Felepae 3:2 - mzwDBL

² Hɛ́ɛ do nɛnchɔɡa baa ɛ ba te manyare la dɛɛɡɔ. Nɛra baa dɛ maŋkura penteŋ dɛ ŋɔ nómɛlbwa mɔn o bɔtɔn mɔɔ dɛ́ tomɛ Korowii la waa mɛɛ bol la.

Felepae 3:2 Iomraidhean Croise

Yela 119:115

Hé le n nɛɛ kaa, wechɔɡ-ɛɛra, ásɛ n won dɛɛ teŋɛ waa Korowii maa dɛ tomɔ aa do mɛ ta!

Yela 22:16

N dɔma bar mɛ cheme, kɛŋɔ nyootena aa wara dɛ tɔ mɛ do baah ta, dɛɛ toɡri n nɔɔra ne nakpale.

Yela 22:20

Lɛɛ mɛ le tokobi seo nyoa. Lɛɛ mɛ le n dɔma baa do kɛŋɔ nyootena nɔ nɔn ta.

Sɛɡla 26:11

Gɛ nyoate yon uɡe dɛ berɛ kaa dia la, ɡɛɛ ɡɛne teŋɛ dɛɛ ɛ ɡɛnewa.

Matiu 24:10

A ba ɡɛ naa, nɛra baa teŋɛ n nɛɛ nɔ kɛrɛdɛ ɛɛ le n habɔɔ, dɛ́ le ba bala tɛ, ásɛ dɛ hah dɔŋa.

Matiu 7:15

Hɛ́ɛ nyiŋi nyosonteŋna baa ŋɔa Korowii keameree ban la kɛrɛdɛ. He na ba aa, ba pwɛre kɛŋɔ peera ken. Kɛ ba bini te, ba sie beɡre kwaa kɛ ɡboli ken.

Matiu 7:6

Dɛ hé dɛ bol Korowii Amanesoma dɛɛ baɡle nɛra, asɛ baa no dɛ ɛa kɛ wesalee yaa, hé ɡel ba, dɛkalkɛŋɔ he kpɔ kondɛɛɡa tɛ nyootena aa, aa wola a waa jemɛ la, aa ɡelaa dɛ́ ba dorome. He kpɔ kondɛɛɡa ta parakooni ɡe aa, aa tiɡri a taa dɛ́ laa chɔɡ.”

Tɔn Pɔɔl Aa Chwerɛ Rom Tena 2:28

Nɛn waa ɛ Juu te, wobɛlbwa aa wola toole dɛɛ baɡle kɛ o ɛ Juu te, dɛ ja o pen teŋa ɡbo ta la, Juu te tenten laa on. Penteŋa dɔ mun.

2 Kɔrent 11:13

A ɡɛ nɛra la, Yeesu Kristo toroma ɡbaɡba laa ban. Neɡraa baa neɡre nɛra, dɛ ɛ ba te kɛ Yeesu Kristo toromaa ban la.

Galaasia 5:13

Yabala, Korowiirii le heyaa tɛ o te, dɛ lɛ heyaa asɛ Mmara la bɛ heyaa vɔrɔwe kpa. Kɛ haa dɔ he te nɔ, he bɛ ɡel a do he som kohona, asɛ hɛɛ ɛ wechɔɡa la bwa he bwadabii aa dɛ nyin kɛŋɔ hɛɛ ɛ. Hé kpɔ dɔŋa nyina dɛɛ tomɛ dɔŋa.

Galaasia 5:15

Dɛ haa dɔŋa nyin, dɛɛ yo aa, amɔ te hɛ́ɛ nyiŋi kɛrɛdɛ. A waa laa aa, he dɛ ba dɔŋa baah chɔɡa kwaraa.

Galaasia 5:6

Yeesu Kristo ŋwɛnɛ ta teŋa nɔ ta te, ba teŋe nɛn pen oo, ba ta o pen teŋoo, a laa ɛ wehiah. Waa aa hiah laanee kɛŋɔ nɛn aa dɛ yarada Yeesu Kristo, asɛ ɡɛ yarada nɔ won ɡel wɛɛ nyin o dɔŋa.

