Felepae 1:22 - mzwDBL

²² Kɛ dɛ n ta soɡe le naa, mɛɛ ba wonoo ɛ toma á won dɔ tɔnɔ kɛrɛdɛ. Anomanta, maa jemɛ onɔ la bwa waa wera n be ń kpɔ.

Felepae 1:22 Iomraidhean Croise

Mumpar 21:26

Asɛ o chaŋe ŋɔ, “Maa nɛra baa ɛ ɡɛ waa nɔ jemɛ bwa. Dɛ fini laa hɛɛ bola nɔ naa, n fe ta an noɛ bwa.”

Mumpar 39:8

Kɛ Josef ta sɛɛh, asɛ dɛ ŋɔ o nomoa haah la be ŋɔ, “N dɔɔ aa dɛ yarada mɛ kohona nomanta, o kpɔ komɛlbwa waa lɔ o dem bonɔ, ne o komɛlbwa waa dɔa do n nɔn ta, waa wola a waa lii kpa.

Yela 71:18

Hale n hwɛɛhrɔ n nyumpona to kwaraa naa, N Naa Korowii, bɛ men ta. Ja n nɛ, ásɛ n bol he kpeɡri ne he kan haa doa waa baɡle n naanar baa ka ba bwa.

Kaala 32:1

Nɛra la aa baa na kɛŋɔ Mosis biɡri bwejen la doa waa wola ba warane la, ba wuro ka tɔ Arɔn nɛ dɛ ŋɔ, “Taraken Mosis nɔ waa lawɛ yaa le Ijipt harɛ la, yaa jemɛ waa aa puu waa wola balɛ mɔɔ, anomanta, kwaa voɡa tɛ yaa á tɔ ya sie dɛ́ kaa ya ne.”

We-ɛɛla 3:17

Yabala, n jemɔ kɛŋɔ bɛ jemaa ɡela he ne he nomonome ɛ Yeesu waa haa ɛo la.

Tɔn Pɔɔl Aa Chwerɛ Rom Tena 1:13

Yabala, n dɛ nyin kɛ hé jemɛ kɛŋɔ saŋ bɛlbwaa n fe ɛɛ nyin kɛ ń ba he be, asɛ waa yon dɛɛ tɔ mɛ ŋwɛnɛ. N dɛ nyin ń dɔ he bane dɛ tɛ Yeesu Kristo kɛŋɔ maa dɔ bane le nɛra ba ɡe aa wola Juu tena ɛɛ bini la.

Tɔn Pɔɔl Aa Chwerɛ Rom Tena 11:2

Korowii ta nɛra o fa aa lee ba cheɡ wubwa ba ɛ o nɛra la vɛɛh. Kɛ he jemɛ ɡɛ Korowii Tɔn aa bol Korowii keame Elaeja waa ŋɔ o chɔɡ Israel tena tɛ Korowii laɔ?

2 Kɔrent 10:3

A ɛ kasinteŋ kɛŋɔ harɛ bonɔɔ ya so. Kɛ harɛ bonɔ laa laa yaa yo.

Galaasia 2:20

Baa kpaa Yeesu Kristo pɛl o daɡaɡre ta la, a kaa ɛ kɛ n ne onee sewa. Anomanta, n soɡa nɔ maa soɡa nɔ, n ɡbaɡba laa dɛɛ hwee nɔ. Korowii Bie Yeesu Kristoo soɡe n nɛɛ dɛɛ hwee la. N hweera nɔ maa dɛ hwee nɔ, yarada maa yaradao la, anee ɡela n do le la. Korowii Bie nɔ nyin mɛ kohona dɛ kpɔ o hweera charɛ n nyu.

Felepae 1:23

N chinchaŋo. N dɛ nyin kɛ n sewɛ dɛ́ ka so Yeesu Kristo be. A bɔ kohona kɛ maa soɡe bonɔ.

Felepae 1:24

Kɛ he nomanta, a hiaoh kohona kɛ n do bonɔ dɛ́ won cha heya.

Kolosi 2:1

N dɛ nyin he jemɛ ɡɛ n siwi aa swɛɛra mɛɛ koh n te he ne Laodisia tena ne nɛra baa wola men jemɛ la wa,

1 Pita 4:2

Le fini dɛɛ kaa, hé kpɔ Korowii tetoora dɛɛ tɔ sie he soɡa bini harɛ bonɔ. He bɛ kwaa nɛwɛnyina aa dɛ pɛlɛ a ta la nɛɛ dɛɛ teŋɛ kpa.