Felepae 4:18 - mzwDBL

¹⁸ N dɔ komɛlbwa maa dɛ nyin la bwa ka ɡarɛ. N dɔ he haala haa ha mɛ la le Epafrodaetɔs be. He haala la ɛ sarahadɛɛɡe o sɔɔh aa soma dɛ tɛ Korowii dɛɛ su o siwi.

Felepae 4:18 Iomraidhean Croise

Kaala 29:18

Ásɛ dɛ fuh o bwa saraha kon la ta. A ɛ saraha kon baa dɛ fuh o bwa o sɔɔh ɛɛ do som n be.

Nɛra Kura 15:3

dɛɛ nyin he fuh saraha kwaa tɛo dɛ́ le he nae kɛɛ peera bini a sɔɔh do som o be naa, dɛ saraha kwaa haa fuah kɛɛ nyobaɡa saraha, kɛɛ anɔ la aa le he bambile ta, kɛɛ he tɔpejena la dii saraha bɛlbwa ɡee yaa,

Nɛra Kura 7:62

ne suuɡaswɛm loɡ o tɔɡre aa ɛ suuɡapoŋa fi daawiile baa dɛ fuah suu,

We-ɛɛla 10:4

Asɛ o ha sie nyiŋu ɔmee ne dɛ ŋɔ, “Ɛrɛɛ yɔ? A som aa, n Dɔɔ?” Asɛ nyundua torome la ŋɔ, “He soŋa haa dɛ soŋe Korowii, ne he chae haa dɛ cha nɛra la lɛ o sie, o dɛ ba he chae.

Tɔn Pɔɔl Aa Chwerɛ Rom Tena 12:1

Anomanta, yabala, n dɛ soŋe heya. Hé nyiŋi Korowii suna waa sune ya nɛɛ la dɛ́ kpɔ he te tɛo. Gɛ baa kpɔ kondɛɛɡa aa chɛ Korowii dɛɛ su o siwi dɛ kpo dɛ ɛ saraha tɛo dɛɛ tomɔ la, hé ɡe kpɔ he te kɛŋɔ ɡɛ saraha la, dɛ́ laa doŋa bɛlbwa kpɔ he nɛɛ dɛɛ tomɔ he bokpeɡa ne. Gɛɛ a chɛ kɛ hɛɛ tomɛ Korowii.

2 Kɔrent 11:8

Maa dɛ ɛ toma he be la, dɛ bobɛl asɔre tenaa dɛɛ bɔ mɛ kem. He nyiŋo na naa, dɛ a kaa ɛ kɛ maa ŋwɛɛ ba, dɛ kpɔ dɛɛ cha heya.

2 Kɔrent 9:12

Dɛ ya kpɔ he koŋkɛɛla nɔ dɛɛ tɛ Korowii nɛra aa hiah ba aa, dɛ chae ɡbo laa hɛɛ cha ba. Dɛ a cheɡɛ a ta nɛra kpɔ silɛɛ ɡee jam Korowii kohona.

Ɛfesos 5:2

A wer kɛŋɔ he so dɔŋa nyina ne kɛŋɔ Yeesu Kristo aa nyin yaa dɛ sewɛ lɛ yaa a ɛ sarahadɛɛɡe dɛ tɛ Korowii la.

Felepae 4:12

Dɛ n nyao waa, n jemɛ ɡɛ maa so. N berɔ dɔ ɡe aa, n jemɛ a ɡe ɡba soɡa. N hweli wobɛlbwa a man mɛ. Kondikwaa lole n di dɛ vaɡoo, kondikwaa toole n chɔ lɔr oo, n dɔɔ kohona kɛɛ nyae n nya oo, n won a bɛlbwa kpoŋa.

2 Tesalonika 1:3

Yabala, ya koh he waa dɛ yon dɛɛ jam Korowii. He chɛ ɡɛ, dɛkalkɛŋɔ he yarada haa dɛ yarada Korowii la dɛ kaa sie saŋ bɛlbwa. Nyina haa dɛ nyin dɔŋa la ɡe ɡba dɛ do kan ja.

Hibru 13:16

He bɛ dɔŋa wedɛɛɡa ɛɛ ne dɔŋa chae waa soh, dɛkalkɛŋɔ a ɡɛ waa nɔ ɛ saraha a waa aa dɛ lɛ Korowii sie.

1 Pita 2:5

he ɡe do kɛ bwea aa dɔ mkpa. Hé ɡel o kpɔ heyaa ma Korowii Dea ásɛ he ɛ Korowii sɔfore haa do ɡoroŋ, ásɛ dɛ che Yeesu Kristo nɛɛ dɛɛ tomɛ Korowii bambile bwa ne a ɛ saraha dɛɛ su o siwi.