Felepae 1:25 - mzwDBL

²⁵ Anomanta, n jemɔ kɛŋɔ mɛɛ so he bee dɛ́ won cha he bwa he kpeɡ Yeesu Kristo waa la ta, dɛ́ dɔ silɛɛ he yarada ta,

Felepae 1:25 Iomraidhean Croise

Yela 60:6

Korowii bol waa o Dea bela waa do ɡoroŋ la dɛ ŋɔ, “Mɛɛ yo bwɛjen Sɛkem tenaa, dɛ́ pɔ ba nɛ, dɛ́ bɔne o ne Sukot Fɛlembɔjen bini tɛ n nɛra.

Amanesoma Luk Aa Chwera Tɔn 22:32

Kɛ n soŋe Korowii tɛɛ ásɛ he yarada nyoa bɛ sɔɔh. Dɛ he berɔ berɛ he liire ba n be naa, hé lawɛ he bala la bá do wɔrɔbe.”

We-ɛɛla 11:23

Waa la bela dɛ ka na ɡɛ Korowii aa nyin ba dɛɛ cha ba la, o sie lɛo. Anomanta, o ja ba dɛ do ba ɡbemba ŋɔ báa teŋɛ Yeesu ŋwɛnɛ ta ba bambile bwa ne.

We-ɛɛla 14:22

Pɔɔlwa do ɡɛ bwɛɛre nɔ asɔre tena la ɡbemba ŋɔ báa teŋɛ Yeesu ŋwɛnɛ la ta kɛrɛdɛ dɛ bɛ ba nyoɡre, dɛ ŋɔ a chɛ kɛ nomɛlbwa na wahala kohona mɔɔ dɛ dɔ Korowii Kora la bini jo.

We-ɛɛla 20:25

Taraken nɔ, n jemɔ kɛ he nɛra maa valɛ he nɛɛ dɛ bol Korowii Kora nɔ waa he be nɔ, haa men na kpa bwa.

Tɔn Pɔɔl Aa Chwerɛ Rom Tena 15:13

Korowii waa ɡela ya dɔ hwɛɡa Yeesu nɛɛ la, ó tɛ heyaa silɛɛ ne bansɔɔhna he yarada haa dɛ yarada Korowii la ta, ásɛ Korowii Domadɛɛɡe ɡe cha heyaa, ásɛ he won dɛɛ hwɛɡɛ Yeesu nɛɛ kohona.

Tɔn Pɔɔl Aa Chwerɛ Rom Tena 15:18

Waa Yeesu Kristo aa cheɡɛ n nɛɛ dɛ ɛ he nɛra haa wola Israel tena ɛɛ bini la, maa lii kɛŋɔ mɛɛ won bol anfala ane ja a ta. A ɡbo waa n jemɛ. Anee kɛŋɔ taraken haa yarada Korowii waa nɔ. Waa Yeesu aa cha mɛ mɛɛ bol dɛɛ baɡle heya, ne waa waa cha mɛ mɛɛ ɛ,

Tɔn Pɔɔl Aa Chwerɛ Rom Tena 15:29

N jemɔ kɛŋɔ dɛ n ba he be naa, mɛɛ soŋe Yeesu Kristo ó swee andɛɛɡa tɛ heyaa kɛrɛdɛ.

Tɔn Pɔɔl Aa Chwerɛ Rom Tena 5:2

Yaa yarada Yeesu dɛ kpɔ ya te tɛo la, a taa a che o ɡel Korowii ɛɛ na ya sum dɛɛ cha yaa ɡɛ waa dɛ cha yaa nɔ. Anomanta, ya sie lɛo, dɛkalkɛŋɔ ya jemɔ kɛŋɔ bela Korowii aa lole o waa dɔ jirima kohona la, ya ɡee do belaa.

2 Kɔrent 1:24

Kpeɡri laa yaa baɡle heyaa he Korowii yaradae ta. Yaa ɡɛ lii kwaraa. Ya jemɔ kɛ he cheɡɔ kiŋkiŋ he yarada ta. Ya dɛ nyin kɛ ya cha heyaa ásɛ he sie lɛ.

Felepae 1:24

Kɛ he nomanta, a hiaoh kohona kɛ n do bonɔ dɛ́ won cha heya.

Felepae 2:24

N dɔ hwɛɡa ya Dɔɔ nɛɛ kɛŋɔ aa biɡri bɛlbwa ásɛ n ɡbabir dɔ bɔr dɛ́ ba he be.

Faelemɔn 1:22

Anɔ la ɡe aa jaa laanee kɛŋɔ nyin dea dɛɛ cheɡ mɛ. N dɔ hwɛɡa kɛŋɔ Korowii ɛɛ no he wesoŋa haa dɛ soŋo dɛɛ tɛ mɛ laanee ásɛ dɛ berɛ kpɔ mɛ ba tɛ heyaa ja.

1 Pita 1:8

He ta on nae ka, kɛ he dɛ nyinu. Taraken ɡba, haa on na, kɛ he dɛ yaradao. Anomanta, he sie dɛ lɛ kohona nɛn aa wola won baɡle a wa.