Felepae 1:21 - mzwDBL

²¹ N soɡa nɔ maa soɡa nɔ, Yeesu Kristo waa n so. Dɛ n sewɔ ɡe aa, anee dɔ tɔnɔ tɛ mɛ kwara.

Felepae 1:21 Iomraidhean Croise

1 Kɔrent 1:30

Korowiirii ɡela he ne Yeesu Kristo pɛ, ásɛ ya che o nɛɛ dɛ dɔ Korowii wejema. O nɛɛ a che Korowii na yaa kɛ nɛndɛɛɡa dɛ berɛ kpɔ yaa ɛ o kwa. Onee kpɔ seo dɛ yawɛ yaa le ya wenaale ta.

1 Kɔrent 3:22

Pɔɔl ne Apolos ne Pita, nyundua ne harɛ, mkpa ne seo, kwaa aa lole fini ne kerekere oo, heyaa dɔ a bwa.

2 Kɔrent 5:1

Ya harɛ nɔ ta bwadabii nɔ do kɛ pata ya do o ta. Ya jemɔ kɛ dɛ o chɔɡaa, Korowii ɛɛ tɛ yaa defale o ɡbaɡba aa doa waa wola chɔɡ bwa nyunduaa.

2 Kɔrent 5:6

Anomanta, ya bwara aa yaa hwah bwa. Ya jemɔ kɛ ya lɔ ya bwadabii nɔ bini naa, ya toole ya Dɔɔ be,

2 Kɔrent 5:8

Ya bwara aa yaa hwah tamaa bɛlbwa. Dɛ ya ɡel ya bwadabii nɔ waa do kɛ dea nɔ dɛ ka do ya Dɔɔ be naa, ɡɛɛ yaa nyin.

Galaasia 2:20

Baa kpaa Yeesu Kristo pɛl o daɡaɡre ta la, a kaa ɛ kɛ n ne onee sewa. Anomanta, n soɡa nɔ maa soɡa nɔ, n ɡbaɡba laa dɛɛ hwee nɔ. Korowii Bie Yeesu Kristoo soɡe n nɛɛ dɛɛ hwee la. N hweera nɔ maa dɛ hwee nɔ, yarada maa yaradao la, anee ɡela n do le la. Korowii Bie nɔ nyin mɛ kohona dɛ kpɔ o hweera charɛ n nyu.

Galaasia 6:14

N te aa n te maŋkura wobɛlbwa ta, ya Dɔɔ Yeesu Kristo daɡaɡre ta sewa la waa taa n te ɛɛ jaaɡi. O seo la ɡelɔ harɛ ta bonɔ waa berɛ wepɛɛ n be, a ta kpeɡri dɔe n nɛɛ kpa.

Felepae 1:20

Waa maa dɛ nyin n siwi swɛɛ a ta laanee kɛŋɔ, n bɛ n toma ba ɛ kahonɛ sihiih kpo mɛ, kɛɛ n won dɔ bambile kɛrɛdɛ taraken kɛŋɔ n fa aa dɔ bambile la, ásɛ Yeesu Kristo won dɔ jirima n we-ɛɛla bini. Dɛ ba ɡelɔ n so le noo, ba kpo mɛ noo, Yéesu Kristo dɔ jirima a bwa bini.

Felepae 1:22

Kɛ dɛ n ta soɡe le naa, mɛɛ ba wonoo ɛ toma á won dɔ tɔnɔ kɛrɛdɛ. Anomanta, maa jemɛ onɔ la bwa waa wera n be ń kpɔ.

Felepae 1:23

N chinchaŋo. N dɛ nyin kɛ n sewɛ dɛ́ ka so Yeesu Kristo be. A bɔ kohona kɛ maa soɡe bonɔ.

Felepae 2:21

Dɛ o laa aa, bɛlbwa sese dɛ dawɛ o ɡbaɡba wa, waa Yeesu Kristo waa dawɛ.

Kolosi 3:4

Awola Yeesu Kristo he mkpa aa lɔ o be aa ba harɛ ta la, he ne o bwa ɛɛ pɛo dɛ ba ɡɛ saŋ, dɛ ba dɔ jirima o bala la ta.

Wepila 14:13

N berɔ no taa bɛl nyundua o ŋɔ, “Chwerɛ waa nɔ. Le fini dɛɛ kaa, nɛra baa yarada ya Dɔɔ la dɛ kpɔ ba te tɛo la, dɛ ba sewaa, ba na som.” Korowii Domadɛɛɡe la bolɔ ŋɔ, “Kpelaa, ba onɔ. Ba lee ba ba koeh ta. Ba sɔndɛɛɡe ɛɛ teŋɛ ba nɛɛ kaa.”