Haɡae 1:12 - mzwDBL

¹² Ate, Sɛrobabɛl ne Sɔfonomoa Josua dɛ nɛra baa laɡ ba laa ta kaa Babelɔn harɛ ta ba berɛ ba la bwa, ɛ waa Korowii aa ŋɔa ba ɛ la. Ba ɔmɔ dɛ no waa Korowii baa dɛ tomɔ aa kpɔa tomɛ o keame Haɡae la.

Haɡae 1:12 Iomraidhean Croise

Mumpar 22:12

Asɛ o ŋɔ, “Dɛɛ berɛ bie la wobɛlbwa ɛɛ. Namee n ta jemɛ kɛŋɔ he dɛ ɔmɛ Korowii, dɛkalkɛ he ta men he bibeŋkpoŋ nɔ kwaraa vɔmɛ.”

Ɛsra 10:18

Sɔfore naanar bini, nɛra baa mo harɛfala ta haahna laanee teŋa nɔ. Josadak bibaa Jesua naanar ne o nimanar bini, Maaseya ne Eliesa ne Jarib dɛ Gedalia.

Ɛsra 5:2

Ate, Sealteɛl bibaa Sɛrobabɛl ne Josadak bibaa Jesua aa no ba waa la, ba berɛ pa mun dɛɛ do Korowii Dea la Jerusalam ja, asɛ Korowii keamere banɛ la cha ba.

Yela 112:1

Hé kpɛɛ Korowii! Nomɛlbwa waa dɛ tomɛ Korowii, o sie ɛɛ lɛ o Mmarare ta kohona la, o na som.

Sɛɡla 1:7

Wejema mumparee Korowii ɔma. Gɛna ɡboo dɛɛ vɛh wejema, ne waa baa dɛ do ba a ta.

Wejereme 12:13

No waa la bwa name, a jaɡa bwaa kɛŋɔ, ɔmɛ Korowii dɛɛ teŋɛ o Mmarare ta, waa aa chɛ kɛ nɛwɛnyina bwa ɛ laanee.

Aesaya 1:19

Dɛ he ɛ deŋnepwɛr dɛ no n be te naa, hɛɛ dɔ harɛ la ta kondɛɛɡaa di.

Aesaya 50:10

He banɔ la bwa haa dɛ ɔmɛ Korowii, dɛɛ no o bonɔɔ waa la, a balɔ kɛ he dɛ valɛ biro ta kwaraa naa, hé yarada Korowii, dɛ́ kpɔ he te dawɛ o nɛ.

Haɡae 1:1

Pɛɛsea Koojen Dareɔs kora dii bennɛɛte korobinumɛl tɔpeloɡle habɔɔ la, Korowii cheɡɛ o keame Haɡae nɛ, dɛ bol waa Sealteɛl bibaa Sɛrobabɛl waa dɛ nyiŋi Juda harɛ ta, ne Jehosadak bibaa Sɔfonomoa Josua be.

Haɡae 1:14

Ate, Korowii ɡel Juda harɛ nomoa Sɛrobabɛl, ne Sɔfonomoa Josua dɛ nɛra baa kaa la bwa bwara ir, ba pa mun ɛ Koranar Bwa Kooro baa dɛ tomɔ Dea la toma mun.

Haɡae 2:2

ó bɔɔ Juda harɛ nomoa Sɛrobabɛl, ne Sɔfonomoa Josua dɛ harɛ la ta nɛra baa kaa la ŋɔ,

We-ɛɛla 9:31

A habɔɔ la, asɔre tena baa lɔ Juda ne Galilia ne Samaria harɛre la bwara sɔɔh ba, asɛ Korowii Domadɛɛɡe la cha ba, nɛra baa ja ba nɛ, baa dɛ ɔmɛ Korowii dɛɛ teŋɛ o ŋwɛnɛ ta nomanta.

Mmarare 31:12

Gel harɛ la ta baala, ne haahna, ne bechale dɛ hɔɔhra baa lɔ he bwɛɛre la ta bwa cheme dɛ́ no, dɛ́ hweli Korowii duura, dɛɛ teŋɛ o webaɡla ta kɛrɛdɛ.

Mmarare 31:13

A ɡɛ ŋwɛnɛ nɔ taa he naanar baa wola Korowii haa dɛ tomɔ nɔ waa noɛ bwa la che dɛ́ no. Ásɛ dɛ jemɛ waa la ta teŋa harɛ baa dɛ ba Jɔɔdan Moo ɡala dɛ́ ka so o ta la ta.”

Kolosi 1:6

Amanesoma la perɔ, nɛra ɛɛ noa harɛ nɔ ta bobɛlbwa, aa ba hɛɛra ne. Gɛ tentenee aa ba hɛɛra ne he be dɛ le awola haa noa Korowii pili he sie he jemɛ suna waa sune he nɛɛ dɛ cha heyaa la.

Hibru 12:28

Anomanta, a chɛ kɛ yaa jam Korowii saŋ bɛlbwa kɛŋɔ waa ɡela ya do o Kora waa wola yiiɡi ta nɔ. A chɛ kɛ yaa tomɔ ɡɛ aa too o tea, dɛɛ tɛo duure dɛɛ ɔmɔ,