Felepae 3:12 - mzwDBL

¹² N ta ŋɔe ŋɔ n denɔ won do kaih dɛ ɛ nɛndɛɛɡe dɛ ka tonɛ. Akai! N ta swɛɛ siwi dɛɛ nyin ń won do ɡɛ bwa Yeesu Kristo aa lee mɛ ŋɔ ń do la.

Felepae 3:12 Iomraidhean Croise

Job Tɔn 17:9

Kɛ ane a bwa, nɛra ba wa aa toɡra la ɛɛ teŋɔɔ dɛ́ do ɡɛ dɛɛ la, dɛ́ teŋɛ dɔ bokpeɡa saŋ bɛlbwa.

Yela 119:5

N dɛ nyin kɛ n waa fe dɔ kasinteŋ, mɛɛ teŋɛ he waa ta!

Yela 138:8

N Naa Korowii, hɛɛ ɛ waa haa baɡ mɛ nyoa laanee. He nyina haa dɛ nyin yaa lole saŋ bɛlbwa dɛɛ la, anomanta, bɛ he ɡbaɡba nɛra haa ta yaa la vɛh.

Yela 42:1

N Naa Korowii, ɡɛ nyɔɡre kpo welo, o siwi yon swɛɛ, wɛɛ nyin nepale waa sɔna la, ɡɛɛ n siwi swɛɛ he wa.

Yela 63:8

Mɛɛ lawɛɛ kpoŋe kiŋkiŋ, ásɛ he tɔ n nɛɛ he kpeɡri ne.

Yela 84:2

Bela waa dɛ ɛɛ mɛ taeh! N dɛ nyin kɛ n fe aa lɔ he Dea. Mɛɛ ɡo silɛɛ yela n bambile bwa nee tɛ Korowii waa lole saŋ bɛlbwa la.

Yela 94:15

Waa bola dɛ́ pa bole aŋwɛnɛ ta ɛɛ berɔ do le, ásɛ nɛra ba wa aa toɡra ɛɛ teŋɛ a ta.

Sɛɡla 4:18

Nɛra ba wa aa toɡra waa do kɛŋɔ, bɔr aa chaahna chɔmbibii ka tel kɛŋɔ wee aa baŋa.

Aesaya 51:1

Korowii ŋɔ, “He banɔ la he siwi aa swɛɛ waa aa toɡra ta, hɛɛ nyin he jem mɛ la, hé no n be. Hé lii he nabaa Abraham waa do kɛŋɔ bwe baa pɛɡre heyaa le o ta, ne bɔɔ baa kwi heyaa le o bini la.

Hosia 6:3

Hé ɡel ya takapɔ dɛ́ jemɛ Korowii, ya do sie dɛɛ yaradao. Wɛɛ ba ya bee kɛŋɔ chɔɔlen wee ken. Wɛɛ bao kɛ bwaala, kɛŋɔ yoo saŋ bwaala aa wola vɛh la.”

Matiu 5:48

A chɛ kɛŋɔ hé we-ɛɛla bwa do kaih, ɡɛ he Mɛɛ waa lɔ nyundua la waa aa do kaih la.”

We-ɛɛla 9:15

Anee Yeesu ŋɔ o be ŋɔ “Kaa! Menee leo dɛɛ nyin n tomɔ, ásɛ nɛra baa wola Juu tena ɛɛ ne ba koranar ne Israel tena bwa ba che o nɛɛ dɛ́ jem mɛ.

Tɔn Pɔɔl Aa Chwerɛ Rom Tena 8:39

Komɛlbwa toole dɛ do nyundua kɛɛ harɛ bobɛlbwa dɛ́ won tɔ yaa ŋwɛnɛ. Korowii kontaala bini komɛlbwa toole dɛ́ won pere yaa le Korowii nyina aa cheɡɛ ya Dɔɔ Yeesu Kristo nɛɛ wɛɛ nyin yaa la ta.

1 Kɔrent 13:10

Anɔ la aa wera ka tonɛ la saŋ telaa, tama yaa dɔa taraken nɔ bwa ɛɛ tonɔɔ.

