He soɡo dɛɛ hwɛɡɛ kɛŋɔ hɛɛ dɔ koo kwaa taeh, kɛ a berɔ ba do tamaa ken. Anɔ la haa ba a ne dem la, ń chɔɡa. Bɔkwa waa a ba ɡɛ nɔ? Gela haa ɡel n Dea o chɔ kɛŋɔ dimɡbee he sie beɡre he kwaa ta la waa.

Matiu 6:33

Anomanta, hé ɡel he sie beɡre Korowii Kora la ne wedɛɛɡa aa dɛ su o siwi la ta, dɛ bɛ an mun dɛɛ ta, ásɛ o kpɔ anɔ haa dɛ nyin nɔ bwa tɛ heya.

Felepae 2:21

Dɛ o laa aa, bɛlbwa sese dɛ dawɛ o ɡbaɡba wa, waa Yeesu Kristo waa dawɛ.