Felepae 2:8 - mzwDBL

⁸ Waa baa ɛ nɛwɛnyini la, o pwɛr o te dɛɛ no o Mɛɛ Korowii nyoa wobol, dɛ ɡel ba kpoo. Hale daɡaɡre ta kwaraa ba kpoo.

Felepae 2:8 Iomraidhean Croise

Yela 22:16

N dɔma bar mɛ cheme, kɛŋɔ nyootena aa wara dɛ tɔ mɛ do baah ta, dɛɛ toɡri n nɔɔra ne nakpale.

Sɛɡla 15:33

Nɛn waa dɛ ɔmɛ Korowii la dɛ jemɛ wa, he ta he te pwɛraa, haa jirima dɔ.

Matiu 17:2

Baa soɡa la, dɛ Yeesu beɡrɔ, o siebɔr do kɛŋɔ wee ken, asɛ o laala waa doa la ɡe to dɛɛ nyɛɡle al-al ken.

Matiu 26:39

Yeesu la sie tama dɛ ka kpɔ sie pi harɛ dɛ soŋe Korowii ŋɔ, “N Mɛɛ, dɛ a fe ɛɛ maɡroo waa, he bɛ ɡel a ɡɛ wahala nɔ ba n nɛ. Kɛ anla aa too n tea laa mɛɛ nyin, kɛ ɛ he tetoowa.”

Matiu 26:42

Yeesu berɔ ka soŋe Korowii ja dɛ ŋɔ, “N Mɛɛ, dɛ nae chɛ kɛŋɔ ń na ɡɛ wahala nɔ, ásɛ he laa kpɔ n nɛɛ aa wola maɡre aa, ɛa ɡɛ aa too he tea.”

Amanesoma Luk Aa Chwera Tɔn 9:29

A ɡɛ saŋ Yeesu aa dɛ soŋe Korowii la, o siebɔr beɡrɔ, asɛ o laala waa doa la to dɛɛ nyɛɡle al-al ken.

Amanesoma Jɔn Aa Chwera Tɔn 10:18

Lao seo laa mɛɛ ba sewa nɔ. N tetoosewee mɛɛ ba sewa. N dɔ kpeɡri kɛ ń kpɔ n te tɛ dɛ́ sewɛ, dɛ́ berɛ dɔ kpeɡri kɛŋɔ ń ir seo ta. Gɛɛ n Mɛɛ ŋɔ ń ba ɛ.”

Amanesoma Jɔn Aa Chwera Tɔn 14:31

kɛ a chɛ kɛŋɔ harɛ nɔ ta nɛra bwa jemɛ kɛ n dɛ nyin n Mɛɛ la, a waa mɛɛ ɛ anɔ la bwa waa do mɛ ŋɔ ń ɛ la. Hé ir, yá le bonɔ.”

Amanesoma Jɔn Aa Chwera Tɔn 15:10

He dɛ teŋɛ waa maa kpɔa tɛ heyaa la ta naa, haa he tenee laa kpɔ n nyina maa dɛ nyin heyaa la ta, kɛŋɔ maa teŋɛ waa n Mɛɛ aa kpɔa tɛ mɛ la ta maa wola n te laa kpɔ o nyina ta la.

Amanesoma Jɔn Aa Chwera Tɔn 4:34

Belaa Yeesu ŋɔ, “N kondikwaa kɛ maa dɛ ɛ n Mɛɛ waa tom mɛ la tetoora, ne kɛ maa ɛ o toma waa tɛ mɛ la bwa tonɛ.

We-ɛɛla 8:33

Ba doo sihiih dɛ vɛh o waa bola dɛ tɛo aŋwɛnɛ ta, dɛ kpoo. Waa dɔa sewɛ la, umee dɛ́ won baɡle o naanar waa kpaɔ?”

Tɔn Pɔɔl Aa Chwerɛ Rom Tena 5:19

Dɛkalkɛŋɔ ɡɛ nɛmbeŋkpoŋ deŋnekpeɡ aa ɡela nɛra bwa ɛ wechɔɡ-ɛɛra la, ɡɛɛ a che nɛmbeŋkpoŋ pwɛre waa doa ta, asɛ Korowii lɛ nɛra kɛrɛdɛ kɛ nɛndɛɛɡa ba waa su o siwi.

2 Kɔrent 8:9

Kɛ he na ɡɛ ya Dɔɔ Yeesu Kristo aa sune ya nɛɛ dɛ cha yaa kenɛ? He nao kɛŋɔ o fa dɔ kwaa nɔ bwa, dɛ koh he waa dɛ berɛ nya, ásɛ a che o nyae ta he berɛ dɔɔhna.

Galaasia 3:13

Yeesu Kristo lɛ nyotaahna aa lɔ Mosis Mmara la ta bɛ won teŋa la dawɛ o nɛɛ dɛ lɛ yaa le a ta. Korowii Tɔn baɡlɔ ŋɔ, “Nomɛlbwa baa saɡɔ daa ta la, Korowii nyotaahna lɔ o nɛ.”

Mmarare 21:23

he bɛ ɡel o saɡɛ daa la ta tɔɔ per. Hé nyiŋi dɛ́ huɡo awola tenten, ásɛ dɛ bɛ doŋa ba kah harɛ Korowii haa dɛ tomɔ nɔ aa kpɔa dɛɛ ba heyaa tɛɛ he so o ta la. Dɛkalkɛŋɔ Korowii taah nomɛlbwa waa saɡɛ daa ta sewɛ.”

Taetos 2:14

O koh ya waa dɛ sewɛ dɛ won lɛ yaa le wechɔɡa bɛlbwa ta, dɛ laa ya doŋa bwa kpɔ ya nɛ, dɛ kpɔ yaa ɛ o ɡbo nɛra yaa swɛɛ siwi wedɛɛɡa ɛɛ ta.

Hibru 12:2

Yáa nyiŋi Yeesu waa ɛ ya Korowii yaradae bwa nyu te, dɛ ɛ a mumpar ne a jaɡa la. On koh bosɔɔhna waa ba dɔ waa asɛ ba ɛo hɔhɔrɔwa daɡaɡre ta la. O ta sihiih waa koɛh dɛ vɛh. Taraken o soɡe nomombɔr Korowii diɡ ta.

Hibru 12:4

He ne wechɔɡa aa dɛ yo nɔ, he ta yoi chal le he nɛɛ mɔɔ.

1 Pita 2:24

O ɡbaɡba lɛ ya wechɔɡa dawɛ o nɛ, dɛ na wahala daɡaɡre ta, ásɛ ya bɛ so tɛ wechɔɡa, dɛ́ so tɛ wedɛɛɡa ɛɛ. Bola baa doo la taa a che he dɔ bokpeɡa.

1 Pita 3:18

Yeesu Kristo ɡbaɡba sewɔ tɛ heyaa dɛ bɔ wechɔɡa kem. Kerabeŋkpoŋii o sewɛ, waa wola berɛ sewɛ kpa. O ta wechɔɡa ɛɛ bwa, kɛ o sewɔ tɛ wechɔɡ-ɛɛra. Gɛ waa ɛ ya ne Korowii pɛ waa o ɛ ɡɛ. Baa kpoo la, o bwadabii sewa, kɛ o lileo te dɔ mkpafale.