1 Kɔrent 13:12

Gɛ tentenee ya waa do taraken. A do kɛŋɔ yaa dɛ nyiŋi diɡi waa wola na kɛrɛdɛ ta ken. Dɛ tɔpere bɛl telaa, yaa naa kɛrɛdɛɛ kɛŋɔ a chɔ ya sie. Anɔ la bwa yaa jema taraken nɔ, anjena ta lɔ mun ta. Kɛ tɔpere la telaa, mɛɛ jemɛ wobɛlbwa ɡɛ Korowii aa jem mɛ la.

1 Kɔrent 9:24

Dɛ nɛra dɛ ba chwae dɛ lɛ komɛl aa, ba bwa dɛ chwa te, kɛ ba bini beŋkpoŋii dɛɛ dɔ kon la. Anomanta, hé chwa kɛrɛdɛ dɛ́ dɔ kon la.

2 Kɔrent 13:9

Ya ɡwɛɡrɔ hé do kpeɡri aa, dɛ ya sie lɛo. Ya dɛ soŋe Korowii kɛŋɔ he waa toɡre ka tonɛ.

2 Kɔrent 7:1

N dandɛɛɡa, yanee Korowii baɡɛ a ɡɛ nyoa nɔ bwa. Anomanta, hé ɡel ya do kaih. Yá laa ya bwadabii ne ya bambile kpɔ wechɔɡa bɛlbwa ta. Hé ɡel ya swɛɛ siwi dɛ do ɡoroŋ, ɔma yaa dɛ ɔmɛ Korowii nomanta.

Galaasia 5:17

dɛkalkɛŋɔ waa he nɛwɛnyini mar wechɔɡa aa suu la aa dɛ nyin la, Korowii Domadɛɛɡe la aa an nyin. Nɛwɛnyini mar wenyina ne Korowii Domadɛɛɡe wenyina aa jo. Anomanta, waa haa dɛ nyin ɛɛ la, haa wona ba dɛ ɛ.

Ɛfesos 1:4

Korowii felo dɛ le yaa tɛ o te saŋ la o fa aa wola harɛ ɡba tae la, dɛ ŋɔ o dɛ ba ɡela ya ne Yeesu Kristo pɛ yá won do kaih dɛ bɛ doŋa bɛlbwa dɔ o be.

Ɛfesos 4:12

Gɛɛ o ɛ dɛ cha nɛra bá ɡe won ɛ o toma dɛ́ cha dɔŋa Yéesu Kristo bwadabii la won do kpeɡri,

Felepae 1:1

Men Pɔɔl ne Timoti yaa ɛ Yeesu Kristo bonɔɔna la, yanee chwerɛ tɔn nɔ dɛɛ tɛ Korowii nɛra he wa aa toɡra, he ne Yeesu Kristo pɛ he do Felepae la, ne he nɛra baa tɔ asɔre tena sie ne nɛra baa chɔ tomare nyoo la bwa.

Felepae 3:16

Kɛ ɡɛ bwa yaa wona dɛ jemɛ la, yá kpoŋe a bini dɛɛ la.

Felepae 3:3

Ya banɔ la yaa dɛ tomɛ Korowii o Domadɛɛɡe kpeɡri ta dɛɛ tɛ Yeesu Kristo sɔn, yaa wola bɔtɔn mɔna waa maŋkura la, yanee jemɛ penteŋ tenten la.

Felepae 3:8

Kasinteŋ, komɛlbwa ne wobɛlbwaa n vɛh dɛɛ yera wepuu dɛ́ won jemɛ n Dɔɔ Yeesu Kristo. O jemaa hiaah ɡwaa komɛlbwa. N koh o waa dɛ ɡel wobɛlbwa ta, dɛɛ liira puldoa haahra, dɛɛ nyin ń won dɔ Yeesu Kristo kɛrɛdɛ,

1 Tesalonika 5:15

Hé nyiŋi kɛrɛdɛ dɛ bɛ ɡel bɛlbwa kpɔ wechɔɡa dɛɛ bɔ wechɔɡa kem, kɛ hé ɛ wedɛɛɡa dɛɛ tɛ he dɔŋa ne nomɛlbwa.

