Felepae 3:9 - mzwDBL

⁹ ásɛ ya bwa won pɛ, ásɛ n ɛ nɛndɛɛɡe, n waa su Korowii siwi. N ta ŋɔe ŋɔ ń che Mmara ta teŋa ta dɛ́ ɛ nɛndɛɛɡe n waa su o siwi. Kɛ n dɛ nyin ń che yarada maa dɛ yarada Yeesu Kristo la ta, dɛ́ ɛ nɛndɛɛɡe n waa su o siwi. Nɛndɛɛɡe ɛɛ le Korowii be o kpɔ dɛɛ tɛ nɛra la bwa baa yarada Yeesu.

Felepae 3:9 Iomraidhean Croise

Mumpar 7:23

Korowii chɔɡ hweera kwaa bwa aa lɔ harɛ nɔ ta.

1 Koranar 8:46

Dɛ ba ɛ wechɔɡa dɛ jo he nɛ, a lole kɛŋɔ nomɛlbwa toole waa wola wechɔɡa ɛ, asɛ he baah di ba nɛ, dɛ ɡel ba dɔma pɔ ba nɛ, dɛ laɡ ba kaa bojaŋ kɛɛ boboraa yoo,

2 Webena 32:25

Kɛ mbarafo nomanta, o siwi ta waa Korowii aa ɛa tɛo la sui, anomanta, Korowii baah di o ne Juda ne Jerusalam tena nɛ.

2 Webena 32:31

A balɔ kɛŋɔ Babelɔn harɛ ta nomonome tomɛ nɛra Kooro Hɛsɛkea be ŋɔ, bá ba pɛɛro ŋwɛnɛ waa cheɡɛ o ta, dɛ ɛ nyokpowe-ɛɛla la o harɛ la ta. Asɛ Korowii le o habɔɔ, dɛ daahno na kɛ wɛɛ di kasinteŋii kɛɛ.

Yela 14:3

Nomɛlbwa berɛ habɔɔ kpoo, nɛndɛɛɡe bɛlbwa toole ba bini, bɛlbwa toole dɛɛ ɛ wedɛɛɡa, nɛmbeŋkpoŋ kwaraa toole.

Yela 143:2

Bɛ men maa ɛ he bonɔɔ daah na, nomɛlbwa toole o waa toɡre he sie.

Yela 19:12

Umee dɛ́ won jemɛ o ɡbaɡba wechɔɡa waa ɛaɔ? N Naa Korowii, lɛɛ mɛ le wechɔɡa maa wola jemɛ dɛ ɛ la ta.

Wejereme 7:20

Nɛn o wa aa toɡra beŋkpoŋ kwaraa toole harɛ nɔ ta, dɛɛ ɛ wa aa toɡra waa wola wechɔɡa ɛ.

Aesaya 46:13

N dɛ ba n waa aa toɡra ne. A toole bojaŋ, aa biɡri kwaraa. Mɛɛ lɛ Jerusalam tenaa, dɛ́ ɡel ba dɔ n jirima.”

Aesaya 53:11

O soɡa bini wahala waa baa na habɔɔ la, wɛɛ berɔɔ dɔ mkpa, dɛ́ jemɛ kɛŋɔ o ta wahala nae pɛɛpɛɛ. N bonɔɔ o waa aa toɡra, o lɛ nɛndamanta wechɔɡa che nomanta, mɛɛ che o seo la taa, dɛ́ kpɔ ba wechɔɡa kɛ ba.

Aesaya 53:6

Ya bwa do kɛ peera aa kpaŋa ken, bɛlbwa ɛɛ kaa bela waa dɛ nyin, asɛ Korowii ɡel deŋnetɛra a fe aa chɛ yaa la bwa ba o nɛ.

Aesaya 6:5

Anee n ŋɔ, “Akwe! N na wa. Wechɔɡa ɡboo n nyoa wobol bwa, asɛ n so nɛra wechɔɡa aa lɔ ba nyoo baah ta, dɛ berɛ na Koojen, Nemenɛ Korowii nɔ.”

Jeremia 23:6

O baa di kora aa, Juda tena ɛɛ dɔ bosɔɔhnaa, ásɛ Israel tena ɡe so deŋnesɔɔhna ta. Sɔn baa dɛɛ yerɔ laanee, ‘Korowii Waa Dɛ Lɛ Yaa.’

