Felepae 3:1 - mzwDBL

¹ Yabala, waa aa kaa laanee kɛŋɔ, hé ɡel he sie lɛ he ne ya Dɔɔ pɛɛ la ta. Wesiwi beŋkpoŋii n berɛ chwerɛ dɛɛ tɛ heyaa la, kɛ aa men ha. A dɛ ba ɡela he won che kiŋkiŋ.

Felepae 3:1 Iomraidhean Croise

1 Webena 15:28

Gɛɛ Israel tena bwa kpɔ silɛɛ lɔŋɔre teŋɛ Korowii Ne Nɛwɛnyina Fɔo Daka la nɛɛ ba Jerusalam. Dɛɛ hoh pebal nyeɡle bɛle, ne bɛle tenten ne kwaa anɛ ane baa kpɔ ayaawa ɛa dɛɛ hɛlɛ, dɛ janjelare dɛɛ lɔ yela.

1 Webena 16:10

Hé ɡel he sie lɛ o sɔn waa do ɡoroŋ la ta, nɛra haa dɛ tomɔ, hé ɡel he sie lɛ.

1 Webena 29:22

Ba di saraha kwaa la, dɛ nyɔ sen lɛ ba sie kohona Korowii sie awola. Belaa ba lɛ Solomɔn waa ɛ Kooro Devid bibaa do nɛɛtena kɛŋɔ kooro, dɛ fuɡe noo do o nyu ta Korowii sie, dɛ cheɡo kora ta, dɛ fuɡe noo do Sadɔk nyu ta o ɡe ɛ sɔfo.

Nehemia 8:10

Nehemia ŋɔ nɛra la be ŋɔ, “Hé kaa dem, dɛ́ ka di he silɛɛ kondikwa, dɛ́ nyɔ sensoma, ásɛ dɛ kpɔ ane ka tɛ banɔ la baa wola ane dɔe. Fini tɔpere nɔ do ɡoroŋ tɛ Korowii yaa dɛ tomɔ. He bɛ suna di, dɛkalkɛ silɛɛ Korowii aa tɛ heyaa la ɛɛ ɡeloo he dɔ bokpeɡa.”

Job Tɔn 22:26

Anee dɛ́ ɡel he sie lɛ o nɛɛ kohona, ásɛ he won dɛɛ tomɔ bambidɛɛɡe ne.

Yela 149:2

Israel tena, hé ɡel he sie lɛ he hɛɡre, Korowii waa ta heyaa la wa. Saayɔn tena, hé hɛɡre he kooro wa!

Yela 32:11

He nɛra he wa aa toɡra, hé ɡel he sie lɛ hɛɛ hɛɡre, waa Korowii aa ɛa la wa. Nɛra haa dɛ teŋɛ o waa ta la, hé do lɔŋɔre silɛɛ ne.

Yela 33:1

Nɛra he wa aa toɡra bwa, hé ɡo silɛɛ yela kpɛɛ Korowii waa waa ɛa wa, nɛra haa dɛ teŋɛ o waa ta bwa, hé kpɛɛro.

Yela 37:4

Hé ɡel he sie ɛɛ lɛ Korowii nɛ, ásɛ o tɛ heya he bambile konnyina.

Yela 42:4

N lii n saŋ la aa, dɛ n bambile chɔɡɔ, n ne nɛnlaa bwa fa yon la hen Korowii Dea, ásɛ n tɔ ba sie ba teŋɛ, ba sie lɛ ba ɡo yela, dɛɛ hɛɡre dɛɛ kpɛɛre.

Yela 5:11

Gel nɛra baa chwaa baa marɛ sie lɛ, baa wonoo ɡo yela saŋ bɛlbwa ba sie lɛ. Kpɔ nɔn tɔ ba nɛ, ásɛ nɛra he wa aa lɔ ba bambile ta la sie lɛ.

Yela 97:1

Harɛ nɔ ta nɛra, hé ɡel he sie lɛ, dɛkalkɛŋɔ Korowii dɛ di kora. Gel nɛra baa soɡe ekwie harɛre ta la ɡe hɛɡre.

Aesaya 41:16

Hɛɛ palaa ásɛ peu kpɔa kaa, peujen lɔa merɛ. Kɛ he te sie ɛɛ lɛ Korowii nɛɛ, ásɛ dɛ kpɛɛ men Israel Nɛŋɡoroŋ la.

Aesaya 61:10

N dɛ hɛɡre kohona waa Korowii maa dɛ tomɔ aa ɛa nɔ wa. O kpɔ laala ne waa aa toɡra ɛ batakaare do mɛ dɛ lɛɛ mɛ. N wer kɛŋɔ hanfale ne o jaa aa kpɔ ba te kɛrɛdɛ dɛɛ kaa ba cheremibɔr ken.

Aesaya 65:14

N bonɔɔna ɛɛ ɡo silɛɛ yelaa, kɛ he te ɛɛ wi lokua wii.

Joel 2:23

Saayɔn tena, hé ɡel he sie lɛ, hɛɛ hɛɡre Korowii haa dɛ tomɛ nɛ yoo bwaala ne bwaala loɡla waa tɛ heya kɛrɛdɛ wa. O ɡelɔ bwaala nɛ heyaa kohona.

Sefania 3:14

Israel tena, hé ɡo yela silɛɛ ne, dɛ́ kpɔ takpeɡ kpɛɛ Korowii. Jerusalam tena, hɛ́ɛ hɛɡre bambile bwa ne!

Sefania 3:17

Korowii haa dɛ tomɔ la ja he nɛ. O dɔ kpeɡri dɛ́ won lɛ heya. O sie ɛɛ lɛ he nɛɛ kohonaa, dɛ́ che o nyina ta tɛ heyaa mkpafale. Wɛɛ ɡo yelaa dɛɛ hɛɡre he wa.

