Haɡae 1:1 - mzwDBL

¹ Pɛɛsea Koojen Dareɔs kora dii bennɛɛte korobinumɛl tɔpeloɡle habɔɔ la, Korowii cheɡɛ o keame Haɡae nɛ, dɛ bol waa Sealteɛl bibaa Sɛrobabɛl waa dɛ nyiŋi Juda harɛ ta, ne Jehosadak bibaa Sɔfonomoa Josua be.

Haɡae 1:1 Iomraidhean Croise

1 Koranar 10:15

Anɔ la waa dɔa dɛɛ le bonadiire ne kon-yoɡra ne Arab harɛ koranar dɛ nomonome baa chɔ harɛre nyoo be te ta jae.

1 Koranar 14:18

Israel tena bwa ɛ o lwe dɛ huɡo ɡɛ Korowii aa cheɡɛ o bonɔɔ keame Ahija nɛɛ bol la.

2 Koranar 14:25

Kooro Jɛroboam waa teŋa nɛɛ yoo lɛ Israel harɛ o jwɛhre aa lɔ Hamat waa lɔ weekaŋle harɛbɔr, dɛ kaa Yar Mpo waa lɔ weekaŋle nyunduabɔr. Dɛ ɡɛɛ Korowii Israel tena aa dɛ tomɔ la che o keame Jona nɛɛ dɛ bol. Jona le bwɛɛ bɛl baa dɛ yerɔ Gat Hɛfa, o mɛɛ sɔne Amitai.

1 Webena 3:17

Kooro Jehoiachin baa lawɔ laa ta kaa Babelɔn harɛ ta naanar waa nɔ. Dɛ o dɔ bibaala banuanɛ, banee teŋa nɔ. Sealteɛl,

1 Webena 3:19

Pɛdaya ɡe iro, dɛ lolɛ bibaala banɛ. Banee, Sɛrobabɛl ne Simee. Sɛrobabɛl ɡe lolɛ bibaala banɛ. Banee, Mɛsolam ne Hanania. Ba nimambie sɔne Sɛlomet.

Ɛsra 1:8

Koojen Saeros kpɔɔ do nomoa bɛl baa dɛ yerɔ Mitredat waa dɛ nyiŋi koodem laala a yoɡ aa kpeɡa nɔn ta, o kura, dɛ kpɔ do Sɛsbasa waa dɛ nyiŋi Juda harɛ ta nɔn ta.

Ɛsra 10:18

Sɔfore naanar bini, nɛra baa mo harɛfala ta haahna laanee teŋa nɔ. Josadak bibaa Jesua naanar ne o nimanar bini, Maaseya ne Eliesa ne Jarib dɛ Gedalia.

Ɛsra 2:2

Sɛrobabɛl ne Jesua, ne Nehemia ne Seraya, ne Relaya ne Mɔdekae, ne Bilsan ne Mispar, ne Biɡvai ne Rehum, dɛ Baana. Baala baa le Israel harɛ taa teŋa nɔ.

Ɛsra 2:63

Asɛ Juda harɛ nomoa ŋɔ ba be ŋɔ, baa won di kondikwaa aa do ɡoroŋ bɛlbwa baa kpɔa ba tɛ Korowii la, atane sɔfo bɛl lɔ bela dɛ́ do batakaare baa sɔh Urim ne Tumim dawɛ o ta, dɛ́ che a ta bɔɔ waa Korowii aa dɛ nyin la mɔɔ.

Ɛsra 3:2

asɛ Josadak bibaa Jesua ne o bala sɔfore, ne Sealteɛl bibaa Sɛrobabɛl ne o bala baa ja o nɛ, pa mun dɛ berɛ kwaa ma saraha kon tɛ Korowii Israel tena aa dɛ tomɔ, dɛɛ fuh saraha kwaa o ta, ɡɛ baa chwera do Korowii bonɔɔ Mosis Mmara tɔn bini la.

