Felepae 2:13 - mzwDBL

¹³ dɛkalkɛŋɔ Korowii soɡe he bɛlbwa nɛɛ dɛɛ ɛ toma, dɛ ɡel he won sɛh dɛ won dɛɛ tomɔ kɛrɛdɛ ɡɛ aa su o siwi.

Felepae 2:13 Iomraidhean Croise

1 Koranar 8:58

O ɡel ya bambili lawɔ, ásɛ ya do ɡɛ waa dɛ nyin, ásɛ dɛɛ teŋɛ o Mmarare ne waa waa do ya naawa la bwa ta.

2 Webena 30:12

Gɛɛ Korowii ɛ, dɛ ja Juda tena nɛ, dɛ ɡel ba dɔ nyopɛo, dɛ teŋɛ waa kooro ne o nomonome aa do ba la ta, ɡɛ waa bola la.

Ɛsra 1:1

Koojen Saeros baa di kora Pɛɛsea harɛ ta. O kora dii benanyoa beŋkpoŋ ta la, Korowii ɡelɔ waa waa cheɡɛ o keame Jeremia nɛɛ bol la ɛ kpela. O ɡelɔ Koojen Saeros chwerɛ tɔne kaa o harɛ bwa ta.

Ɛsra 1:5

Asɛ Juda ne Bɛnjamen deene nomonnyuune, ne sɔfore ne Lewi dea tena, dɛ nomɛlbwa Korowii aa ɡela o bambile aa lawa ir, dɛ́ ka berɛ kwaa ma Korowii Dea waa lɔ Jerusalam la.

Ɛsra 7:27

Ate, sɔfo Ɛsra ŋɔ, “Korowii ya naawa aa tomɔ laanee dɔ jam. Onee ɡela Koojen Atasɛksɛs dɔ liire, dɛ ɡel ba berɛ kwaa ma Korowii Dea waa do ken, dɛ dɔ jirima cheɡ Jerusalam.

Nehemia 2:4

Ate, Koojen Atasɛksɛs ŋɔ n be ŋɔ, “Bɔkwaa hɛɛ nyin kɛ n ɛ́ tɛɛ nɔ?” Asɛ n soŋe Korowii Waa Dɛ Di Kora Nyundua,

Job Tɔn 33:29

Korowii ɛ ɡɛ waa nɔ bwa dɛɛ tɛ nɛn kera anɛ, hale kera atoro,

Yela 110:3

Awola haa yo he dɔma la, he nɛra ɛɛ sɛoh dɛ́ ba teŋɛ he nɛ. He bonɔɔna ɛɛ leo ba he be kɛŋɔ chɔɔlen mɛn ken, he bwe waa do ɡoroŋ la ta.

Yela 119:36

Gel mɛɛ nyin he waa ta teŋa ta, ɡwaa kɛŋɔ maa dɔ kwa.

Yela 141:4

Laa n bambile kpɔ wechɔɡa ɛɛ ta, bɛ ɡel n ja wechɔɡ-ɛɛra nɛɛ dɛɛ ɛ wechɔɡa, kɛɛ n ne ba pɛ nɔn di ba silɛɛ kondikwa.

Sɛɡla 21:1

Kooro bɛlbwa liire lɔ Korowii nɔn ta, kɛŋɔ nɛn yon pere bɔr tɛ nee wɛɛ kpɔ o ta la.

Aesaya 26:12

N Naa Korowii, he dɛ tɛ yaa deŋnesɔɔhna, komɛlbwa yaa dɔa la, henee ɛa tɛ yaa.

Jeremia 31:33

Fɔo n ne Israel tena aa fɔwɛ tɔpera aa lɔ sie la ta laanee nɔ. Mɛɛ kpɔ me Mmaraa do ba bambili bini, dɛ́ chwerɔ do ba nyuune bini, ásɛ n ɛ Korowii baa dɛɛ tom mɛ, ásɛ ba ɡe ɛ n nɛra.

Jeremia 32:38

Baa ɛ n nɛraa, ásɛ n ɡe ɛ Korowii baa dɛ tom mɛ.

Amanesoma Luk Aa Chwera Tɔn 12:32

Anee Yeesu berɛ ŋɔ, “Anomanta, Korowii toroma, haa kanɛ, kɛ he bɛ dɛɛ ɔmɛ, dɛkalkɛ a dɛ ɛ he Mɛɛ waa lɔ nyundua la silɛɛ kɛ he ja o Kora la ta.

Amanesoma Luk Aa Chwera Tɔn 2:14

“Hé tɛ Korowii waa lɔ nyundua la sɔn, ásɛ dɛ ɡel nɛwɛnyina baa lɔ harɛ ta Korowii siwi aa su ba la ɡe dɔ bosɔɔhna.”

Amanesoma Jɔn Aa Chwera Tɔn 3:27

Belaa Jɔn ŋɔ, “Nomɛlbwa toole dɛ́ won dɔ komɛl dɛ Korowii laa tɛo.

Amanesoma Jɔn Aa Chwera Tɔn 6:45

Ba chwerɔ do Korowii keamere tɔne bini ŋɔ, ‘Korowiirii dɛɛ ba nomɛlbwa waa baɡla.’ Anomanta, nomɛlbwa Korowii aa dɛ baɡlo o waa la asɛ wɛɛ hweli la, wɛɛ ba n bee.

Amanesoma Jɔn Aa Chwera Tɔn 6:65

Yeesu berɔ ŋɔ, “Anɔ waa n ŋɔ nomɛlbwa aa won ba n be nemenɛ n Mɛɛ Korowii leo tɛ mɛ la.”