Jeremia 33:16

A ɡɛ saŋ la, mɛɛ lɛ Juda ne Jerusalam nɛra bwaa, ásɛ ba so deŋnesɔɔhna ta. Ásɛ baa yerɛ bwɛjen Jerusalam ‘Korowii Waa ɛ Ya Lɛɛ.’ ”

Daneɛl 9:24

Korowii do bene fifraanuanɛ bele anuanɛ cheɡ kɛŋɔ he nɛra ne bwɛjen Jerusalam ɡel wechɔɡa ɛɛ. Baa kpɔ wechɔɡa bɛlbwaa kɛ, ásɛ waa aa toɡra do le saŋ bɛlbwa dɛɛ la. Gɛ aa ɛ ásɛ wepila ne Korowii waa aa dɛ ba bala ɛ kpela, ásɛ ba berɛ kpɔ Korowii Dea la do o nɔn ta.

Matiu 9:13

Hé ka kwaa hweli waa baa chwera bil heyaa ŋɔ, ‘He dɛ na he dɔŋa sum aa, anee mɛɛ nyin dɛ ɡwaa kɛ haa kpoo kwaa dɛɛ tɛ mɛ’ la. Nɛra baa dɛ lii ba te nɛndɛɛɡa waa laa n ba. Wechɔɡ-ɛɛra waa n ba, ásɛ ba charɛ ba liire.”

Tɔn Pɔɔl Aa Chwerɛ Rom Tena 1:17

Yeesu Amanesoma laanee dɛɛ baɡle ɡɛ Korowii aa dɛ nyin kɛŋɔ nɛwɛnyini do ásɛ ya waa su o siwi. Le waa la mumpar ka tel a jaɡa bwa, o waa yaradae waa ɡboo a bwa. Korowii Tɔn baɡlɔ kɛŋɔ, “Naate o wa aa toɡra dɛ su Korowii siwi la, wɛɛ yaradao dɛ́ dɔ o nyu.”

Tɔn Pɔɔl Aa Chwerɛ Rom Tena 10:10

dɛkalkɛŋɔ Yeesu Kristo waa la yaradae bambile bwa ne taa a che Korowii ɛɛ lɛ nɛwɛnyina kɛ nɛndɛɛɡa ba wa ɛɛ su o siwi, asɛ a bola nyoa ne dɔŋa be taa a che Korowii ɛɛ lɛ yaa.

Tɔn Pɔɔl Aa Chwerɛ Rom Tena 16:7

Hé ŋɔ n bwɛɛ tena Andronikus ne Junias ba fa aa do n ne ba dea ka la be ŋɔ n dɛ na ba. Ba ɛ nɛra bane ba sɔn aa lea Yeesu toroma bini. Ba tɔ sie ɛ asɔre tena n nɛ.

Tɔn Pɔɔl Aa Chwerɛ Rom Tena 5:21

Gɛ wechɔɡa aa cheɡɛ seo nɛɛ dɛɛ di kpeɡri la, ɡɛɛ Korowii suna waa dɛ sune nɛwɛnyina nɛɛ la ɡe che ɡɛ Korowii aa ɛ yaa nɛndɛɛɡa ya waa su o siwi la ta dɛɛ di kpeɡri, asɛ ya won dɔ Korowii mkpa aa wola jaɡa dɔe bwa la, dɛkalkɛŋɔ ya Dɔɔ Yeesu Kristo ɡelɔ nɛra ɛ nɛndɛɛɡa ba waa su Korowii siwi.

Tɔn Pɔɔl Aa Chwerɛ Rom Tena 8:1

Taraken nɔ nɛra ba ne Yeesu Kristo aa pɛa la te aa bolchɔɡe dii ba ba tɛr ba deŋne.

Tɔn Pɔɔl Aa Chwerɛ Rom Tena 8:3

Nɛwɛnyini mar aa do ɡɛ, waa wola kpeɡe dɛɛ tɔ Mmara ŋwɛnɛ, asɛ Mmara lɛ nɛwɛnyini kahonɛ la, Korowii te wono lɛ nɛwɛnyini. O ɡelɔ o Bie tenten kpɔ nɛwɛnyini mar wechɔɡa aa suu nɔ dɔŋ, dɛ ba chɔɡ liichɔɡa kpeɡri o fa aa dɔa nɛwɛnyini nɛɛ la dɛ laa wechɔɡa kpɔ,

1 Kɔrent 1:30

Korowiirii ɡela he ne Yeesu Kristo pɛ, ásɛ ya che o nɛɛ dɛ dɔ Korowii wejema. O nɛɛ a che Korowii na yaa kɛ nɛndɛɛɡa dɛ berɛ kpɔ yaa ɛ o kwa. Onee kpɔ seo dɛ yawɛ yaa le ya wenaale ta.

