Haɡae 1:2 - mzwDBL

² Koranar Bwa Kooro ŋɔ Haɡae be ŋɔ, “Nɛra nɔ ŋɔ saŋ ta tele kɛŋɔ ba berɛ kwaa ma n Dea la.”

Haɡae 1:2 Iomraidhean Croise

2 Koranar 12:7

Anomanta, o yerɛ sɔfo Jehoiada ne sɔfore baa jaa la dɛ bɔɔ ba ŋɔ, “Ɛrɛɛ haa wola Korowii Dea la kwaa nɔɔ? Le fini dɛɛ kaa, he bɛ suuɡare dɛɛ lɛ nɛra baa dɛ cheɡ suuɡa la be kpa, he ba a ne bá kpɔ kwaa Korowii Dea la.”

Ɛsra 4:23

Baa kure Kooro Atasɛksɛs tɔn la waa baɡle Rehum ne Simsai dɛ nɛra baa ja o nɛɛ la, ba ɛ warane la Jerusalam dɛ ka ŋɔ Juu tena la be ŋɔ bá ɡel Dea la toma ɛɛ.

Nehemia 4:10

A bwa habɔɔ, dɛ Juda tena dɛ ɡo yel bɛl wáa do ba ɡbemba toma la ta ŋɔ, “Tom-ɛɛra la dɛ ɡwɛɡre, berekese aa kuuɡa warɔ, yaa wola won kpɔ dɛ́ berɛ kwaa ma danjwɛɛ la.”

Sɛɡla 22:13

Bɔhwaahree yon ŋɔ, “Nyujente lɔ dahare!” Kɛɛ, “O ken ɛɛ kpo mɛ fɔɡbaahnaa!” dɛɛ so dem.

Sɛɡla 29:25

Nɛwɛnyini ɔma do kɛŋɔ bel ken, nomɛlbwa waa dɛ yarada Korowii la, dɛ́ dɔ o nyu.

Wejereme 11:4

Paa bɛlbwa waa so nyiŋi dɛ́ na ɡɛ peu aa dɛ ta la, jemɛ saŋ aa wola chɛ kɛ ó du kwa. Nomɛlbwa waa dɛ nyiŋi baama ɡe, aa won dɔ komɛlbwa komɛ.

Wejereme 3:3

kpoe dɔ o tɔpere, chaeh ɡe tɔpere do le, danjwɛɛ taɡa dɛ́ ɡo saŋ lole, o kwaara dɛ́ ma ɡe saŋ do le.

Wejereme 9:10

Do sie dɛɛ ɛ toma bokpeɡa bwa ne, dɛkalkɛ lalabwɛɛ haa dɛ ba kaala la, toma ɛɛ kɛɛ waane vɔrɔwa, kɛɛ waa mun noe, dɛ wejema toole bela.

Haɡae 1:1

Pɛɛsea Koojen Dareɔs kora dii bennɛɛte korobinumɛl tɔpeloɡle habɔɔ la, Korowii cheɡɛ o keame Haɡae nɛ, dɛ bol waa Sealteɛl bibaa Sɛrobabɛl waa dɛ nyiŋi Juda harɛ ta, ne Jehosadak bibaa Sɔfonomoa Josua be.

Haɡae 1:3

Korowii cheɡɛ o keame Haɡae nɛɛ dɛ bol waa ɡɛ nɛra la be.

Nɛra Kura 13:31

Anee nɛra o ne baa laŋa la ŋɔ, “Yaa won puu ba yo, ba kpeɡri ɡwaa yaa.”