Ɛsra 3:8

Anomanta, bennɛɛte korobinɛɛte ta nɛra la aa le bojaŋ harɛfale ta ba la, dɛ daa la tel bela baa dɛ ba Korowii Dea la doe Jerusalam, asɛ ba pa o mun. Ate, Sealteɛl bibaa Sɛrobabɛl ne Josadak bibaa Jesua, dɛ bwɛɛla la kar ne sɔfore ne Lewi dea tena la bwa kaa ja dɛɛ ɛ toma la. Ba le Lewi dea tena baa di bene fifraanɛ, kɛɛ dɛ ɡwaa la ba ɛ nomonome dɛɛ nyiŋi tom-ɛɛra baa dɛ ma Korowii Dea la nɛ.

Ɛsra 4:2

Anomanta, ba ba Sɛrobabɛl ne deene nomonnyuune la be ŋɔ, “Hé ɡel ya ba cha heya Korowii Dea nɔ toma ta, dɛkalkɛŋɔ Korowii beŋkpoŋ nɔɔ ya bwa ɛɛ tomɛ, dɛ ɛ saraha dɛɛ tɛo dɛ le saŋ Asiiria koojen Esaahadon aa ba ya ne bonɔ ba so bwa.”

Ɛsra 4:24

Anomanta, ba ɡelɔ Korowii Dea la toma ka che, ka tel kɛŋɔ Koojen Dareɔs aa baa di kora Pɛɛsea harɛ bene anɛ ta.

Ɛsra 5:1

A ɡɛ saŋ la, Korowii keamere Haɡae ne Sekaria waa ɛ Ido naa, pa mun dɛɛ bol Korowii waa Juu tena ne banɔ la baa lɔ Jerusalam be, Korowii Israel tena aa dɛ tomɔ sɔn ta.

Ɛsra 5:3

Gɛ saŋ la, Tatenai waa ɛ nomoa dɛɛ nyiŋi Yufretis Moo harɛ baŋ ne Sɛta Bosenai, dɛ nɛra baa ja ba nɛɛ la ba ba be, dɛ ka bɔɔ ba ŋɔ, “Umee tɛ heyaa kpeɡri ŋɔ he berɛ kwaa do Korowii Dea nɔ cheɡ o buɡ bene ta nɔ?”

Ɛsra 6:14

Korowii keamere Haɡae ne Sekaria ɡbemba baa do Juu tena nomonome la nomanta, Korowii Dea toma la kaa sie ɡɛ aa chɛa. Ba tonɛ Dea la toma ɡɛ Korowii Israel tena aa dɛ tomɔ, ne Pɛɛsea harɛ Koojena Saeros, ne Dareɔs dɛ Atasɛksɛs aa do ba la.

Nehemia 12:1

Sɔfore ne Lewi dea tena baa teŋɛ Sealteɛl bibaa Sɛrobabɛl ne Sɔfonomoa Jesua nɛɛ ba le bojaŋ harɛ baa laɡ ba kaa ta ba laanee nɔ. Seraya ne Jeremia dɛ Ɛsra,

Nehemia 12:10

Jesua lolɛ Joiakim, Joiakim lolɛ Eliasib asɛ Eliasab lolɛ Joiada,

Nehemia 5:14

Koojen Atasɛksɛs di kora bene fifraatoro dɛ anɛ. Waa di kora bene fifraanɛ ta la, o le men Nehemia mɛɛ nyiŋi Juda harɛ ta bene fi dɛ anɛ. Gɛ saŋ la bwa la, ba ta men kɛɛ n lolanar kondikwaa aa chɛ nomoa waa dɛ nyiŋi harɛ la ta tɛɛ n di.

Nehemia 7:7

Nomonome baa tɔ ba sie laanee, Sɛrobabɛl ne Jesua ne Nehemia, ne Asaria ne Raamia ne Nahamani, ne Mɔdekae ne Bilsan ne Misperet, ne Biɡvai ne Nehum dɛ Baana. Baala baa le Israel harɛ taa teŋa nɔ.

Nehemia 8:9

Ate, Nehemia waa ɛ harɛ la ta nomoa, ne sɔfo Ɛsra waa ɛ tɔnjereme, dɛ Lewi dea tena baa baɡle waa la bini tɛ nɛra la ŋɔ, “Fini tɔpere do ɡoroŋ tɛ Korowii haa dɛ tomɔ, he bɛ wi.” Dɛkalkɛ nɛra la aa dɛ no waa la, dɛ ba dɛ wi.

