Felepae 3:8 - mzwDBL

⁸ Kasinteŋ, komɛlbwa ne wobɛlbwaa n vɛh dɛɛ yera wepuu dɛ́ won jemɛ n Dɔɔ Yeesu Kristo. O jemaa hiaah ɡwaa komɛlbwa. N koh o waa dɛ ɡel wobɛlbwa ta, dɛɛ liira puldoa haahra, dɛɛ nyin ń won dɔ Yeesu Kristo kɛrɛdɛ,

Felepae 3:8 Iomraidhean Croise

1 Koranar 14:10

Anomanta, mɛɛ chɔɡ he koraa dɛ́ kpoo he bibaala, ne bechale ne nomonome baa lɔ Israel harɛ ta bwa, yoma ne banɔ la baa dɛ di ba nyuune bwa. Mɛɛ fuh he demii kɛŋɔ baa dɛ fuh kondoŋa a bwa yon tonɛ la ken.

2 Koranar 9:37

O hoɡa ɛɛ doo kɛŋɔ bena aa chɔ puldoa ken do harɛ la ta, nomɛlbwa aa wola o jema ba.’ ”

Job Tɔn 20:7

baa nyoɡro kwaraa kɛŋɔ peu aa kpɔ tutuɡ kaa la, ásɛ nɛra baa na ba ka la ɛɛ pɛɛ ŋɔ, ‘Leperaa ba dɔɔ?’

Yela 126:6

Nɛra baa kpɔ siniire dɛ che ba kondwee le ka du la, baa komaa dɛ chea ba silɛɛ yela ne.

Yela 73:25

N Naa Korowii, he ɡboo lɔ nyundua dɛ́ won cha mɛ. He habɔɔ, maa komɛlbwa nyin harɛ nɔ ta.

Aesaya 53:11

O soɡa bini wahala waa baa na habɔɔ la, wɛɛ berɔɔ dɔ mkpa, dɛ́ jemɛ kɛŋɔ o ta wahala nae pɛɛpɛɛ. N bonɔɔ o waa aa toɡra, o lɛ nɛndamanta wechɔɡa che nomanta, mɛɛ che o seo la taa, dɛ́ kpɔ ba wechɔɡa kɛ ba.

Malakae 2:3

He we-ɛɛla nomanta, mɛɛ tɛr he naanar deŋnee, dɛ́ kpɔ kondɛɛra haa kpoora ɛ saraha dɛɛ tɛ mɛ tɔpejena ta la bena fɔɡle he sie, ásɛ ba kpɔ he ne loŋɡboŋbena la ɡɛ kaa.

Nɛra Kura 14:30

He bini bɛlbwa aa harɛ maa ŋwɛɛra sibeɡra ne ŋɔ mɛɛ kpɔɔ tɛ heyaa he so la taa tel, atane Jefune bibaa Kaleb ne Nun bibaa Josua ɡbo.

Amanesoma Luk Aa Chwera Tɔn 1:43

N ɡee umeo n Dɔɔ nya ɛɛ ba ba chɔɔ mɛ nɔɔ?

Amanesoma Luk Aa Chwera Tɔn 11:20

Korowii kpeɡri nee mɛɛ doŋi kwaa aa dɛ ir nɛra nɛɛ la. Anomanta, hé jemɛ kɛŋɔ Korowii Kora dii la telo tonɛ.

Amanesoma Jɔn Aa Chwera Tɔn 14:20

Tɔpere la telaa, hɛɛ jemɔɔ kɛŋɔ n ne n Mɛɛ ɛ beŋkpoŋ, bɛl aa wola won daɡre o te o dɔŋ nɛ, ásɛ n ne he ɡe ɛ beŋkpoŋ ɡɛ tenten.

Amanesoma Jɔn Aa Chwera Tɔn 14:7

He fe jem mɛ kɛrɛdɛ naa, he fe jemɛ n Mɛɛ la ɡe. Taraken he jemɔ. Onee he na la.”

Amanesoma Jɔn Aa Chwera Tɔn 16:3

Anɔ bwaa baa ba heyaa ɛɛ, dɛkalkɛŋɔ baa n ne n Mɛɛ jemɛ.

Amanesoma Jɔn Aa Chwera Tɔn 17:3

Banɔ la baa jemɛ dɛ jemɛ kɛ he ɡboo Korowii kasinteŋ la, dɛ berɛ jem mɛ kɛ menee Yeesu Kristo haa tom mɛ la, banee dɛ́ dɔ mkpa aa wola jaɡa dɔe la.