Felepae 3:19

Ŋwɛnɛ ɡɛ nɛra nɔ aa kpɔ o ta la dɛ kaa ba ne seo ta. Ba kpɔ tea ne bwadabii waa ɡwaa Korowii. Waa aa ɛ sihihwaa la, a nee baa ta nyoa. Ba liire bwa lɔ harɛ nɔ ta kwaa ta.

Felepae 3:3

Ya banɔ la yaa dɛ tomɛ Korowii o Domadɛɛɡe kpeɡri ta dɛɛ tɛ Yeesu Kristo sɔn, yaa wola bɔtɔn mɔna waa maŋkura la, yanee jemɛ penteŋ tenten la.

1 Timoti 1:19

ásɛ dɛ kpoŋe Korowii yarada bini kiŋkiŋ, dɛɛ ɛ waa haa jema kɛ a toɡrɔ. Gɛɛ bane aa wola ɛɛ, asɛ ba ta wone yarada Korowii ka tonɛ dɛ horɛ la.

Taetos 1:16

Ba ŋɔ ba jemɛ Korowii, kɛ ba we-ɛɛla dɛ baɡle kɛŋɔ baa Korowii jemɛ. Ba we-ɛɛla doŋo Korowii be kohona, ba deŋne ɡe kpeɡri. Baa won ɛ wedɛɛɡe bɛlbwa bwa.

2 Pita 2:22

Ba waa nɔ ɡelɔ sɛɡla baa sɛɡla Korowii Tɔn bini la ɛ kasinteŋ. Ba sɛɡlɔ ŋɔ, “Nyoate uɡaa, ɡɛɛ o berɛ dia,” dɛ sɛɡle ŋɔ, “He sɔ parakoo ne aa, wɛɛ berɔɔ ka ɡbili o kpechɛɡre ta.”

Tɔn Jud Aa Chwera 1:4

Nɛra bane sɔɔh dɛ ba koo he baah haa wola jemɛ. Baa Korowii tomɛ, dɛɛ bol ŋɔ nɛra ɛɛ wonoo dɛɛ ɛ wedoŋa, dɛkalkɛ Korowii dɛ sune nɛra nɛ. Ba dɛ ɛ ɡɛ ásɛ dɛ fe dɔ bɔr che dɛ́ɛ ɛ wedoŋa baa dɛ nyin. A ɡɛ nɛra nɔ vɛh ya Nomoa beŋkpoŋ Yeesu Kristo waa dɔ yaa la kɛŋɔ ba Dɔɔree on. Saŋ la bwaa Korowii Tɔn baɡle ɡɛ Korowii aa pa ba bolchɔɡe dɛɛ ba ba deŋne tɛra.

Wepila 2:9

N jemɛ he wahala ne he nyae wa, kɛ he ɛ dɔɔhna taeh. N jemɛ wechɔɡa nɛra baa dɛ yerɛ ba te Juu tena kɛ dɛ ɛ Bɔnsam habɔteŋra la aa bola dawɛ he nɛ.

Wepila 21:8

Kɛ ɔmeera ne nɛra baa wola men yarada, ne nɛra baa dɛ ɛ waa maa kia, ne nɛra baa dɛ kpoo nɛra, ne nɛra baa dɛ bɔ jwamane, ne nɛra baa dɛ ɛ bebeewa, ne voɡtoroma dɛ nyosonteŋna. Ba bwa bɔree nii ne jebɔrɔwe aa yɛɛra chɔ kɛŋɔ moo dɛɛ fuh la ta. Anee seo nɛɛtena la.”

Wepila 22:15

Nɛndoŋa, ne nɛra baa dɛ ɛ bebeewa, ne jwamane tena, ne nɛra baa dɛ kpoo nɛra, ne voɡtoroma, ne banɔ la bwa ba sie aa dɛ lɛ nyosone teŋa, ne nɛra neɡra la te, ba ka bwɛɛ la dahare.

Wepila 3:9

Hɛ́ɛ no! Bɔnsam habɔteŋra baa dɛ teŋe nyosone, baa wola Juu tena ɛɛ dɛɛ yerɛ ba te Juu tena la, mɛɛ ɡeloo bá ba ɡuŋi he sie, dɛ́ jemɛ kɛŋɔ n dɛ nyin heya.