Felepae 4:11 - mzwDBL

¹¹ N ta ŋɔe ŋɔ n nyao. Akai. N wono hweli wobɛlbwa maa lɔ a ta n soɡa bini a man mɛ, n sie lɛ a ta.

Felepae 4:11 Iomraidhean Croise

Mumpar 28:20

Asɛ Jekɔb baɡɛ Korowii nyoa ŋɔ, “Dɛ hɛɛ ja n nɛɛ dɛ́ kpɔ nɔn tɔ n nɛɛ n ŋwɛnɛ maa dɛ kaa nɔ ta, dɛ́ tɛ mɛ kondikwaa ne yal maa tɔ,

Kaala 2:21

Ba kaa yerɛ Mosis ó ba, waa bala la o sie baa lɛ kɛŋɔ wɛɛ so ba bee. O ne baa soɡa la sie tama la, sɔfo Jetro lawɛ o bihaah Sepora tɛo o mo.

Amanesoma Luk Aa Chwera Tɔn 3:14

Soojare bane ɡe ba o be dɛ ba bɔɔro ŋɔ, “Asɛ ya ɡe sɛh? Ɛrɛɛ chɛ kɛŋɔ yá ɡee ɛɔ?” Asɛ o ŋɔ ba ɡe be ŋɔ, “He bɛ nɛra ɛɡre dɛɛ lɛ suuɡa ba be, dɛ bɛ nomɛlbwa ɡe suuɡa lɛ dɛ tɔ o wechɔɡa ta. Hé ɡel he kembɔr ɛɛ su he siwi.”

2 Kɔrent 11:27

N ɛ toma dɛ koh kɛrɛdɛ. A kɛrɛdɛ ta, dɛ maa dom chɔ. Lɔr ne nyɔɡre ɡe kpo mɛ kɛrɛdɛ. N vala kɛrɛdɛ ta, dɛ teloɡaa mɛɛ chɔ, dɛ busee mɛɛ chɔ, dɛɛ chɔ waa.

2 Kɔrent 6:10

Ba dɛ ɛ yaa tebinichɔɡ wa, kɛ saŋ bɛlbwa dɛ ya lɔ silɛɛ ta. Ya ɛ nyaara, kɛ ya won nɛra chae kohona. Ya ta komɛlbwa dɔe, kɛ yan ɡee komɛlbwa.

2 Kɔrent 8:9

Kɛ he na ɡɛ ya Dɔɔ Yeesu Kristo aa sune ya nɛɛ dɛ cha yaa kenɛ? He nao kɛŋɔ o fa dɔ kwaa nɔ bwa, dɛ koh he waa dɛ berɛ nya, ásɛ a che o nyae ta he berɛ dɔɔhna.

2 Kɔrent 9:8

Korowiirii dɛ won tɛ heyaa kwaa a ɡwaa ɡɛ haa dɛ nyin, ásɛ he dɔ kohona saŋ bɛlbwa, dɛ́ won kpɔ dɛɛ ɛ wedɛɛɡa kohona.

Felepae 3:8

Kasinteŋ, komɛlbwa ne wobɛlbwaa n vɛh dɛɛ yera wepuu dɛ́ won jemɛ n Dɔɔ Yeesu Kristo. O jemaa hiaah ɡwaa komɛlbwa. N koh o waa dɛ ɡel wobɛlbwa ta, dɛɛ liira puldoa haahra, dɛɛ nyin ń won dɔ Yeesu Kristo kɛrɛdɛ,

Hibru 10:34

He na nɛra baa do ba dea la sum, dɛ cha ba ba wahala nae ta. Ba lɛ he kwaa haa dɔa bwa, kɛ he sie ta kie. He sie lɛo, dɛkalkɛŋɔ he jemɔ kɛ he dɔ komɛl waa wola jaɡa dɔe dɛ ɡwaa anɔ la haa paŋa la.