Felepae 3:21 - mzwDBL

²¹ Dɛ o balaa, wɛɛ beɡre ya bwadabisale aa won pɔeh nɔɔ á do wer kɛŋɔ o ɡbaɡba bwadabii aa do wer kohona ɡɛ la. O kpeɡri taa wɛɛ ba ɡɛ ɛɛ. O dɔ kpeɡri kɛŋɔ o won ɡel komɛlbwa no o be.

Felepae 3:21 Iomraidhean Croise

Yelsom 1:11

Yaa ɛ suuɡaswɛm deŋna kwaa tɛɛ, dɛ́ kpɔ suuɡapoŋ kwaa o bwara.

Aesaya 25:8

Wɛɛ le seo nee waa wola lee do kpa bwa. Nemenɛ Korowii ɛɛ fee nomɛlbwa siniiree, dɛ́ laa sihiih o nɛra aa dia kpɔ harɛ nɔ bwa ta. Korowiirii bola.

Aesaya 26:19

Kɛ he nɛra baa serewa la ɛɛ iruu, dɛ́ berɛ dɔ bwadabii ja. He banɔ la haa lɔ lalbɔɔne bini, hé ir, dɛ́ ɡo silɛɛ yela! Gɛ mɛn yon ta kwaa ta aa do wer chɔɔbɔr la, ɡɛɛ Korowii ɛɛ ba banɔ la baa serewa la mkpa tɛɛ.

Hosia 13:14

Mɛɛ lɛɛ ba le lalbɔɔ bini, dɛ́ lɛɛ ba le seo nyoa. Seo, leperaa he weechɔɡa dɔɔ jaɔ? Lalbɔɔ, leperaa chɔɡa haa dɛ ba yaa chɔɡa dɔɔ? Maa tedomaa dɔ tɛ he Israel tena,

Matiu 17:2

Baa soɡa la, dɛ Yeesu beɡrɔ, o siebɔr do kɛŋɔ wee ken, asɛ o laala waa doa la ɡe to dɛɛ nyɛɡle al-al ken.

Matiu 22:29

Anee Yeesu chaŋ ba ŋɔ, “He kono kwaraa! Haa wola Korowii Waa baa chwera ne o kpeɡri waa jemɛ la waa.

Matiu 28:18

Yeesu tel ba jwɛh dɛ ŋɔ, “Korowii kpɔ nyundua ne harɛ nɔ ta bwa kpeɡri do n nɔn ta.

Tɔn Pɔɔl Aa Chwerɛ Rom Tena 8:29

Nɛra Korowii aa jemɛ ba waa cheɡ wubwa la, waa wola ban tae mɔɔ la, dɛ o tɔ sie lee ba ŋɔ bá ba do kɛŋɔ o Bie la ken, ásɛ ba bwa ɛ o Bie la nimanar, ásɛ o ɡe ɛ ba Dɔɔ.

Kolosi 3:4

Awola Yeesu Kristo he mkpa aa lɔ o be aa ba harɛ ta la, he ne o bwa ɛɛ pɛo dɛ ba ɡɛ saŋ, dɛ ba dɔ jirima o bala la ta.

1 Jɔn 3:2

Yabala, taraken ya ɛ Korowii bii. Yaa jemɛ kɛrɛdɛ ɡɛ yaa dɛ ba doe. Kɛ ya jemɔ kɛŋɔ awola Yeesu Kristo aa forɛ le nɛra nao la, ɡɛ waa doa la, ɡɛɛ ya ɡe ɛɛ ba doe, dɛkalkɛ yaa nao dɛ́ na ɡɛ waa doa.

Wepila 1:8

Nemenɛ Korowii Waa Ɛ Kpeɡri Bwa Dɔɔ dɛ do le saŋ la dɛ ba le fini, dɛɛ ba le doe saŋ bɛlbwa la, o ŋɔ, “Menee komɛlbwa Mumpar ne a Jaɡa.”