Amanesoma Jɔn Aa Chwera Tɔn 17:8

N bol waa haa baɡ mɛ la baɡ ba, asɛ ba sɛh a ta. Ba jemɔ kɛrɛdɛ kɛŋɔ he bee n le ba, dɛ yarada kɛ henee tom mɛ.

Amanesoma Jɔn Aa Chwera Tɔn 20:13

Belaa nyundua toroma la bɔɔro ŋɔ, “N nya, bɔkwa waa hɛɛ wi ken nɔ?” Asɛ o ŋɔ, “Ba kpɔ n Dɔɔ kaa. Maa jemɛ bela baa kpɔɔ ka bil.”

Amanesoma Jɔn Aa Chwera Tɔn 20:28

Asɛ Tɔmas ŋɔ, “N Dɔɔ, n Korowii!”

We-ɛɛla 20:24

N waane laa n ɡbaɡba hweera wa. Waa aa swɛɛ n siwi laanee kɛ, ɡɛ maa ɛ dɛ tonɛ toma n Dɔɔ Yeesu aa tɛ mɛ ŋɔ ń ɛ la. N tomaa kɛ ń bol Amanesoma la nɛra be bá jemɛ kɛŋɔ Korowii dɛ sune nɛra nɛɛ dɛɛ nyin ba chae.

Tɔn Pɔɔl Aa Chwerɛ Rom Tena 8:18

Wahala nɔ yaa dɛ na taraken nɔ, he nyiŋi som yaa dɛ ba nae kerekere la aa, a ta wahala ɛɛ kwaraa.

Tɔn Pɔɔl Aa Chwerɛ Rom Tena 8:39

Komɛlbwa toole dɛ do nyundua kɛɛ harɛ bobɛlbwa dɛ́ won tɔ yaa ŋwɛnɛ. Korowii kontaala bini komɛlbwa toole dɛ́ won pere yaa le Korowii nyina aa cheɡɛ ya Dɔɔ Yeesu Kristo nɛɛ wɛɛ nyin yaa la ta.

1 Kɔrent 2:2

Maa lɔ he be la, dɛ maa nyin kɛ n kpɔ wejema ane ja n wobol ta, nemenɛ Yeesu Kristo seo waa sewa daɡaɡre la ta la wa.

1 Kɔrent 9:10

Nɛwɛnyini waa o koh ŋɔ ɡɛ, ɡɛ aa cha yaa la waa o chwera, ásɛ nomɛlbwa waa dɛ parɛ, ne nomɛlbwa waa dɛ komɛ kwaa la dɔ hwɛɡa kɛŋɔ wɛɛ dɔ kwaa la anee.

2 Kɔrent 4:4

Bɔnsam baa dɛ maŋkurao harɛ nɔ ta kɛŋɔ Korowii la, o chɔɡ nɛra baa wola Yeesu yarada la liire. Waa nyin kɛŋɔ Amanesoma nii aa le Yeesu Kristo o wa aa dɔ jirima kohona be la chaah ba. Yeesu do ɡɛ Korowii aa doa.

2 Kɔrent 4:6

Korowii waa pere bochaah le biro ta, dɛ ɡel bɔr chaah la, onee ɡela o nii chaah ya bambile ne ya sie, asɛ ya won jemɛ ɡɛ o jirima yaa naa Yeesu Kristo be la aa doa.

Galaasia 1:16

A ɛo silɛɛ kɛŋɔ ó ɡel n jemɛ o Bie la, dɛ́ won baɡle o Amanesoma nɛŋhɔɔhra baa wola Juu tena ɛɛ la be. Waa lee mɛ ɡɛ la, n ta taarɛ baɡle nomɛlbwa ŋɔ ó baɡ mɛ ɡɛ maa ɛ mɔɔ dɛ́ jo o toma la ta.

Ɛfesos 4:13

ásɛ ya bwa won dɔ nyopɛo yarada yaa yarada Korowii Bie ne jema yaa jemɔ la ta kɛrɛdɛ dɛ ka tonɛ, dɛ won kpeɡ kɛrɛdɛ kɛŋɔ nomonome o nɛɛ teŋa ta, ɡɛ Yeesu Kristo aa doa la. Onee ya kpɔ dɛɛ maɡɛ ya te dɛ́ jemɛ ɡɛ yaa kpeɡ.

Felepae 1:1

Men Pɔɔl ne Timoti yaa ɛ Yeesu Kristo bonɔɔna la, yanee chwerɛ tɔn nɔ dɛɛ tɛ Korowii nɛra he wa aa toɡra, he ne Yeesu Kristo pɛ he do Felepae la, ne he nɛra baa tɔ asɔre tena sie ne nɛra baa chɔ tomare nyoo la bwa.

