Felepae 2:11 - mzwDBL

¹¹ ásɛ nomɛlbwa sɛh kɛŋɔ Yeesu Kristoo nɛra bwa Dɔɔ, ásɛ o Mɛɛ Korowii dɔ jirima.

Felepae 2:11 Iomraidhean Croise

Yela 110:1

N Naa Korowii ŋɔ n Dɔɔ be ŋɔ, so nomombɔr n diɡ ta, ka tel kɛŋɔ maa ba he dɔma ne harɛ he tiɡri ba nɛ.

Yela 18:49

Anomanta, mɛɛ kpɛɛre harɛre nɛra bwa bee, mɛɛ yerɛ he sɔnee, dɛ́ ɡo yela kpɛɛre.

Jeremia 23:6

O baa di kora aa, Juda tena ɛɛ dɔ bosɔɔhnaa, ásɛ Israel tena ɡe so deŋnesɔɔhna ta. Sɔn baa dɛɛ yerɔ laanee, ‘Korowii Waa Dɛ Lɛ Yaa.’

Matiu 10:32

Nomɛlbwa waa won che nɛra baah ta, dɛ́ sɛh ŋɔ o ja n nɛɛ la, ɡɛɛ n ɡee ba naate sɔn yera n Mɛɛ waa lɔ nyundua la sie kɛ o ja n nɛ.

Amanesoma Luk Aa Chwera Tɔn 2:11

Jwaana nɔ ne, ba lolɛ he Lɛɛ. He Dɔɔ Kristo Korowii aa baɡɛ nyoa ŋɔ wɛɛ tomɔɔ ó ba lɛ heyaa laanee ba lole Devid bwɛɛ la.

Amanesoma Jɔn Aa Chwera Tɔn 12:42

Juu tena nomonome kɛrɛdɛ ɡba yarada Yeesu, kɛ baa dɛ ɔmɛ Farisii tena nomanta, ba ta bolɛ nomɛlbwa no, dɛkalkɛ dɛ ba bolaa, aa ɡeloo ba doŋ ba cheremi dea joe.

Amanesoma Jɔn Aa Chwera Tɔn 13:13

He dɛ yer mɛ he dɔɔ kɛɛ he nomoa aa, aŋwɛnɛ taa, dɛkalkɛ ɡɛɛ a do.

Amanesoma Jɔn Aa Chwera Tɔn 13:14

Too, taraken he dɔɔ kɛɛ he nomoa aa sarame he nakpale nɔ, ɡɛɛ a chɛ kɛŋɔ hé ɡe ɛɛ sarame dɔŋa kwa.

Amanesoma Jɔn Aa Chwera Tɔn 14:13

Ásɛ komɛlbwa haa che n sɔn ta dɛ́ soŋe la, mɛɛ ɛo. Anɔ taa aa ba cheɡa ń lɛ jirima tɛ n Mɛɛ Korowii.

Amanesoma Jɔn Aa Chwera Tɔn 14:23

Asɛ Yeesu chaŋo ŋɔ, “Nomɛlbwa waa dɛ nyin mɛ la, wɛɛ dɛɛ teŋɛ n webaɡla la taa. N Mɛɛ ɛɛ nyinuu, n ne o bwa ba o be ya ne o so.

Amanesoma Jɔn Aa Chwera Tɔn 17:1

Yeesu aa bol waa nɔ tonɛ la, o ha sie dɛ nyiŋi nyundua asɛ dɛ jam Korowii ŋɔ, “N Mɛɛ, tɔpere la telo. Tɛ men maa ɛ he Bie jirima ásɛ n ɡe won kpɔ jirima tɛɛ.

Amanesoma Jɔn Aa Chwera Tɔn 20:28

Asɛ Tɔmas ŋɔ, “N Dɔɔ, n Korowii!”

Amanesoma Jɔn Aa Chwera Tɔn 5:23

Dɛ ŋɔ nómɛlbwa tɛ o Bie la jirima ɡɛ tenten baa dɛ tɛo jirima la. Anomanta, nomɛlbwa waa wola o Bie la jirima tɛ la, dɛ ɡɛɛ waa wola o Mɛɛ la waa tomɔ la jirima tɛ.

Amanesoma Jɔn Aa Chwera Tɔn 9:22

Dɛ Juu tena nomonome laanee baa ɔmɛ waa ba ŋɔ ɡɛ. Nomonome la ɛ nyoa beŋkpoŋ kɛŋɔ nomɛlbwa waa ŋɔ Yeesu ɛ Kristo la, baa doŋi naatee o bɛ ba cheremi dea jo kpa.

