Felepae 4:12 - mzwDBL

¹² Dɛ n nyao waa, n jemɛ ɡɛ maa so. N berɔ dɔ ɡe aa, n jemɛ a ɡe ɡba soɡa. N hweli wobɛlbwa a man mɛ. Kondikwaa lole n di dɛ vaɡoo, kondikwaa toole n chɔ lɔr oo, n dɔɔ kohona kɛɛ nyae n nya oo, n won a bɛlbwa kpoŋa.

Felepae 4:12 Iomraidhean Croise

Nehemia 9:20

He kpɔ he Doma waa wera tɛɛ ba wɛɛ baɡ ba wa, dɛ tɛɛ ba maana ba di, dɛ tɛɛ ba nee ɡe ba nyɔ.

Aesaya 8:11

Belaa Korowii kpɔ o kpeɡri kah mɛ ŋɔ n bɛ ŋwɛnɛ Juda tena aa dɛ kpɔ ta teŋɛ. O ŋɔ,

Jeremia 31:19

Ya berɛ habɔɔ kpoe, kɛ a ta biɡre ya dɔ liire, dɛ berɛ ba he be. Kɛ a habɔɔ haa tɛr ya deŋne la, ya baŋa ɡolo sihiih kpo yaa. Sihiih kpo yaa kohona, dɛkalkɛ ya bechale saŋ bwaa ya le ɛ wechɔɡa.’ ”

Matiu 11:29

Gɛ baa kpɔ daa dawɛ nae anɛ nɛ a pɛ dɛɛ ɛ toma la, hé ɡel n ne he pɛ ɛ ɡɛ, ásɛ he hweli le n be, dɛkalkɛ n pwɛre, maa mbarafo ɡe ɛ. He ɛ ɡɛ naa, haa koeh ba.

Matiu 13:52

Anee Yeesu berɛ ŋɔ, “Amɔ nomɛlbwa waa jemɛ Mosis Mmara la, dɛ berɛ ba hweli Korowii Kora nɔ waa la do kɛŋɔ nomɛl aa dɔ o dem, dɛ dɔ konfala ne kombena, dɛ won a bini bɛlbwa waa dɛ nyin kpɔe dɛ́ le bela waa dɛ cheɡ o kwa.”

2 Kɔrent 10:1

Men Pɔɔl, n dɛ soŋe heya. Ba ŋɔ n lɔ he be naa, n pwɛre, kɛ n le he be te naa, n waa kpeɡri. N dɛ soŋe heyaa kɛŋɔ hé nyiŋi ɡɛ Yeesu Kristo aa pwɛra o tea do som la,

2 Kɔrent 10:10

Bane ɛɛ ŋɔɔ, “Pɔɔl tɔne nyoa kpeɡri to. Kɛ he na o ɡbaɡba aa, waa kpeɡe. O wobol ɡba ta wale dɔe.”

2 Kɔrent 11:27

N ɛ toma dɛ koh kɛrɛdɛ. A kɛrɛdɛ ta, dɛ maa dom chɔ. Lɔr ne nyɔɡre ɡe kpo mɛ kɛrɛdɛ. N vala kɛrɛdɛ ta, dɛ teloɡaa mɛɛ chɔ, dɛ busee mɛɛ chɔ, dɛɛ chɔ waa.

2 Kɔrent 11:7

N fa aa baɡle heyaa Korowii Amanesoma la, n ta heyaa komɛlbwa sese lɛɛ. Maa pwɛr n te ɡɛ asɛ nɛra siwi ɛɛ su heyaa la, dɛ wechɔɡaa n ɛ aa?

2 Kɔrent 11:9

Gɛ saŋ maa lɔ he be la, suuɡa waa hiah mɛ naa, maa n te kpɔe dɛɛ dawɛ he nɛ. Yabala baa le Makidoonia harɛ ba laanee baa tɛ mɛ kwaa maa dɛ nyin bwa. Gɛ n fa aa wola n te kpɔe dawɛ he nɛɛ wubwa la, ɡɛɛ maa wola n tenee kpɔ dawɛ he nɛɛ saŋ bɛlbwa bwa.

Mmarare 32:10

Korowii na ba baa ɡaaɡe pua hɛŋle ɡbo harɛ ta, harɛ waa chɔ pɛɛ olchɔɡa sii ɡbo tɔ bela peujena ɛɛ ta bela. O tɔ ba ɡbemɡbe dɛ nyiŋi ba nɛ kɛŋɔ o ɡbaɡba ken.