Felepae 3:10

N waa bwaa kɛ ń won jemɛ Yeesu Kristo, dɛ́ won jemɛ kpeɡri la soo waa ira seo ta dɛ dɔ, dɛ́ na wahala waa naa la dɔŋa, dɛ́ kpɔ n te ɛ kɛ n sewɔ ɡɛ waa sewa la,

Felepae 3:12

N ta ŋɔe ŋɔ n denɔ won do kaih dɛ ɛ nɛndɛɛɡe dɛ ka tonɛ. Akai! N ta swɛɛ siwi dɛɛ nyin ń won do ɡɛ bwa Yeesu Kristo aa lee mɛ ŋɔ ń do la.

Felepae 3:7

Kɛ waa la bwa n fa aa lɔ a ta a ɛ tɔnɔ tɛ mɛ la, Yeesu Kristo nomanta, n dɛ liira wepuu.

2 Timoti 4:6

N te, n seo tɔpere telo, n do kɛ sen baa dɔa dɛɛ ta dɛ ɛ saraha tɛ Korowii.

Hibru 3:14

Gɛ ya yarada aa doa le mumpar la, dɛ ya wono che ɡɛ kiŋkiŋ ka tel wobɛlbwa jaɡa aa, dɛ ya ne Yeesu Kristo pɛo wobɛlbwa ta.

1 Pita 2:7

He nɛra haa dɛ yaradao ɡe be la, wɛɛ ɛ Bwedɛɛɡe o wa aa hiaah tɛ heya. Asɛ nɛra baa wola on yaradae ɡe la, wɛɛ ɛ ɡɛ baa chwera Korowii Tɔn bini laanee ba be, kɛŋɔ, “Bwe la mamaala aa vɛoh dɛ liiru konsala laanee bera ba lawɛ dea kpoŋe la.”

2 Pita 1:2

Kórowii che he jema haa jemɔ dɛ jemɛ ya Dɔɔ Yeesu la ta, dɛ́ cha heyaa kohona, dɛ́ tɛ heyaa bosɔɔhna.

2 Pita 1:3

Yeesu dɔ Korowii kpeɡri la dɔŋ. Anee o kpɔ cha yaa, asɛ ya dɔ komɛlbwa yaa hiah dɛ won do le dɛɛ ɛ wedɛɛɡa. Yaa jemɛ Korowii waa le yaa ásɛ ya won dɔ o jirima ne o dadɛɛɡe la waa o ɛ ɡɛ.

2 Pita 1:8

Da waa wera tɛ heyaa la. He wono dɔ a ɡɛ da nɔ kɛrɛdɛ naa, aa ɡeloo jema haa jemɛ ya Dɔɔ Yeesu Kristo la dɔ tɔnɔ dɛ́ su siwi.

2 Pita 3:18

Kɛ hé swɛɛ siwi ásɛ ya Dɔɔ waa ɛ ya Lɛɛ Yeesu Kristo suna waa sune he nɛɛ dɛɛ cha heyaa la ɛɛ ja kohona. Hé swɛɛ siwi dɛɛ dɔ wejema o waa ta kohona. Hé ɡel ya tɛo jirima taraken ne saŋ bɛlbwa. Aamen.

1 Jɔn 1:3

Anɔ la yaa naa dɛ no laanee yaa bol he ɡe be, ásɛ he no dɛ́ ba ja ya Mɛɛ waa lɔ nyundua ne o bie Yeesu Kristo beŋkpoŋri ɛɛ la ta.

1 Jɔn 2:19

Dɛ bane fa ja ya nɛ, kɛ dɛ ba ta denɛ ɛ ya bini bane, dɛkalkɛ ba chwao. Dɛ ba fe ja ya nɛ aa, ya ne ba fe ta pɛo. Kɛ ba chwao, asɛ a den baɡle kɛŋɔ ba bini bɛlbwa ta ya nɛɛ jae.

1 Jɔn 5:20

Ya jemɔ kɛŋɔ Korowii Bie la balɔ, dɛ ba tɛ yaa liire yá kpɔ jemɛ Korowii tenten la. Korowii tenten la lawɛ yaa pɛl o nɛ, dɛkalkɛŋɔ o kpɔ ya te pɛl o Bie Yeesu Kristo la nɛ. O ɛ Korowii tenten, dɛ dɔ mkpa aa wola jaɡa dɔe bwa.