Felepae 1:19 - mzwDBL

¹⁹ dɛkalkɛŋɔ n jemɔ kɛ Korowii ɛɛ lɛɛ mɛɛ le waa aa chiɡ n nɛɛ nɔ ta, he Korowii soŋa ne Yeesu Kristo Domadɛɛɡe la alaworomɛ.

Felepae 1:19 Iomraidhean Croise

We-ɛɛla 16:7

Baa dɛ kaa dɛ ka tel Maesea harɛ jaɡa la, ba fe ŋɔ bá jo Bitiinia harɛ ta, kɛ Yeesu Domadɛɛɡe ta ban ŋwɛnɛ tɛɛ,

Tɔn Pɔɔl Aa Chwerɛ Rom Tena 8:28

Ya jemɔ kɛŋɔ nɛra baa dɛ nyin Korowii la, wobɛlbwa aa puu ba la, o ɡelɔ a ɛ wedɛɛɡa dɛɛ tɛɛ ba. O tetooraa o lee ba ba ɛ o bii.

Tɔn Pɔɔl Aa Chwerɛ Rom Tena 8:9

He te la, he ta he nɛwɛnyini mar nɔ wechɔɡa aa suu nɔ som kpɔe ɡwaa wobɛlbwa. Dɛ Korowii Domadɛɛɡe lɔ he nɛ aa, ɡɛ waa dɛ baɡle heyaa laanee hɛɛ ba dɛɛ ɛɛ. Nomɛlbwa waa wola Domadɛɛɡe Yeesu Kristo aa dɛ tɛ la dɔe la, dɛ Yeesu nɛn laa on.

1 Kɔrent 4:17

A waa ɡela n tomɛ Timoti he be la. O ɛ n bie maa dɛ nyinu, wɛɛ no n deŋna waa Yeesu Kristo toma nɔ ta. Wɛɛ lii heyaa ɡɛ maa dɛ teŋɛ Yeesu Kristo waa la ta. Gɛ maa dɛ baɡle asɔrere ta bobɛlbwa laanee wɛɛ ba heyaa liira.

2 Kɔrent 1:11

Hé cha yaa dɛɛ soŋe Korowii, ásɛ dɛ o baa no he wesoŋa dɛ cha yaa aa, nɛra won kpɔ jam tɛo pirim dɛ́ tɛ yaa kɛŋɔ waa no nɛndamanta wesoŋa baa soŋa tɛ yaa la.

Galaasia 3:5

Korowii Domadɛɛɡe nɔ waa tɛ heya, dɛɛ ɛ nyokpowaa he bini nɔ, dɛ Mosis Mmara ta teŋa waa o ɛ a bwa kɛɛ haa dɛ no o waa dɛ yaradaa la waa yɔ?

Galaasia 4:6

Korowii aa dɛ nyin kɛŋɔ o baɡle kɛŋɔ o biirii yaa la nomanta, o tɛ yaa o Bie la Domadɛɛɡe la o so ya nɛ, asɛ ya won dɛɛ yerɔ ‘n Mɛɛ, n Mɛɛ’, kɛŋɔ bie aa dɛ yerɛ o mɛɛ ɡɛ la.

Felepae 1:18

Kɛ pɛɛpɛɛ. Dɛ liichɔɡa nee baa bola o, dɛ tepoŋ nee baa bola o, Yeesu Kristo waa baa bol la, n baah sɔɔh mɛ. Aa sɔɔh mɛɛ dɛɛ la,

1 Pita 1:11

Dɛ Kristo Doma soɡe ba nɛɛ dɛɛ baɡle wahala Kristo aa dɛ ba nae, dɛ baɡle jirima aa dɛ ba bala wahala la habɔɔ. Ba takapɔ kɛŋɔ bá fee won jemɛ tɔpere aa dɛ ba chiɡa, ne ɡɛ aa dɛ ba ɛɛ.