We-ɛɛla 10:36

He jemɛ waa waa ŋɔa bá ka bol Israel tena be dɛ baɡle Yeesu Amanesoma aa dɛ tɛ bosɔɔhna la. Yeesuu komɛlbwa Dɔɔ.

We-ɛɛla 2:36

Anomanta, a chɛ kɛŋɔ Israel tena bwa jemɛ kɛŋɔ Yeesu laanee Korowii ɛ nɛwɛnyini bwa dɔɔ la. Onee Kristo la. Kɛ o laa he kpaa pɛl daɡaɡre ta dɛ kpoo la aa?”

Tɔn Pɔɔl Aa Chwerɛ Rom Tena 14:11

Korowii Tɔn baɡlɔ kɛŋɔ, “N Naa Korowii bolɔ ŋɔ, ‘N ŋwɛɛrɔ kɛŋɔ nɛra bwa ɛɛ ɡuŋ mɛ harɛɛ, ásɛ nomɛlbwa di kasinteŋ kɛŋɔ Korowiirii men.’ ”

Tɔn Pɔɔl Aa Chwerɛ Rom Tena 14:9

Yeesu Kristo seo waa sewa dɛ ir la, o ɛ ɡɛ dɛ ɛ weera ne lala bwa dɔɔ.

Tɔn Pɔɔl Aa Chwerɛ Rom Tena 15:9

ásɛ a che a ta nɛra baa wola Juu tena ɛɛ la ɡe kpɛɛ Korowii kɛŋɔ waa dɛ sune nɛra nɛɛ kohona. Ba chwerɛ Korowii Tɔn bobɛl ŋɔ, “Anomanta, mɛɛ yerɛ he sɔn nɛra baa wola Israel tena ɛɛ baahnee, dɛ́ ɡo yela kpɛɛre.”

1 Kɔrent 12:3

Anomanta, n dɛ nyin kɛŋɔ he jemɛ ɡɛ waa nɔ kɛrɛdɛ, dɛ́ jemɛ kɛŋɔ nomɛlbwa waa dɛ bol waa Korowii Domadɛɛɡe la kpeɡri ne la, waa won taah Yeesu. Nomɛlbwa ɡe waa dɛ bol ŋɔ Yeesuu ya Dɔɔ la, dɛ Korowii Domadɛɛɡe la kpeɡrii ɡela wɛɛ ŋɔ ɡɛ la.

1 Kɔrent 15:47

Nɛnloɡle la, ba mao tee ne o ɛ harɛ nɛn. Asɛ nɛɛte la ɡe le nyundua.

1 Kɔrent 8:6

Kɛ ya te be, Korowii lɔ beŋkpoŋ. Onee N Naa Korowii waa ta komɛlbwa, asɛ ya do le dɛɛ tomɔ la. Ya Dɔɔ ɡe lɔ beŋkpoŋ. Onee ya Dɔɔ Yeesu Kristo. O nɛɛ Korowii che dɛ ta komɛlbwa, asɛ ya ɡe che o nɛɛ dɛ dɔ mkpa.

1 Pita 1:21

O nɛɛ a che he yarada Korowii. Korowii ɡee iru seo ta dɛ tɛo jirima. Anomanta, he yarada ne he hwɛɡa haa dɛ hwɛɡɛ la, Korowii nɛɛ a bwa do.

1 Jɔn 4:15

Nomɛlbwa waa yarada Yeesu kɛŋɔ Korowii Biee on la, dɛ naate kpɔ o te pɛl Korowii, asɛ o ɡe lawɔ pɛl o te.

1 Jɔn 4:2

Ŋwɛnɛ nɔ taa hɛɛ ba cheɡa, dɛ́ jemɛ nɛra baa dɔ Korowii Domadɛɛɡe la. Nomɛlbwa waa dɛ baɡle Yeesu waa ɛ Kristo Korowii aa tomɔ ó ba lɛ yaa la waa kɛŋɔ o baa ɛ nɛwɛnyini la, o dɔ Domadɛɛɡe waa le Korowii be la.

2 Jɔn 1:7

Nyosonteŋna tenten balɔ taraken. Banee wola yarada kɛŋɔ Yeesu Kristo ba harɛ nɔ ta kɛŋɔ nɛwɛnyini la. Nomɛlbwa waa wola ɡɛ yarada la, o ɛ nyosonteŋni dɛ ɛ Yeesu Kristo dɔm.

Wepila 3:5

Naate waa won yo le la, mɛɛ tɔɔ yapoŋee kɛ ban. Maa o sɔnee fee le Mkpa Tɔn la bini bwa. Mɛɛ bol o waa n Mɛɛ ne o nyundua toroma la bee, kɛŋɔ n nɛnee on.