Felepae 1:9 - mzwDBL

⁹ N dɛ soŋe Korowii kɛŋɔ ó ɡel he dɔ nɛnnyin kɛrɛdɛ dɛ́ɛ ja, dɛ́ berɛ dɔ wejema ne nfɛrɛ dɛ́ ja a ta,

Felepae 1:9 Iomraidhean Croise

Job Tɔn 17:9

Kɛ ane a bwa, nɛra ba wa aa toɡra la ɛɛ teŋɔɔ dɛ́ do ɡɛ dɛɛ la, dɛ́ teŋɛ dɔ bokpeɡa saŋ bɛlbwa.

Yela 119:66

Tɛ mɛ wejema ne liire, dawa maa kpɔ n te dawɛ he Mmarare ta la nomanta.

Sɛɡla 4:18

Nɛra ba wa aa toɡra waa do kɛŋɔ, bɔr aa chaahna chɔmbibii ka tel kɛŋɔ wee aa baŋa.

1 Kɔrent 14:20

Yabala, hé ɡel bechaliire. A chɛ kɛŋɔ hé dɔ nomonliire. Wechɔɡa ɛɛ te, hé ɛ he te bechasɔɔhne a bɔr. He bɛ ɡel he liire kpeɡ wechɔɡa ɛɛ ta.

2 Kɔrent 8:7

He dɛ ɛ waa Yeesu waa bwa ta, yarada ta, waa bola ta, wejema ta, ne nyina haa dɛ nyin nɛra chae ta, ne nyina haa dɛ nyin yaa la ta. Anomanta, ya dɛ nyin kɛ hɛɛ ɛ waa kwaa kɛɛ ɡe ta.

Ɛfesos 5:17

Hé ɡel he nfɛrɛ nyae la, dɛ́ jemɛ waa Korowii aa dɛ nyin la kɛrɛdɛ.

Kolosi 1:9

Anomanta, ya le awola yaa no he waa dɛ soŋe Korowii dɛɛ tɛ heyaa kɛŋɔ ó Domadɛɛɡe baɡle heyaa o wobɛlbwa kɛrɛdɛ, dɛ́ berɛ dɛɛ pili he sie hé won jemɛ wobɛlbwa aa ɛ Korowii tetoora la,

Kolosi 3:10

dɛ́ charɛ dafale. Korowiirii ɡela he do ɡɛ la. Onee dɛɛ kwaa he dafale la saŋ bɛlbwa ásɛ he do kɛrɛdɛ ɡɛ waa doa la, dɛ́ won jemɔ kɛrɛdɛ ka tonɛ.

1 Tesalonika 3:12

Yá Dɔɔ Yeesu ja heyaa dɔŋa nyina kɛrɛdɛ, ásɛ hɛɛ nyin nomɛlbwa ɡɛ yaa dɛ nyin heyaa la.

1 Tesalonika 4:1

Anɔ la aa jaa la, yabala, waa la haa hwela ya be ɡɛ aa chɛ kɛ he so ásɛ Korowii sie lɛ he nɛɛ la, ɡɛɛ hɛɛ ɛ la. Ya cheɡɛ ya Dɔɔ Yeesu naa ta dɛɛ ja heyaa ŋɔ a chɛ kɛ he ɛ dɛ ɡwaa ɡɛ.

2 Tesalonika 1:3

Yabala, ya koh he waa dɛ yon dɛɛ jam Korowii. He chɛ ɡɛ, dɛkalkɛŋɔ he yarada haa dɛ yarada Korowii la dɛ kaa sie saŋ bɛlbwa. Nyina haa dɛ nyin dɔŋa la ɡe ɡba dɛ do kan ja.

Faelemɔn 1:6

Waa maa dɛ soŋe Korowii laanee kɛŋɔ nyopɛo la he ne o nɛra aa dɔa hɛɛ yaradao la chae kɛrɛdɛ, ásɛ he won jemɛ wedɛɛɡa te bɛlbwa Korowii aa dɛ nyin o cha yaa ya won dɔ, pɛɛ ya ne Yeesu Kristo aa pɛa la nomanta.

Hibru 5:14

Nomonomee dɛɛ di kondikwaa tenten. Banee ɛ waa biɡri, dɛ jemɛ wedɛɛɡa ne wechɔɡa.

1 Pita 1:22

Taraken nɔ haa sɛh kasinteŋ la ta teŋa, asɛ a che a ta he doŋa le he nɛɛ hɛɛ nyin dɔŋa kɛrɛdɛ nɔ, hé den dɛɛ nyin dɔŋa kohona bambile bwa ne,

2 Pita 3:18

Kɛ hé swɛɛ siwi ásɛ ya Dɔɔ waa ɛ ya Lɛɛ Yeesu Kristo suna waa sune he nɛɛ dɛɛ cha heyaa la ɛɛ ja kohona. Hé swɛɛ siwi dɛɛ dɔ wejema o waa ta kohona. Hé ɡel ya tɛo jirima taraken ne saŋ bɛlbwa. Aamen.