2 Tesalonika 2:13

Anomanta, a chɛ kɛŋɔ yá jam Korowii saŋ bɛlbwa he wa, yabala. O dɛ nyin heyaa kɛrɛdɛ, dɛ le harɛ mumpar la bwa le heyaa kɛŋɔ wɛɛ lɛ heyaa. O Domadɛɛɡe aa ɡela he doŋa bwa le he nɛɛ la, ne ɡɛ haa no o kasinteŋ waa dɛ yaradaa la, a waa o lɛ heyaa la.

1 Timoti 5:10

nɛra bwa jemɛ o wedɛɛɡa waa ɛa wa, kɛŋɔ waa wona dɛɛ o bii ŋwɛnɛdɛɛɡe ta ba ɛ bechadɛɛɡa, dɛ won dɛɛ kpoŋe hɔɔhra kɛrɛdɛ, dɛ pwɛr o te ɛ toma tɛ asɔre tena, dɛ won cha nɛra wa aa puu ba, asɛ dɛ won kpɔ o te bwa tɛ wedɛɛɡa ɛɛ ɡbo la waa mɛɛ bol he be ŋɔ hɛ́ɛ nyiŋi ba nɛɛ la.

1 Timoti 6:19

Dɛ ba dɛ ɛ ɡɛ naa, an dɛɛ ba kerekere kondɔɔh aa wola chɔɡ bwa nyina cheɡ ba nyundua. A taa baa ba wona dɔ mkpa tenten la.

Hibru 12:14

Hé swɛɛ siwi kɛŋɔ he ne nɛra bwa baah ɛɛ do werii, dɛ́ swɛɛ siwi kɛŋɔ hɛɛ do ɡoroŋee, dɛkalkɛŋɔ dɛ nomɛlbwa ta ɡoroŋ doe yaa, waa Korowii nae ba.

Hibru 12:23

O binomonome o kapɛrɛ aa ku ba nɔn asɛ ba sɔna do tɔn la aa lɔ o be la ta la ɡba cheme bela. Ba ne Korowii waa dɛ ba nɛra bwa waa bola dɛ́ pa bole la, ne lala ba wa aa toɡra dɛ su o siwi, asɛ o ɡel ba ɛ nɛndɛɛɡa ka tonɛ la bwa bee he ba.

Hibru 13:21

Kórowii waa dɛ tɛ bambisɔɔhna la tɛ heyaa dadɛɛɡe aa chɛ kɛ he dɔ, dɛ́ won dɛɛ ɛ o tetoora bwa. Ó che Yeesu Kristo nɛɛ dɛ ɛ waa waa dɛ nyin bwa ya bini. Yeesu Kristo chɛ jam saŋ te bɛlbwa! Aamen.

Jems 3:2

Ya bwa dɛ koni saŋ bɛlbwa. Dɛ nɛn aa wobɛlbwa waa dɛ bol la ta koni aa, dɛ o ɛ nɛn o wa a toɡra tenten. Nɛn waa won o wobol nyiŋa la, o won o te lawa wobɛlbwa ta.

1 Pita 5:10

Kɛ he baa na waa tama aa, Korowii waa dɛ na nɛra sum dɛɛ cha ba kohona la, o ɡbaɡba ɛɛ kwaa he wobɛlbwaa, dɛ́ ɡel he che kiŋkiŋ, dɛ́ do kpeɡri, dɛ́ lawɛ heyaa he bɛ chole. Onee le heyaa hé won che pɛɛ he ne Yeesu Kristo aa pɛa la ta, dɛ dɔ o jirima aa wola jaɡa dɔe bwa la.

2 Pita 3:18

Kɛ hé swɛɛ siwi ásɛ ya Dɔɔ waa ɛ ya Lɛɛ Yeesu Kristo suna waa sune he nɛɛ dɛɛ cha heyaa la ɛɛ ja kohona. Hé swɛɛ siwi dɛɛ dɔ wejema o waa ta kohona. Hé ɡel ya tɛo jirima taraken ne saŋ bɛlbwa. Aamen.