2 Kɔrent 5:17

Nomɛlbwa o ne Yeesu Kristo aa pɛa la, o berɛ nɛnfale. O ɡel o webena o fa aa dɛ ɛ la, dɛ charɛ dafale.

2 Kɔrent 5:21

Dɛ wechɔɡa bɛlbwa toole Yeesu Kristo nɛ, kɛ ya kɛrɛdɛ nomanta, Korowii ɡelɔ o lɛ ya wechɔɡa che, ásɛ dɛ ya ne o pɛo waa, ya waa won su Korowii siwi ó lɛ yaa kɛ nɛndɛɛɡaa yan.

Galaasia 2:16

Kɛ, ya jemɔ kɛŋɔ Mosis Mmara ta teŋa laa ɡela nɛn ɛɛ ɛ nɛndɛɛɡe o wa ɛɛ su Korowii siwi, nemenɛ kɛŋɔ haa dɛ yarada Yeesu Kristo waa la, dɛ kpɔ he te tɛo. Yeesu Kristo nɛɛ ya ɡe kpɔ ya yarada do, asɛ Korowii koh o waa dɛ lɛ yaa kɛ nɛndɛɛɡa ya waa su o siwi. Mmara ta teŋa laa dɛɛ ba yaa nɛndɛɛɡa ɛɛ Korowii be, dɛkalkɛŋɔ Mmara ta teŋa aa won ɡel nomɛlbwa waa su Korowii siwi.

Mmarare 27:26

Ásɛ ba berɛ ŋɔ, ‘Nomɛlbwa waa wola Korowii Mmarare ne o webaɡla ta teŋɛ la, Kórowii taahno.’ Israel tena la bwa chaŋe ŋɔ, ‘Aamen!’ ”

Felepae 3:6

Ba dɛ nyin nɛn o siwi fa aa swɛɛ a ta naa, menee, dɛkalkɛŋɔ n fa cheɡɛ Yeesu habɔteŋra la nɛɛ taeh. Dɛ ba berɔ dɛɛ nyin nɛndɛɛɡe Mmara la be pera ɡe aa, n waa bwa toɡrɔ.

2 Timoti 1:9

Onee lɛ yaa, dɛ le yaa ŋɔ yá ba ɛ o nɛra dɛ́ do ɡoroŋ tɛo. Ya tondɛɛɡa ɛɛ waa laa o le yaa, kɛ o liire waa dɔa tɛ yaa, ne ɡɛ waa na ya sum dɛ cha yaa waa o le yaa. Yeesu Kristo nɛɛ o che dɛ na ya sum, dɛ cha yaa dɛ le yaa mɔɔ dɛ ta komɛlbwa.

Taetos 3:5

o lɛ yaa ta. Ya te wedɛɛɡa ɛɛ waa laa o lɛ yaa ta. Sunaa o sune ya nɛɛ dɛ lɛ yaa ta, dɛ sɔ yaa nee ya won do kɛ baa bera kwaa lolɛ yaa. O Domadɛɛɡe waa kpɔa tɛ yaa o kwaa yaa la nɛɛ ya che dɛ dɔ mkpafale la.

Hibru 6:18

Korowii baɡɛ nyoa dɛ ŋwɛɛ o tenten ja. Webele anɛ nɔ ɡelɔ nyobaɡa la do kpeɡri, dɛkalkɛŋɔ Korowii aa won teŋe nyosone. Anee dɛ do ya nɛra yaa ba Korowii be ŋɔ ó lɛ yaa la ɡbemba, ásɛ ya won do kpeɡri ya hwɛɡa yaa dɛ hwɛɡɛ o nɛɛ la ta.

Jems 3:2

Ya bwa dɛ koni saŋ bɛlbwa. Dɛ nɛn aa wobɛlbwa waa dɛ bol la ta koni aa, dɛ o ɛ nɛn o wa a toɡra tenten. Nɛn waa won o wobol nyiŋa la, o won o te lawa wobɛlbwa ta.

2 Pita 1:1

Men Seemɔn Pita maa ɛ Yeesu Kristo bonɔɔ dɛ ɛ o torome la, men chwerɛ tɔn nɔ dɛɛ tɛ he nɛra haa dɛ yarada Yeesu Kristo waa ɛ ya Korowii ne ya Lɛɛ la. O wa aa toɡra nomanta, o tɛ heyaa ya yarada waa wera nɔ dɔŋ.

1 Jɔn 3:4

Nomɛlbwa waa dɛ ɛ wechɔɡa la di bolchɔɡe Korowii Mmara ta, dɛkalkɛ wechɔɡaa dɛɛ koni Mmara.