Kaala 4:13

Asɛ Mosis ŋɔ, “N Naa Korowii, n dɛ soŋe amɔ he fe tomɛ nɛnfale bɛl sɛ?”

Haɡae 1:12

Ate, Sɛrobabɛl ne Sɔfonomoa Josua dɛ nɛra baa laɡ ba laa ta kaa Babelɔn harɛ ta ba berɛ ba la bwa, ɛ waa Korowii aa ŋɔa ba ɛ la. Ba ɔmɔ dɛ no waa Korowii baa dɛ tomɔ aa kpɔa tomɛ o keame Haɡae la.

Haɡae 1:14

Ate, Korowii ɡel Juda harɛ nomoa Sɛrobabɛl, ne Sɔfonomoa Josua dɛ nɛra baa kaa la bwa bwara ir, ba pa mun ɛ Koranar Bwa Kooro baa dɛ tomɔ Dea la toma mun.

Haɡae 1:15

Kooro Dareɔs aa di kora bennɛɛte korobinumɛl tɔpera fifraanɛ dɛ anaarɛ taa ba pa Dea la mun.

Haɡae 1:2

Koranar Bwa Kooro ŋɔ Haɡae be ŋɔ, “Nɛra nɔ ŋɔ saŋ ta tele kɛŋɔ ba berɛ kwaa ma n Dea la.”

Haɡae 1:3

Korowii cheɡɛ o keame Haɡae nɛɛ dɛ bol waa ɡɛ nɛra la be.

Haɡae 2:10

Koojen Dareɔs aa di kora bennɛɛte ta korobie anuanaarɛ, o tɔpera fifraanɛ dɛ anaarɛ taa Korowii Waa Ɛ Koranar Bwa Kooro bol waa keame Haɡae be ja ŋɔ,

Haɡae 2:20

Korowii berɔ bol waa o keame Haɡae be korobie la tɔpera fifraanɛ dɛ anaarɛ ta nɛɛtena ja dɛ ŋɔ,

Haɡae 2:21

“Ŋɔ Juda harɛ ta nomoa Sɛrobabɛl be ŋɔ, ‘Mɛɛ yiiɡi nyundua ne harɛɛ.

Haɡae 2:4

He bɛlbwa bɛ ɡel o bwara yɔr, hé ɛ toma la, n ja he nɛ.

Sekaria 1:1

Pɛɛsea Koojen Dareɔs aa di kora bennɛɛte korobie anuatoro ta la, Korowii bol waa o keame Sekaria waa ɛ Bɛrekea bibaa be. Sekaria nabaa sɔne Ido.

Sekaria 3:1

Wepila ane ɡe ta, Korowii baɡle men Sekaria Sɔfonomoa Josua o che Korowii nyundua torome bɛl sie. Asɛ Bɔnsam ɡe ba che Josua diɡ ta dɛɛ ba waa kpɔe dawɛ o nɛ.

Malakae 1:8

Koranar Bwa Kooro ŋɔ, “He kpɔ kondɛɛra aa nyoŋa, ne anɔ la aa wola won valɛ, dɛ anɔ la bwara aa dɛ wea ba ɛ saraha tɛ mɛ naa, a ta wechɔɡa ɛɛ yaa? He kpɔ ɡɛ kwaa nɔ ka tɛ he harɛ nomoa aa, aa do o somee yaa? O sie ɛɛ lɛ he nɛɛ dɛ ɛ he wesoŋa tɛ heya aa?

Amanesoma Luk Aa Chwera Tɔn 3:27

Jɔda ɡe mɛɛɛ Jɔhanan, asɛ Jɔhanan la ɡe mɛɛɛ Resa. Resa ɡe mɛɛɛ Sɛrobabɛl, Sɛrobabɛl ɡe mɛɛɛ Sealteɛl, Sealteɛl ɡe mɛɛɛ Nɛre,