We-ɛɛla 11:21

Dɛ Korowii dɛ cha ba o kpeɡri ne, asɛ nɛra no Yeesu waa la dɛ yaradaa, dɛ charɛ ba liire, dɛ kpɔ ba te tɛ Yeesu. A ɡɛ nɛra nɔ warɔ kɛrɛdɛ.

Tɔn Pɔɔl Aa Chwerɛ Rom Tena 12:3

N cheɡɛ suna Korowii aa sune n nɛɛ dɛ kpɔ o toma do n nɔn ta nɔ ta, dɛɛ ja heyaa kɛ ɡɛ bɛlbwa haa doa la, ɡel ba nae ɡɛ. Bɛ́lbwa pwɛr o te, dɛ́ won jemɛ waa Korowii aa tɛo yarada ŋɔ ó kpɔ ɛ.

Tɔn Pɔɔl Aa Chwerɛ Rom Tena 9:11

Baa wola ban lolɛ mɔɔ, a ɛ kɛŋɔ ba ɛ wechɔɡa kɛɛ wedɛɛɡa la, dɛ Korowii dɔɔ ŋɔ ba nya be ŋɔ,

Tɔn Pɔɔl Aa Chwerɛ Rom Tena 9:16

Waa nɛwɛnyina aa dɛ nyin ne anɔ la yaa dɛ ɛ la, Korowii te aa an nyiŋi. O te suna waa sune nɛwɛnyina nɛɛ la, anee wɛɛ nyiŋi.

1 Kɔrent 12:6

Wejema Korowii aa bɔna tɛ yaa la koɡrɔ, kɛ Korowii beŋkpoŋii cheɡɛ ya bwa nɛɛ dɛɛ ɛ wobɛlbwa.

1 Kɔrent 15:10

Kɛ Korowii sune n nɛ, dɛ cha mɛ. Chae waa cha mɛ laanee ɡela n do ɡɛ maa doa nɔ la. O suna waa sune n nɛɛ la ta pɛɛ ɛɛ. N iro, asɛ dɛɛ ɛ o toma la kohona hale dɛ ɡwaa n bala toroma la kwara. N ɡbaɡba kpeɡri ne laa mɛɛ ɛ toma nɔ. Korowiirii sune n nɛɛ dɛ cha mɛ, asɛ mɛɛ ɛa ɡɛ la.

2 Kɔrent 3:5

A ta ɛɛ kɛŋɔ ya dɛ lii kɛŋɔ ya won waane ɛɛ ya ɡbaɡba kpeɡri ta. Korowii bee ya dɔ kpeɡri dɛɛ ɛ anɔ la bwa yaa dɛ ɛ.

Ɛfesos 1:11

Ya ne Yeesu Kristo aa baa ɛ beŋkpoŋ la waa o le yaa tɛ o te. Korowii o yon dɛɛ cheɡ ɡɛ wobɛlbwa aa dɛ ba ɛɛ asɛ a yon ɛ ɡɛ waa dɛ nyin la, on fela le yaa tɛ o te

Ɛfesos 1:5

O nyina waa dɛ nyin yaa waa o fel jemɛ ya waa cheɡ kɛŋɔ wɛɛ koh Yeesu Kristo waa dɛ́ kpɔ yaa ɛ o bii. O tetooraa o cheɡa ɡɛ.

Ɛfesos 1:9

Gɛ bwa Korowii aa ɛ Yeesu Kristo waa cheɡ o tetoora ta a fa sɔh yaa la, o berɔ pili a bwa bini tɛ yaa ya won jemɛ ɡɛ aa su o siwi o cheɡa ɡɛ saŋ la,

Ɛfesos 2:8

Korowii aa lɛ heyaa ta la, o nɛn nɛɛ suna ne he yarada waa o ɛ ɡɛ. He ɡbaɡba be laa a le, pɛɛpɛɛ o lɛ heyaa ta dɛ tɛ heyaa mkpa.

2 Tesalonika 1:11

Yeesu bala la waa ya yon dɛɛ soŋe Korowii dɛɛ tɛ heya, ásɛ o cha heyaa he soɡa bini won maɡre dɛ́ chɛ lee waa le heyaa dɛ tɛ o te la, dɛ́ tɛ heyaa kpeɡri he won ɛ wedɛɛɡa la bwa aa lɔ he bambile bini ne wobɛlbwa haa ŋɔ hé ɛ, yarada haa yaradao la nomanta.

2 Timoti 1:9

Onee lɛ yaa, dɛ le yaa ŋɔ yá ba ɛ o nɛra dɛ́ do ɡoroŋ tɛo. Ya tondɛɛɡa ɛɛ waa laa o le yaa, kɛ o liire waa dɔa tɛ yaa, ne ɡɛ waa na ya sum dɛ cha yaa waa o le yaa. Yeesu Kristo nɛɛ o che dɛ na ya sum, dɛ cha yaa dɛ le yaa mɔɔ dɛ ta komɛlbwa.

Hibru 13:21

Kórowii waa dɛ tɛ bambisɔɔhna la tɛ heyaa dadɛɛɡe aa chɛ kɛ he dɔ, dɛ́ won dɛɛ ɛ o tetoora bwa. Ó che Yeesu Kristo nɛɛ dɛ ɛ waa waa dɛ nyin bwa ya bini. Yeesu Kristo chɛ jam saŋ te bɛlbwa! Aamen.

1 Pita 1:3

Hé ɡel ya kpɛɛ Ya Dɔɔ Yeesu Kristo Mɛɛ Korowii. Waa dɛ sune ya nɛɛ kohona nomanta, o cheɡɛ ira waa ir Yeesu Kristo seo ta la ta dɛ ɡel ya ɛ nɛnfala. Anɔ ɡelɔ ya dɔ hwɛɡa aa wola jaɡa dɔe bwa.