Felepae 3:5 - mzwDBL

⁵ Israel tee men. Baa lol mɛ n dɔ yawanyoa la taa ba teŋe n pen. Bɛnjamen deaa n le. Israel te kaiih men, dɛkalkɛ n mɛɛ ne n nya bwa ɛ Hibru tena. Dɛ ba dɛ bol Mmara ta teŋa wa aa, nɛra baa dɛ teŋɛ Mmara ta kohona baa yer ba Farisii tena la bɛlee men.

Felepae 3:5 Iomraidhean Croise

Mumpar 14:13

A habɔɔ la, nɛra baa chwaa la bini bɛl ba Abram waa ɛ Hibru te la be, dɛ ba bol ɡɛ waa la o be. Dɛ o soɡe Mamre dajena ane aa lɔ Amɔre te bɛl harɛ ta la mune. Dɛ Mamre ne o nimanar Ɛskɔl ne Aner bwa ja Abram nɛ baa cha dɔŋa laa ta.

Mumpar 17:12

Le fini dɛɛ kaa, bibaa te bɛlbwa baa lolɔ la, hé teŋe o pen. He bini bɛlee kɛɛ nɛndɔɔlee yoo, o di tɔpera anuatoro naa, hé teŋe o pen.

Mumpar 40:15

Kpeɡri nee ba kpɔ mɛ le Hibru tena harɛ ta, dɛ ba n ne Ijipt bonɔ. Maa lɔ bonɔ ɡe nɔ, n ta waa maa ɛa a chɛ kɛ ba do mɛ dea nae.”

Mumpar 41:12

Dɛ ya ne Hibru te bonɔɔ bɛlee ba pɛ do dea. Dɛ o ɛ nomoa la waa dɛ daah yaa la bonɔɔ. Yaa bol ya deera la baɡlo la, o wono baɡle yaa a mun.

Jona 1:9

Asɛ Jona ŋɔ, “Hibru tee men, Korowii Waa Dɛ Di Kora Nyundua waa ta nyundua ne harɛ ne mpo laanee mɛɛ tomɛ.”

Amanesoma Luk Aa Chwera Tɔn 1:59

Bie la aa dɔ yawanyoa la, ba balɔ ŋɔ ba ba teŋe o pen, dɛ fe ɛɛ nyin bá kpɔ o mɛɛ Sekaria sɔn pao.

Amanesoma Luk Aa Chwera Tɔn 2:21

Bie la aa dɔ yawanyoa la, ba teŋe o pen, dɛ pa o sɔn Yeesu, ɡɛ tenten nyundua torome la aa ŋɔa mɔɔ o nya kpoŋe o tea la.

Amanesoma Luk Aa Chwera Tɔn 5:38

Senfala chɛ loŋfala.

We-ɛɛla 22:3

“Juu tee men. Silisia harɛ bwɛɛ baa dɛ yerɔ Taasos la taa ba lol mɛ. Kɛ bwɛjen Jerusalam bonɔɔ ba dɛɛ mɛ, asɛ Gamaleɛl chaɡ mɛ kwa, dɛ baɡ mɛ ya naawa kii bwa, asɛ mɛɛ teŋɛ a ta. N sie beɡrɔ mɛɛ tomɛ Korowii ɡɛ he bɛlbwa aa dɛ tomɔ fini nɔ.

We-ɛɛla 23:6

Pɔɔl nyiŋi nɛra baa cheme bela la dɛ na kɛŋɔ bane ɛ Saduki tena, asɛ bane ɡe ɛ Farisii tena. Belaa o kpɔ takpeɡ ŋɔ, “Yabala, Farisii tee men noo! Farisii tena biee men. N dɛ hwɛɡɛ kɛ nɛra ɛɛ ir seo taa. Gɛ hwɛɡa nɔ maa dɔa nɔ waa ba ba n ne ŋɔ hé bol n waa dɛ́ pa bole la!”

We-ɛɛla 6:1

A habɔɔ la, Yeesu habɔteŋra aa ba dɛ warɛ la, naɡra baa chole Juu tena baa ɛ hɔɔhra dɛɛ bol Grik wobol la, ne banɔ la baa dɛ bol Juda wobol la baah ta. Dɛ ba dɛ bɔne suuɡa dɛɛ tɛ asɔre tena la tɔpere bɛlbwa. Asɛ Juu tena baa dɛ bol Grik wobol la ŋɔ baa ba te luhaahna tɛ.

Tɔn Pɔɔl Aa Chwerɛ Rom Tena 11:1

N dɛ bɔɔ heyaa ŋɔ, Korowii vɛh o nɛra Israel tena kɛɛ? Akai! N ɡbabir nɔ, Israel tee men. N ɛ Abraham naa dɛ le Bɛnjamen dea.

2 Kɔrent 11:22

Dɛ Hibru tenaa ban aa, bɛlee n ɡe. Israel tena ɡee ban aa, bɛlee n ɡba. Abraham naanaree ban aa, bɛlee n ɡe.

1 Samoɛl 4:6

Filisti tena la aa no Israel tena ɡbɔɡa la, ba ŋɔ, “Bɔkwa ɡe ɡbɔɡaa dɛɛ le Israel tena tɛnte deene bini ken?” Baa noa kɛŋɔ Korowii Ne Nɛwɛnyina Fɔo Daka la nee ba ba bela la,