Sekaria 10:7

Israel tena ɛɛ doo kɛŋɔ banyoola, ásɛ ba sie lɛ kɛŋɔ nɛra aa nyɔ sen ba sie ɛɛ lɛ la. Ba bii ɛɛ nao ba sie lɛ, ásɛ ba hɛɡre waa Korowii aa ɛa wa.

Matiu 5:12

Hé ɡel he sie lɛ kohona, dɛkalkɛ he kembɔr kan taeh Korowii be. Gɛɛ ba kpɔ ɛ Korowii keamere baa tɔ sie la.

Amanesoma Luk Aa Chwera Tɔn 1:47

N sie lɛ Korowii waa ɛ n Lɛɛ la nɛ.

Tɔn Pɔɔl Aa Chwerɛ Rom Tena 5:11

A ɡbo laa. Ya sie lɛ Korowii nɛɛ kohona ya Dɔɔ Yeesu Kristo nomanta. O nɛɛ a che ya ne Korowii pɛ.

2 Kɔrent 13:11

Too, yabala, n nyoa jaɡɛ bonɔ. Hé so kɛrɛdɛ. Hé swɛɛ siwi kɛ hɛɛ ɡeloo he wobɛlbwa toɡre ka tonɛ. Hé no n waa maa bola dɛ kpɔ ja heyaa la. Hé ɡel he nyoa pɛ, he bɛ dɛɛ yo. Korowii waa dɛ nyin nɛwɛnyini kohona dɛɛ tɛ bosɔɔhna la, ó cha heya.

Ɛfesos 6:10

Anɔ la aa kaa laanee kɛŋɔ hé ɡel he ne ya Dɔɔ pɛ, ásɛ he won dɔ kpeɡri waa dɔa kohona la.

Mmarare 12:18

He ne he bibaala ne bihaahna ne bonɔɔna ne toli, dɛ Lewi dea tena baa lɔ he bwɛɛre ta bwa chɛ kɛŋɔ hɛ́ɛ di a ɡɛ saraha kwaa nɔ Korowii haa dɛ tomɔ sie, bobeŋkpoŋ waa le tɛ heyaa la, dɛ́ ɡel he sie lɛ wobɛlbwa haa ɛa ta.

Mmarare 16:11

Hé ne he bii, ne he bonɔɔna, ne toli ne Lewi dea tena, ne hɔɔhra ne bilalbii, dɛ luhaahna baa lɔ he bwɛɛre la ta bwa pɛ, dɛ́ lɛ sie bela Korowii aa lea tɛ heyaa ŋɔ hɛɛ tomɔ la.

Felepae 3:3

Ya banɔ la yaa dɛ tomɛ Korowii o Domadɛɛɡe kpeɡri ta dɛɛ tɛ Yeesu Kristo sɔn, yaa wola bɔtɔn mɔna waa maŋkura la, yanee jemɛ penteŋ tenten la.

Felepae 4:4

Hé che pɛɛ he ne ya Dɔɔ aa pɛa la ta dɛ́ ɡel he sie lɛ. Kasinteŋ, hé ɡel he sie lɛ.

Felepae 4:8

Too, yabala, anɔ la aa kaa laanee nɔ. Hé ɡel he liire do wedɛɛɡa ta. Wobɛlbwa aa ɛ kasinteŋ, ne anɔ la aa dɔ jirima, ne anɔ la aa toɡra, ne anɔ la aa do kaih, ne waa aa wera, dɛ anɔ la aa dɔ pɛla, wobɛlbwa aa ɛ wedɛɛɡa dɛ chɛ kpɛɛra la, hé ɡel he liire do a ta.

1 Tesalonika 4:1

Anɔ la aa jaa la, yabala, waa la haa hwela ya be ɡɛ aa chɛ kɛ he so ásɛ Korowii sie lɛ he nɛɛ la, ɡɛɛ hɛɛ ɛ la. Ya cheɡɛ ya Dɔɔ Yeesu naa ta dɛɛ ja heyaa ŋɔ a chɛ kɛ he ɛ dɛ ɡwaa ɡɛ.

1 Tesalonika 5:16

Hé ɡel he sie ɛɛ lɛ tɔpere bɛlbwa, wobɛlbwa ta,

Jems 1:2

Yabala, dɛ wobɛlbwa pu heyaa dɛ ɛ wekpeɡa aa, hé ɡel he sie lɛ.

1 Pita 3:8

Waa maa dɛ nyin n bol laanee kɛŋɔ hé ɡel he nyoa pɛ, hé dɔ dɔŋa chal, hɛ́ɛ nyin dɔŋa kɛŋɔ nyabii. Hé dɔ tedoma dɛɛ tɛ dɔŋa, dɛ pwɛr he te dɛɛ tɛ dɔŋa.

1 Pita 4:13

Hé ɡel he sie lɛ kɛŋɔ haa dɛ na Yeesu Kristo wenaale dɔŋa nɔ, ásɛ awola haa ba na o jirima waa dɔa la, he sie lɛ, he bwara sɔɔh heyaa kohona.

2 Pita 3:1

N dandɛɛɡa, tɔn nɔɔ n tɔn nɛɛte maa chwerɛ heya. N tɔne anɛ nɔ bwa bini la, n dɛ lii heyaa ásɛ he do wɔrɔbe waa nɔ ta, dɛ́ dɔ tepoŋ.

1 Samoɛl 2:1

Anee Hana jam Korowii ŋɔ, “N Naa Korowii, he ɡelɔ n sie lɛ kohona, n sie lɛ waa haa ɛa wa! He ɡelɔ n sie lɛ mɛɛ mamɛ n dɔma, lɛɛ haa lɛɛ mɛ la wa.